بستغرب لما بتفرج على التليفزيون و الاقي كل برنامج بيشتم في التاني و بيقول عليه اعلام محرض و التاني بيشتم فيه و بيتهموا نفس الاتهام
طيب انا كمشاهد المفروض استفيد ايه ؟
بستغرب لما الاقي الناس بتتصرف بطريقة غير منطقية نهائيا
عرض للطباعة
بستغرب لما بتفرج على التليفزيون و الاقي كل برنامج بيشتم في التاني و بيقول عليه اعلام محرض و التاني بيشتم فيه و بيتهموا نفس الاتهام
طيب انا كمشاهد المفروض استفيد ايه ؟
بستغرب لما الاقي الناس بتتصرف بطريقة غير منطقية نهائيا
+1
فعلا والله العظيم بابقى باكلم نفسى وانا باشوف حد بيشتريها لا واية كمان ياريتة بيشتريها يحطها فى جيبه لا يبص عليها قوى ويضحك كانه فرحان بالصور اللى عليها.....
فرحان فعلا بشوية الصحة اللى مش دايمة دى وبيقول لنفسه يالا خلينا نخلص بدرى بدرى هههههه
شعب فلة مش عاجبة المية اللوثة والاكل اللى كله فعلا مبيدات ولا الدوا ولا ...ولا ..
بيختمها بسجااااااير..
أستغربت أوى لما سمعت حوار للفنانة لبلبة بتقول فية أنها بتكسف أوى ....
:POINTIy2[2]: لبلبة بتكسف ؟؟!!
الصبر من عندك يارب ....
انا باستغرب
لما الاقى الغلابه اللى الثوره اتعملت ليهم
بيشتمو فيها وفى شبابها
اجدع شباب فى العالم
وبستغرب جداً
لما بلاقى الفلول مش هما اللى بيحاربو الثوره
وبيخلونا احنا اللى بنحاربها
زى فى السجون مش بيضربوهم لأ
بيخلو المساجين يلفو حوالين بعض ويضربو بعض
:POINTIy2[2]:
اكتر حاجة بستغرب منها انهم بيمثلوا وعملين نفسهم بيشرحوا وبيفهمونا واحنا بنمثل اننا بنفهم منهم وبستغرب اكتر اننا بنذاكر اللى قالوا حتى واحنا مش مقتنعين بية وبستغرب اكتر انهم بيمتحنونا فيو وبستغرب اكتر من اننا بنحل وبننجح ونطلعالسنة اللى بعدها
بما اننا فى منتدى عربيات فحتكلم فى هذا المجال وطبعا مش من قلة الاستغراب من البيحصل لاكن
دونا للتذكير فدة بقى واقع يومى وبشكل متكرر وحولنى انا شخصيا من حالة الاستغراب الى الاشمئزاز والضيق
بالنسبالى بستغرب ان فى حجات كتير اتغيرت بعد الثورة الا الشوارع زى ما هية (قمامة -تسول -اهمال-زحمة-طرق غير ممهدة وغير منارة (غير صالحة للاستخدام اليومى الادمى )
بستغرب لما بلاقى ان كل دول العالم بشكل عام الا مصر بشكل خاص طرقها متسفلتة وممهدة حتى فى دول محتلة اجد الطرق ممهدة
بستغرب ان ولا برنامج من البرامج التلفزيونية او اى مناقشة فى البرلمان اتكلموا عن الشوارع او بداو فى اى اجراءات تصليح او عن اسعار السيارات فى مصر
بستغرب لما الاقى ناس بتشتم فى غبور وفى نفس الوقت كل الشوارع مليانة هيونداى
بستغرب ان كل ما سعر العربيات يزيد الناس تشترى اسرع
بستغرب ان سعر عربيات مدينة عادية بتنزل باقل اوبشن وبتتباع بسعر يصل ل 200.000 جنية !!!
بستغرب لما الاقى ناس بتجرى بعربيات عادية مع بعض والاغرب فى شوارع غير ممهدة وخلاف ذلك عربياتهم لاتنتمى
لفئة Race car
فى الاخر دة جهل ودة الوصل حالنا ان الشوارع بقت بالشكل دة وكل يوم بنعانى اكثر من اليوم القبلة ...
