ساعدوني في تجميع مواصفات كمبيوتر

**SYD** · 07-02-2012 04:22 AM

المشاركة الأصلية كتبت بواسطة al_manara

لا الباور سبلاي سهلة خالص
عندك ماركات محترمة بتتباع في السوق من اول 150 جنية وعليها ضمان سنة وممتاز وبيبدا من 350 وات

hec
gamma
cooler master
antec
corsair
ocz
وفي منهم الباور سبلاي الاحترافي .

اولا احب اقول لحضرتك معلومة في غاية الأهمية
الشركات الصيني (الجميلة) بتكتب علي الباور حاجة وبتخرج حاجة تانية خالص
يعني تكتبلك 350 وات و400 واحيانا 500 وهي في الحقيقة مش مكملة 150 او 200 بالعافية

هل تعلم ان سيرفر فيه 2 بروسيسور وحوالي من 16 الي 24 مروحة مقاس 90مل و4 جيجا رام و6 هارد ديسك وسي دي وباقي المكونات المعروفة وبيشتغل بباور سبلاي 850 وات

اديني عقلك !!!!!!

ازاي كمبيوتر محترم من كمبيوترات بيوتنا يشتغل ب400 وات ؟؟؟؟؟؟؟؟؟؟
يبقي هل المكتوب دة حقيقي ؟؟؟؟؟؟

للعلم الباور سبلاي الجاية مع الكمبيوترات البراندات بتبقي من 230 وات الي 350 بحد اقصي
وطبعا بيعملوها علي القد بالظبط او بالعافية فيها شوية زيادة عشان لو حابب تزود رامة ولا بتاع ودة عشان يمنعك من التعديل والأضافة الا بمعرفتهم ويجب وقتها استبدال الباور سبلاي

ولو حابب تتعرف ازاي تقيس الباور سبلاي المطلوبة لجهازك اتبع اللينك دة

eXtreme Power Supply Calculator

ولو عايز تعرف السعر الحقيقي للباور سبلاي الي ممكن يتقال عليها محترمة اتبع اللينك دة

Newegg.com - Power Supplies

واختلف مع syd لان في اجهزة مجمعة ممتازة جدا من حيث
ال case والبروسيسور والmotherboard وكلها ماركات محترمة جدا .
لاكن بالسعر الي العضو الفاضل طالبة فاتفق معاك ان ساعتها الاستيراد احسن .

اعتقد اني جاوبت بما فيه الكفاية عن الأجهزة المجمعة والأجهزة الأستيراد

انا شخصيا ارفع القبعة للأجهزة الأستيراد

وعلي فكرة

حضرتك ممكن تعمل حركة ظريفة جدا جدا جدا

الكيسات البراند بتتباع فاضية بالباور بتاعها لو حضرتك عايزها
بس لازم توصي عليها حد معرفة بدل ماتشتريها بباور مضروب وتبقي كأنك يا ابوزيد ما غزيت

والله المستعان
،
،

**SYD** · 07-02-2012 04:23 AM

مكرر

**SYD** · 07-02-2012 12:03 PM

المشاركة الأصلية كتبت بواسطة ahmed ezz

استاذ syd
حضرتك بتتكلم علي ماركات زي coolmax , tiger انما كورسير و او سي زد حضرتك تقدر تراجع مراجعاتهم علي المواقع العالمية زي anandtech , guru3d , tech power up

و يا باشا لو بتتكلم علي رامات السامسونج ممكن في التجميع يجيب رامات corsair , g.skill دول اعلي بكتير جدااااا من سامسونج

المشاركة الأصلية كتبت بواسطة al_manara

حكاية التصنيع دي مش مضبوطة . ان كل واحد لية جودة
كل الموضوع التجارب الي بتتم علي مكونات الجهاز لمدي توافقها واخراجها في احسن شكل من حيث السرعة والكفائة والتبريد .

