الموضوع للنقاش بس و مفيهوش علاقة بالتقليل من قيمة حد أو الفشخره فى حد
كل مافى الأمر أن فيه ناس دايما أختياراتها يا أما بتكون حلوة أوى يا أما فعلا أختيارات سيئة جدا
و بما أن مفيش مواضيع أفكارها جديدة حبيت نغير نظامنا شوية و نتكلم فى أى حاجة جديدة
كل واحد يدخل بقى يقول أية أحسن عربيه شافها فى فرح قبل كدة و أسوء عربية بجد شافها فى فرح
طبعا الكلام دة فى مصر مش فى دول الخليج والدول العربيه لأننا ممكن نسمع أسامى عربيات محدش يحلم بيها هنا
احسن عربية كانت اليمو الطويلة
اسوء عربية كانت زفة ف جين 2 العربية مكانت متبهدلة اخر 16 حااجة لدرجة انها عطلت بيهم ع البحر بجد مش هزاار و العروسة و العريس ركبو بعدها لادا برقبتها ( بالنسبة لحالة الجين ) و لحد دلوقتى كلو بيضحك اما يفتكر الموقف ده
E250 الجديدة
bmw 320 كانوا حلوين فى فرحين كانوا لناس اصحابى
بس طبعا الجامدة الى ملهاش حل مزيراتى حدث ولا حرج
احلى زفى شوفتها كانت فى توكتوك والعريس هو اللى كان سايق :)))))))) ههههههههههههههههه
احلى حاجة كانت مرسيدس بس مش فاكر العربية بالتحديد
الاسوء كلة بيعدى :)))))
موضوع لذيذ
مرة شوفت زفة على موتوسيكل صينى
العريس اللى سايق والعروسة راكبه وراه
هههههههههههههههههه
اسوا زفه شفتها كانت
ب 128 كوبيه العريس سايق و العروسه جانبه و كان شكل العربيه استغفر الله العظيم يارب البارومه فى كل حته
و زفه تكاتك و موتسيكلات
احسن زفه شفتها كانت قصاد الفور سيزونس فى الجيزه
و كانت فى ميزراتى لونها اسود العريس سايق و العروسه جنبه
غير كده و كده اتفرج على العريبات اللى فى الزفه بى ام x6 و مرسيدى كمبروسر بلعبييييييييييط و بى ام الفئه السبعه و الخمسه بلعبيط و كان فى واحده بورش كيان و بلصلاه على النبى العبد لله ماشى وراهم بلهوندا حاجه يعنى زى الفل
لما لقيت كده قمت داخل الشارع اللى بعد الكوبرى و قمت طالع على الشارع من بره
بس تصدقوا ان مفيش من انك تتزف فى عريبتك و سيبك انت من انك تأجر عريبه تتزف فيها
هتلاقى الناس تقول تلاقيه مأجرها ^_^
انا أشوف موتسيكل صيني في زفة يركبني 100 عفريت
وبتبقي زفة هباب عالعريس والعروسة وخصوصا لو كنت أعرفهم
ولو حتي كانوا جايبين بوجاتي
اى زفة تبقى حلوة لو مفيش موتسيكلات صينى فيها ::))
الافضل
s 350
الأسوء
honda city
نقدر نقول بي ام الفئه الخامسه
ونقول كمبروسر كوبيه
ميني كوبر
اسؤ زفه شوفتها كانت من 10 سنين تقريبا كنت صغير ونازل البلد مع ولدي ولقينا عروسه وعريس ركبين عربيه نص نقل وشها ضايع الباروما في كله مكان فيه وماشيه بفنوس واحد وحالتها تصعب
على فكرة انا مش باحب الزفات خااااااالص وانا فى فرحى رفضت موضوع الزفه ده خالص حتى لما كان صحابى بيتصلوا بيا علشان يعرفوا مكان الكوافير مش رضيت اقولهم مكانه علشان ماحدش يجى كفايه عربيه الزفه وعربيه او اتنين كمان كده رضا
بس من وجهة نظرى مش مهم جمال العربيه المهم روح الزفه ممكن تلاقى العروسه مزفوفه فى مرسيدس e class بس الزفه خنقه وممكن تلاقى العربيه فيات 128 بس روح الزفه حلوه
انا اجمل عربيه شفتها كانت لينكولن ليموزين وكانت فى فرح اخت واحد صاحبى قوى بس كنا هانموت على نفسنا من الضحك وقت الزفه طبعا الزفه كانت فى الزقازيق والعربيه الليمو طويله جدا مش عارف يعرض على المطبات ومش عارف يلف اى u turn لازم يكون واسع تخيلوا ماشى فى زفه كبيره وكل شويه يوقف الزفه علشان يدور حاجه مسخره
واسوء عربيه انا مش فاكر بصراحه بس ممكن كانت أوبترا بس متأجره واللى كان سايقها مش بيعرف يسوق اصلا بجد سواقته مش وحشه ..لأ هو كان مش بيعرف يسوق خالص تقريبا كان لسه بيتعلم ...انا ساعتها مش رضيت امشى فى الزفه من اصله