الحاجات دي بتحرقلي دمي مش بتخليني استغرب بساقتباس:
بستغرب لما الاقى ناس بتشتم فى غبور وفى نفس الوقت كل الشوارع مليانة هيونداى
بستغرب ان كل ما سعر العربيات يزيد الناس تشترى اسرع
بستغرب ان سعر عربيات مدينة عادية بتنزل باقل اوبشن وبتتباع بسعر يصل ل 200.000 جنية !!!
بستغرب لما الاقى ناس بتجرى بعربيات عادية مع بعض والاغرب فى شوارع غير ممهدة وخلاف ذلك عربياتهم لاتنتمى
لفئة race car
فى الاخر دة جهل ودة الوصل حالنا ان الشوارع بقت بالشكل دة وكل يوم بنعانى اكثر من اليوم القبلة ...
مش بس فى اوروبا فى دول الخليج كمان هنا مش لازم اشترى بالكيلو فاكثر ممكن ادخل السوبرماركت او محل البقاله الى لازم بيبقى فيه خضار وفاكهه واشترى موزه وتفاحه ممكن اشترى طماطمايه واحده اه والله ممكن اشترى مستلزمات سلطه على الاد يعنى غدد 1 حبه طماطم وخيار وبصل وفلفله ومن غير اى حاجه انما ىف مصر اروح لواحد مش هاقولكم محل خضراتى ولا فكهانى لا ده ممكن واحد بياع سريح فى الشارع بعربيه كارو بيبع مثلا موز واقوله ادينى كيلو موز يبصلى من فوق لتحت نظره دونيه ويقولى ماتاخد اتنين كيلو نص ب 10 جنيه يا استاذ ولسان حاله عايز يقولى مش عيب عليك راجل ملو هدومك وبتاخد كيلو بس وانا ابقى عايز امسك فيه واقوله انت مال الى خلفوك اخد الى انا عايزه بفلوسى ده غير انه بس الى ينقى الحاجه ويجيبلك الحاجه البليظه والمفقعه بجد حاجه تفقع انا هنا فى قطر حاسس فى الموضوع ده يالرغم انه حاجه تافهه ان الواحد براحته يجيب الى هو عايزه الى انت عاوزه تجيبه لو حبه فاكهه واحده او لو المحصول كله انما فى مصر اعوذ بالله
السلام عليكم و رحمة الله و بركاته
بالظبط كده, هتكسب ثواب كتير أوى, لما تعرف شباب كتير عاوزين يروحوا ايطاليا, أخبار الدنيا هناك ايه دلوقتى و ايه الحلو و ايه الوحش هناك.
أنا أعرف واحد من بلد جمبنا, كان شغال سواق أجرة فى مصر بين المحافظات و بعدين سافر ايطاليا بعد مادفع 60000 جنيه, بس مسافر نظامى عادى مش تهريب, شغال سواق تريلا دلوقتى هناك فى ايطاليا, ألا دول بيكسبوا كتير و لا ايه النظام ؟؟؟؟
فى انتظار موضوعك ان شاء الله.
أنا بقى باستغرب من اللى عنده ميعاد وينزل من بيته قبل الميعاد بربع ساعة عشان عنده عربية !!!!
