تقرير صيانه اول الف.....الاتحاد الوطني
السلام عليكم يا شباب.....النهارده روحت عملت صيانه اول الف:shine[1]: كانت في الاتحاد الوطني في طنطا....يعني اهو المكان جنبنا و دي لسه اول صيانه
المهم اتصلت بيهم امبارح السبت مع انه كان اجازه بس ردوا عليا الحمدلله :praying: و قالولي على مواعيدهم اجي اي وقت....من 9.5 لحد 5.5 اخر النهار
وصلتلهم على حوالي 10.15 و اخدت حوالي ساعه الاربع فعلا زي ماقالولي
غيرت الزيت وفلتر الزيت برضه اتغير بس مجانا عشان فيه عرض دلوقتي....وكمان حمله الكشف المجاني كانت شغاله.....بس انا لسه انا لسه فاول الف هيكشفوا على اييه :banzai: متعوضه :nemoflow:
الزيت ب 120 ج شيل هيلكس 5000 كم
المصنعيه مجانا
الفلتر مجانا
غسيل العربيه و الموتور بالفوم 30 ج
ضريبه 3 ج
يبقى كله 153 ج
العربيه بقى صوتها انعم و اهدى فعلا بعد الزيت....الاداء لسه شويه عشان احكم
المخلص:
المهندسيين هناك محترميين جدا و فاهمييين و استقبالهم ممتاز ....اللي كان قابلني كان المهندس محمد راجل زوق جدا و بلدياتي :verygood::verygood: قعد فهمني كل حاجه هتتعمل و الصيانه الجايه امتى و العرووض
ورشه الصيانه صغيره....عربيتين في نفس الوقت بس
قاعه العملاء.....سيئه جدا جدا جدا لابعد الحدود مافيهاش اي حاجه خالص :dontudear: بس كان فيه عامل هناك قاللي فيه مركز جديد اكبر و احدث قريب هيتفتح
حاجتين جداد انا لسه عارفهم
المهندس قاللي ان الصنني ما بتنزلش بفلتر للتكييف و انك ممكن تشتريه ب 200 ج بس انا ما جبتهوش الا لما اسال الاول
العربيه كنت بعد اي مشوار و اركنها اسمع صوت طقطقه من الكبوت زي مايكون ميه بتقع على حديد.....دي حتى موجوده عندي فالايفو وما مكنتش عارف سببها ايه.....لما سالته عليها قاللي ان الشكمان فيه كرووم لما بيسخن بيتمدد و لما بتبطل العربيه بيبرد و بينكمش تاني وده اللي بيعمل الصووت ده
بس يا جماعه.....ده كان ملخص صيانه الالف بتاعتي