مثلا لو دخلت علي اي موقع لشركة بتعمل motherboard هاتلاقيها عاملالك جدول بالبروسيسور المتوافق مع motherboard والرامات التي تم تجربتها وموديلها . وبكدة انت هاتجمع جهاز زي البراند نيم
وهتلاقي الكلام دة موجود في qualified vendor list

الحاجة التانية بخصوص اللابتوب .
الفرق في الخامات الخارجية مش مكونات الجهاز الداخلية . والفرق في الملحقات الموجودة بالجهاز يعني مثلا مالتيميدا تاتش .ريموت كنترول. عدد فتحات usb اكتر . وهكذا .
ودي اسعار توضح لك ماركات مختلفة وكلها نفس السعر . لو راجعتها كويس هاتلاقي ان نفس الموافات بالضبط لاي ماركة بنفس التمن لماركة تانية .
newegg.com - pcs & laptops, laptops / notebooks, $400 - $500, intel core i3

(يعني السعر واحد والمواصفات واحدة والاختلاف في الانواع)

يا جماعة الخلاف لا يفسد للود قضية

انا عارف ان كورسير ماركة جامدة جدا بس هتجيبها منين ؟؟؟؟ من مصر ؟

ثم ان انا شايف موضوع تجميع جهاز دة زي بالظبط الي بيعمل عربية علي ايده او تكييف يدوي بيجيب كباس وسربنتينة وشوية حاجات ويفصل صندوق وبقي عنده تكييف

هي اراء عموما

انا مش بقلل من خبرة حضراتكم طبعا ورأيكم علي عيني وراسي

ولولا اختلاف الأزواق لبارت السلع

تقبلوا مروري

والله المستعان
،

،

**Hmatchy** · 07-02-2012 03:59 PM

معلش انا لى رأى تانى فى موضوع الاستيراد ده يقولك الاجهزة الاستيراد هتعيش معاك العمر كله
طب هو لو بتعيش العمر كله كانو الاجانب راموها ليه هى الحدايه بترمى كتاكيت؟؟؟
ولا انا بدور على عربية تعود معايا 10 او 15 سنة؟؟؟؟
دا جهاز كزمبيوتر عامل زى الموبايل سلعة استهلاكية اخرها 4 سنين وبعد كدة بيكون مش قادر يشغل البرامج و الالعاب الجديدة
وحاجة كمان لازم الناس تعرفها
سرعة الجهاز مش بس بالارقام بتاعت البروسيسور و الرامات و كارت الشاشه
الهارد هو اول و اهم حاجة فى سرعة الجهاز لأن هو اللى مسئول عن سرعة قراية و كتابة البيانات
الهارد ده عامل زى ماتور العربية بالظبط بعد مدة ادائه بيقل لدرجة ان لو الجهاز i7 وركب عليه هارد تعبان وقتها هيكون جهاز كورتىديو احسن منوا 100 مرة
اخر حاجة مواصفات الجهاز الاستيراد اللى الزميل كاتبها ممكن تتجاب كلها جديدة بنفس السعر تقريبا مع الفرق فى الامكانيات لصالح الجديد (كفايه موضوع الهارد الاربعين ده لوحدوا)
M.B Gyga byte g41
ودى عليها الان و الصوت و الشاشه
Ram kingston ddr 3
dvd samsong
case gamma
hard 500 western
processor intel i3
انا لسه جايب جهاز زى ده لقريبى و بشاشه 20 benq عامل 2200 بس الكيسه عاديه الجاما اغلى 100 جنيه تقريبا
يعنى الجهاز هيعمل 1600 يزيد او ينقص 100 جنيه تقريبا

**SYD** · 07-02-2012 04:39 PM

المشاركة الأصلية كتبت بواسطة ahmed ezz

ايوة يا فندم فعلاً موجودة في مصر :)

و فعلا و الله انا مستمتع بالنقاش مع حضرتك مش تعصب للراي لا سمح الله :)

بس انا شايف ان التجميع افضل لانك متحكم في كل حاجة

غير ان القطع الموجودة حالياً بيبقي محسوب فيها كل حاجة بدقة مش زي زمان :)

يا فندم انا الي متشرف جدا بالمناقشة مع حضرتك

واول مرة اعرف ان الرامة الكورسير موجودة في مصر لأني بعيد شوية عن السوق

اخر مرة جمعت جهاز من حوالي 6 سنين ومن ساعتها بشتري براند استيراد سواء للبيت عندي او لأخويا او لأي معرفة وانا شخصيا معايا لاب توب ومش بشتغل علي البي سي pc