وباستغرب كمان من ان أسرع وسيلة مواصلات فى القاهرة هى الميكروباص
وباستغرب لما أشوف عمال نظافة بيكنسوا الشارع
وباستغرب لو قطعت المسافة من المعادى الى مدينة نصر فى 25 دقيقة
وباستغرب لو المياه ما قطعتش .... أو الحنفية نزلت مياه نظيفة
وباستغرب لما أقابل موظف أو بائع بيتعامل مع الناس بابتسامة وأدب
انا في البدايه عايز ابدي اعجابي بالموضوع
ثانيا :استغرب بقي
1- بستغرب من القنوات اللي المفروض ان اسمها قنوات افلام وتلاقي يجيبلك 5 دقايق من الفيلم و 3/4 ساعه اعلانات لدرجه ان الواحد بينسي هو كان بيتفرج علي ايه
2- بستغرب من ضمن الاعلانات دي اعلانات لايمكن تتعرض زي اعلان المنتج tiger....... اللي يقولك وداعا لل..........:waaaht::01964E~163:
3- بستغرب من الثانويه العامه اللي لو عملوا استفتاء عليها هيلاقوا طلبه الجمهوريه كلها عايزينها تتشال الا قله قليله
4- بستتغرب من حصريا وفي مصر بس ان 3/4 الشعب المصري ما دخلش الكليه اللي هو عايزها و الربع الباقي يحتوي علي (ناس متعلومش اصلا وقلة العيال الدحيحه اللي بتحفظ الكتب حفظ علشان تدخل الكليه اللي هي عايزاها:3_3_102[1]:)
5- بستغرب ان الواحد يروح لشركة النت يقولهم عايز نت 512 كيلو بايت تروح تلاقي اقصاه 60 كيلو بايت ده غير مواقع الرفع السئييييييييييييييييييييي ييله وطبعا تدفع 95 ج زي الشاطر
6- بستغرب من اللي يقولك اسعار العربيات هتنزل السنه الجايه :brn: تروح السنه الجايه للمعرض يقولك اقل عربيه عندي ب 50 الف دي طبعا مش كامله ومش اتوتوماتيك ومهيش باور
شكرا
بستغرب أوى لما ألاقى شرايط الأغانى الشبابية اللى كنت بشتريها وأنا صغير بتاعت عمرو دياب و محمد فؤاد و غيرهم وهى مرمية فى الدرج بقالها سنيييييييين من غير ما يجى فى بالى خاااااااااااااااالص أنى أسمعها ....
حد ممكن دلوقتى يسمع أغنية زى شوقنا ولا ما بلاش نتكلم فى الماضى مثلآ؟؟!!
أشك ....
أصل الأغانى دى عمرها قصير أوى ....
ألبوم عمرو دياب مش ممكن أسمعة أكتر من أسبوعين و دلوقتى مابشتريش ألبوماتة الجديدة خالص ....
لكن أغانى أم كلثوم و عبد الوهاب ومحمد فوزى و عبد الحليم اللى مكنتش بحب أسمعها و أنا صغير أكتشفت لما نضجت أن هى دى الأغانى بجد ....
و بصراحة أنا شايف أن كل مغنين التمانينات و على رأسهم عمرو دياب ....
ضحكوا علينا وفهمونا أن العك اللى بيعملوة دة أسمة فن ....
بستغرب اوى لما شخص او حد او انسان يغلط ولا يعتذر رغم ان الاعتذار يزيد من قدر المعتذر
أزاى حاجة زى كدة بتخليك تستغرب يا عم فتح؟؟!!
ثقافة الأعتذار دى خلاص أختفت من مجتمعنا زى ما أختفت حاجات تانية كتير أوى ....
ودة التدهور الناتج عن غياب التعليم فى المدارس و الجامعات ....
وغياب الأب والأم عن المنزل لأنشغالهما بالعمل ....
فى حد فاضى لأولادة دلوقتى عشان يربيهم ....
الفساد اللى كنا ولازلنا بنعيش فية شمل كل شىء فى حياتنا حتى الأخلاق ....
أنا باستغرب (ومؤكد باتغاظ) لما أنزل الصبح ويكون فيه حد من الجيران برضه نازل ويعمل نفسه مش واخد باله علشان ما يردش عليك السلام (ملاحظها قوى وبقيت أعملها كمان ماهو الكبر على أهل الكبر صدقة) لكن لما حد بيلقى السلام بارد عليه السلام كاملا .
,احيانا كتير باطبق نظرية الهوا
(عندكم فكرة عن نظرية الهوا)
أستغربت أوى لما عرفت أن صورة حبيب رجعوها تانى للوحة شرف أكاديمية الشرطة ....
الراجل الفاسد اللى قتل المتظاهرين وهرب البلطجية و المساجين صورتة فى لوحة شرف أكاديمية الشرطة!!!!
لا بصراحة عندهم حق ....
هو الراجل عمل أية يعنى ؟؟!!
أحنا بس اللى بنحب نحبك كل حاجة ....
أية البلد دى ؟؟!!
لك اللة يا مصر ....
بستغرب أوى لما الاقى بنى أدم رخم بيسئل و يقولى:
هو أنت مش ناوى تتجوز بقى؟؟!! :w6266d
دة على أساس أن قرار الجواز دة بمزاجى مثلآ؟؟!!
يعنى النهاردة أحس أنى مخنوق شوية فاروح أتجوز و كأنى رايح أحلق دقنى :B4_039: ....