اجمد زفه كانت في bmw M6 بيضاء ... و بقيت الزفه كلهم ركبين يا اما bmw او مرسسدس و كانت في هامر و شويه حاجات اوروبي جحيم هههههه و كان العريس هو الي سايق و العروسه جمبه و الاتنين بسم الله ما شاء الله قمر :)
اوحش زفه شوفتها كانت في ١٢٧ ههه و كانت وراها فزبتين زي الفل و دي شوفتها في حي شعبي الي جدي و جدتي ساكنين فيه هههه و كان شكلهم مسخره بصراحه
و انا عن نفسي نفسي زفتي تبقي زي زفه شوفتها في فرح سوري و كانت عربيه فيراري حمراء و العريس سايق و العروسه جمبوا و العربيات الي ماشيه في الزفه كلها كرايسلر c5000 و لونهم ابيض كلهم بجد كان شكلهم يفرح :)
احسن عربيه شوفتها مرسيدس مودبل التمانينات او التسعينات كوبيه والعريس سايق والعروسه جنبه
اسوء زفه شوفتها عربيه بيجو 504 وكانت كل العربيات الى وراه 504 برده لدرجه الناس افتكرت ان العريس معاه توكيل بيجو 504
احسن زفه كانت فى لوينكولين سوداء فى شارع السودان
احسن زفه كانت فى s500 والثانيه بى ام الفئه السابعه
واسواء زفه كانت فى لانوس 1 وكانت كلها مخبطه مع ان كان فى الفرح عربيات كتيييير تنفع للزفه
انا اسوا زفة شفتها كانت زفة اخويا . واحد صاحبه حب يخمس عند البيت قبل ماينزل على طول وقام واخد فى سكته عربيتين لبسو فيه وعربية العريس كانت جيب طلعت على الرمل عشان يفادى العربيات .. كانت معجنة والله
اجمل عربية شفتها في زفة الليمو البيضة .. معظم الاسكندرانية عارفينها .. بعدها كانت مرسيدس كابرولية و طبعا العريس سايق و العروسة جمبة و فاتح السقف
اسوأ زفة كانت في تاكسي
الافضل كانت زفتي من 5 سنين هوندا كابورليه crx و انا كنت سايق و مراتي جامبي
الاسواء زفة في لانوس و كانت تعابنة جداااا
احلى زفه فى نظرى اللى ما تقفلش الطريق وعمرى ما شفت زفه حلوه فى بلدنا خالص علشان كده لما احضر اى زفه عندنا اقوم واخد العروسه والعريس من 0 الى 100 ونكون وصلنا المسرح وبكده لا يتم تزاحم ولا غلق طريق ووووووو ومش هقولكوا بقى المهم ( بلدنا ) هههههههههه وبرضو انتو عارفين الباقى . فعندما اقول فلاحين فأقصد قلة زوق وجليطه وعدم احترام وعدم التزام انما الفلاحين الذين يزرعون ويحصدون كى نعيش نحن فهم على راسى من فوق لا وبل هم اعلى قمه بالنسبالى
تمام كلامك فعلا موضوع الزفات حاجه مؤذيه فعلا تلاقى الناس قفلوا الطريق واللى عاوز يخمس يخمس ولا كأن فى ناس ماشيه على الطريق وكان الطريق العام بقى خاص للزفه بس مع ان الرسول الكريم (صلى الله عليه وسلم) نهى عن افتراش الطرقات ما بالكم بقطع الطريق .... ما علينااقتباس:
المشاركة الأصلية كتبت بواسطة tjp
انا فعلا فى فرحى منعت الزفة ونفس الكلام فى فرح اخويا انا فاكر انه كان راكب معايا وبعد ماخلصنا الفرح واحنا مروحين لقيت عربيات كتيره من صحابه معانا والزفه كبرت قوى قلتلته انت عاوز حد من الناس اللى ورا قاللى لأ ترحت شادد بالعربيه ودخلت فى كام شارع كده لحد ماتوهت نصف الزفه بس للأسف لما رحنا البيت لقيت الكل مستنينى هناك وكانوا هيمسكوا فيا
ههههههههههههههههههههههههه هههه توهت منهم رحت لقيتهم مستنيين هههههههههه نصيب نعمل ايه التخلف ورانا ورانا . دمت بخيراقتباس:
المشاركة الأصلية كتبت بواسطة dr_darsh
الافضل M3 cabrolait
متهيألى مشوفتش اسوأ
احلى زفه شفتها كانت في اسكندريه على البحر وكل العربيات كانت متزينه بورد وكانو عدد لا يقل عن 7 او 8 عربيات سيراتو كوبيه !!
والباقي كان كيا برضو من كارينز وسيراتو وكلو عامل زينه موحده
وكنت انا وصحابي بندخل جوا الزفه علشان نعرف العريس في اي عربيه ولأسف فشلنا
بس احلى حاجه في الزفه ان كلهم كيا بيدوك احساس انهم نازلين دعايه للعربيه عن طريق الزفه ^_^
بس بالنسبه للسئ لسه ما شوفتش