فرصة سعيدة جدا استاذ أحمد عز

والله المستعان
،
،

**SYD** · 07-02-2012 04:48 PM

المشاركة الأصلية كتبت بواسطة Hmatchy

معلش انا لى رأى تانى فى موضوع الاستيراد ده يقولك الاجهزة الاستيراد هتعيش معاك العمر كله
طب هو لو بتعيش العمر كله كانو الاجانب راموها ليه هى الحدايه بترمى كتاكيت؟؟؟
ولا انا بدور على عربية تعود معايا 10 او 15 سنة؟؟؟؟
دا جهاز كزمبيوتر عامل زى الموبايل سلعة استهلاكية اخرها 4 سنين وبعد كدة بيكون مش قادر يشغل البرامج و الالعاب الجديدة
وحاجة كمان لازم الناس تعرفها
سرعة الجهاز مش بس بالارقام بتاعت البروسيسور و الرامات و كارت الشاشه
الهارد هو اول و اهم حاجة فى سرعة الجهاز لأن هو اللى مسئول عن سرعة قراية و كتابة البيانات
الهارد ده عامل زى ماتور العربية بالظبط بعد مدة ادائه بيقل لدرجة ان لو الجهاز i7 وركب عليه هارد تعبان وقتها هيكون جهاز كورتىديو احسن منوا 100 مرة
اخر حاجة مواصفات الجهاز الاستيراد اللى الزميل كاتبها ممكن تتجاب كلها جديدة بنفس السعر تقريبا مع الفرق فى الامكانيات لصالح الجديد (كفايه موضوع الهارد الاربعين ده لوحدوا)
M.B Gyga byte g41
ودى عليها الان و الصوت و الشاشه
Ram kingston ddr 3
dvd samsong
case gamma
hard 500 western
processor intel i3
انا لسه جايب جهاز زى ده لقريبى و بشاشه 20 benq عامل 2200 بس الكيسه عاديه الجاما اغلى 100 جنيه تقريبا
يعنى الجهاز هيعمل 1600 يزيد او ينقص 100 جنيه تقريبا

1+

احب اضيف لحضرتك معلومة اعتقد جديدة عليك وعلي الكثير منا
سرعة اسرع هارد تكاد تصل ل25% من سرعة ابطأ مكون من مكونات الكمبيوتر

الهارد يعتبر الجزء الوحيد الميكانيكال Mechanical في وسط منظومة الكمبيوتر ونظرا لطبيعته فدة بيخلية يخرج من الخدمة بعد سنتين شغل (Best Practice) عارف ان سنتين مش قانون وان عندنا في مصر بنشتغل بالهارد 6 و7 سنين بس دة مش صح

فعلا الهارد مع الوقت سرعته بتقل وبيبدأ طابور الداتا المنتظر كتابتها يطول اكتر من الحدود المسموح بيها

ولو حضرتك عامل Base Line لل Performance بتاع الجهاز اول ما تشتريه وجيت تقارن اداء الهارد بعد سنتين هتلاحظ فعلا ان طابور الداتا بدأ يطول عن البيز لاين الي انت عاملها

والحداية مش بترمي كتاكيت ولا حاجة
هو كل ماهو نالك ان عندهم بوليسي Policy تغيير الأجهزة كل سنتين ومش كل الشركات بتطبقها

احنا شخصيا في مصر بينتهي العمر الأفتراضي للكمبيوتر بعد سنتين ولكن للأسف دفتريا وليس عمليا

وعلي فكرة الهارد الأربعين دة يمكن احد أقوي الأسباب الي هتخليني اشتري الجهاز لو قدامي بالمواصفات دي

مش هلاقي هارد مساحته انسب من كدة يكون لوحده للسيستم وهارد اخر 520 للداتا

Best Practice
ركب هاردين أحدهما للسيستم والأخر للداتا

لكم مني اطيب التمنيات
والي لقاء اخر انشاء الله

والله المستعان
،
،