أية الناس دى؟؟!!
أية المجتمع المتطفل دة؟؟!!
بستغرب أوى لما ألاقى صديق طفولتى اللى أعرفة من 33 سنة مصمم على التواجد معايا بالرغم أنة عارف و متأكد تمامآ أنى مش بحبة و مش عايزة يكمل معايا الباقى من عمرى ....
عارفين الصديق اللزقة دة أسمة أية؟؟!!
أسمة الحزن ....
أستغربت أوى لما قريت خبر وفاة السباح النرويجي ديل اوين بطل العالم عن 26 عاما أثناء مشاركته في معسكر تدريبي في أريزونا بالولايات المتحدة ....
بس يا خويا الدكاترة يطلعوا يقولوا لنا عن أهمية الرياضة فى تقوية القلب ....
والشاب دة راح فى غمضة عين بالرغم من أنة رياضى جامد و محقق أرقام قياسية شديدة .... :36_2_55[1]:
محدش بياخد أكتر من نصيبة والأعمار بيد الله ....
تلعب رياضة تلعب فى مناخيرك :ma(30): لا هتقدم يوم فى عمرك ولا هتأخر يوم ....
الأنسان كالبخار الذى يظهر قليلآ ثم يختفى ....
بستغرب أوى لما أسمع عن منصب وزير الثقافة ....
بالذمة دى بلد و لا دول بشر عشان نعملهم وزارة أسمها وزارة الثقافة و نجيب لها وزير يدير شئونها؟؟!!
اكل العيش يعمل اكتر من كده
هههههههههههههههه اللي بيعمل معايا الموقف ده بديله الطريحه يقوم معتش يتكلم معايا تاني اساسا
ههههههههههههههههههههههههه هه سيبهم يا عم اهم بيقلبوا عيشهم
حبيب قلبى Screenplays .... :friends:
ياااااااااااااااااااااااا اة بقالى مدة و أنا قاعد بستغرب لوحدى ربنا ما يحرمناش من مشاركاتك اللى زى العسل ....
أستغربت أوى لما سمعت كلام محمد حسن رمزى منتج فيلم أسماعيلية رايح جاى لما قال:
بعد ما خلص تصوير الفيلم وأتفرجت علية لوحدى قبل ماينزل السينما ضربت نفسى بالجزمة لأنى أنتجت فيلم ساقط زى دة و سئلت نفسى أنا أزاى رضيت أنتجة و طلبت من ربنا أن الفيلم يغطى المصاريف اللى أتصرفت علية بس ومش ضرورى أبدآ يكسب و قررت أنى مش هنتج تانى أبدآ ....
وساعة ما الفيلم دة نزل كان نازل معاة فيلم المصير بتاع يوسف شاهين اللى أخد جايزة مهرجان كان لما عرف محمد حسن رمزى الموضوع دة لطم وقال:
كدة أنا أتخرب بيتى وش ....
بقى معقول الناس هتتفرج على فيلم ساقط زى أسماعيلية و يسيبوا فيلم عظيم ومتكلف زى المصير؟؟!!
لكن المنتج كان ناسى أنة عايش فى بلد العجايب والفيلم اللى كان بيعتبر سااااااااقط نجح نجاح محصلش فى تاريخ السينما المصرية و فيلم المصير أتشال من السينمات بعد أسبوعين عشان محدش راح شافة ....
انت هتقولي
تعالي شوف عمر و سلمي 3 جايب كام و بنات العم جايب كام
شوف بقي الافلام المحترمه زي المصلحه و رد فعل جايبين كام
الحمد لله الانتاج السينمائي وقف في مصر خلاص
بستغرب أوى لما أتفرج على فيلم الأرهاب والكباب ....
أصل الفيلم دة أنتاج سنة 1992 يعنى من 20 سنة وتحس أنة أتصور أمبارح لأن المشاكل هى هى ومفيش أى حاجة عايزة تتغير فى البلد دى ....
اه صح
بستغرب أوى لما لما أشوف أب و أم عندهم حد فى الثانوية العامة ....
تلاقيهم يا عينى قلقانين و هيتجننوا و يصرفوا على الدروس الخصوصية اللى وراهم واللى قدامهم ....
كل دة لية؟؟!! :U_thin1[1]:
عشان الولد ولا بنت يقفوا فى طابور العاطلين ولا عشان يشتغلوا ب 500 جنية فى الشهر؟؟!!
أية لازمة الشهادات فى بلد مش بتقدر لا العلم ولا العلماء؟؟!!
مش بالذمة الولد فى البلد دى أحسن لة يروح يلعب كرة قدم بدل التعليم اللى مبيأكلش عيش دة؟؟!!
علي رأيك و الله ... انا ابن خالتي الوسطاني فاحت نفسه عشان الامتحانات ... الواد نفسه في صيدله ... انا قولتله لو ربنا كرمك و دخلتها تطلع تعمل معادله في كندا بدل ما تعد زي البطيخه و تبقي بياع ادويه في مصر
أستغربت أوى لما شوفت أعلانات فيلم جيم أوفر .... :O_stupid[1]:
سئلت نفسى هى يسرا كبرت و خرفت؟؟!!
أية اللى يخليها تتعامل مع السبكى وتقدم فيلم ردىء زى دة بعد ما عملت أفلام ومسلسلات مع أهم و أكبر المؤلفين والمخرجين فى مصر؟؟!!
هى ناقصها فلوس مثلآ؟؟!!
مش كان كفاية الهبل والهرتلة اللى عملتة مع عادل أمام فى فيلم بوبوس؟؟!!
طب مى عز الدين و عارفين أن كل أفلامها ساقطة و ملهاش أى تلاتين لازمة ....
و يسرا كمان دخلت مزبلة السبكى؟؟!! :10_1_104v[1]:
دى الفلوس دى بتعمل عمايل و خصوصآ مع الفنانين اللى ميملاش عينها غير التراب ....
أتفرجوا يا جماعة على المعلم السبكى وهو بيدى توجيهاتة للممثلين و المخرج واقف جنبة زى كيس الجوافة ....
‫يسرا _ مى عز الدين _ ميكينج فيلم جيم اوفر الجديد قريبا.wmv‬‎ - YouTube
حاجة فعلآ تقرف ....
ليه الفيديو ده يا عم ؟ انت عايز تقلب معدتنا ؟
ساعه الفلوس بتوه النفوس
باستغرب لما يبقى طقم المديرين اللى عندى فى الشركة بقالهم اكتر من 20 سنة شغالين و لما تتناقش معاهم فى الشغل او تبقى عايز تعمل حاجة و تاخد فيها قرار تكتشف انهم و لا مؤاخذة حمير و ولا بيفهموا
الواحد منهم انا ما اشغلوش عندى علشان يروح يجيبلى سجاير
و برضه لو لابس فى ايدك الشمال دليل انك اضحك عليك و حد قلوظلك العمة و اتجوزت :10_1_104v[1]:
الناس حاتسال انت متجوز بقالك اد ايه و معاك عيال قد ايه و مراتك شغالة فين و ممكن كمان عندها كام سنة :waaaht:
احنا مجتمع رخم و حشرى و دماغه فاضية و مناخيره و ايده طويلة
أستغربت أوى لما قريت قصة حياة المطربة داليدا ....
طبعآ كلنا عارفين أن داليدا ماتت منتحرة بجرعة زائدة من الأقراص المهدئة ....
لكن اللى الناس متعرفوش بقى أن داليدا كان فى حياتها 3 رجالة بردوة ماتوا منتحرين ....
أول واحد كان جوزها الأولانى اللى بعد ما داليدا سابتة أتجوز مرة تانية بس حاول يرجع لها ولما فشل أنتحر بمسدسة ....
التانى كان مغنى أيطالى حبيتة داليدا جدآ ودعمتة فنيآ لكن بعد فشلة فى مهرجان سان ريمو سنة 1967 أنتحر بمسدسه في أحدى الفنادق ....
وعندما تمكنت من نسيان الماضي أحبت رجل فى فترة السبعينات ولكنه هو الاخر توفي منتحر بس مقالوش أزاى ....
داليدا كتبت رسالة قبل ما تنتحر بتقول فيها "سامحوني الحياة لم تعد تحتمل" ....
يعنى كل الفلوس و الشهرة و العز اللى كانت عايشة فية و مع ذلك الحياة بالنسبة لها كانت لا تحتمل ....
أمال أحنا نعمل أية؟؟!! :120146b