طاب ليه مبيتعممش ما دام - شغال وفله -
عرض للطباعة
طاب ليه مبيتعممش ما دام - شغال وفله -
الغريب رد فعل الناس لما بكلمهم عن السداد عن طريق ماكينة فورى
واقول لهم ان رسم الخدمة ثابت =2 جنيه --اوفر من اجرة التاكسي او المواصلات للشركة
وبيسالوا عن الايصال المطبوع وان ممكن حد يطالبهم بيه رغم السداد عن طريق - فورى -
ونرجع نشرح ونقول -ان ده مش هيحصل -بسبب ان ماكينة فورى هتطبع لهم ايصال سداد
ولو اتكرر السداد بمعرفة شركتنا ( مثلا الزوج سدد الايصال المطبوع وفى نفس الوقت
سددت الزوجه عن طريق شركة فورى ) - فى الحالة دى بيعتبر التكرار سداد او دفع مقدم
لصالح المشترك - يعنى مش هيخسر ولا مليم --- وبرضه يقول لك خلينا فى اللى نعرفه
على فكره - فى طريقه سداد متوفره عندنا وقليل اللى بيعمها
وهى السداد المقدم - بعض الاشخاص وبالذات اللى بيسافروا كتير - بيسددوا مبلغ
تحت الحساب بيغطيهم شهور مقدما ( كل واحد حسب استهلاكه )
وبنزل لهم قراءه ( عن طريقهم مبلغه تلفونيا او مع الحارس ) وبيصدر ايصال خالص القيمه
مخصوم من الدفع المقدم
الحكاية محتاجة -افكار + حملات توعيه -
مثلا اتمنى الشركة تسلمنا ماكينة فورى نشرحها عملى للمشتركين
بس طبعا هيستغربوا من ال2 جنيه اللى هانخدها منهم رسم الخدمة وهما داخل مقر الشركة!!
و لما كلنا نقلب عداد الكهربا من اللى بتتقرى و تدفع من غير فاتوره
و نيجى نتعامل مع اى مصلحه حكوميه و تفرض عليك انك تجيب وصل كهربا او تلفون هنعمل ايه؟؟
انا كنت باطلع بطاقه بدل فاقد و اصروا على وصل كهربا و لسيبب ما بتوع الكهربا مش حاطين العنوان بالكامل فى الوصل حاطين رقم البيت بس و السجل المدنى رفض انه يستلم الورق منى, روحت جبت له شهاده مش فاكر اسمها ايه من الكهربا موجهه ليهم و فيها العنوان الكامل رفض يستلمها منى و طلب منى وصل تلفون
جبت وصل تلفون لقيت ان العنوان فى الوصل مش كامل بسبب طريقه حفظ العناوين و السوفتوير بتاع شركة الاتصالات
و فى الاخر حطوا العنوان الناقص زى ماهو مكتوب فى الوصل بالضبط و رفضوا انهم حتى يكتبوا العنوان من صورة البطاقه القديمه
مع ان لو كنت عملت طلب بطاقه جديده على النت كانت هتطلع بنفس العنوان القديم و من غير وجع دماغ بس اغلى شويه
حد من الناس اللى مركبه عداد كهربا بكارت يشرح لنا بيعمل ايه فى المواقف اللى زى دى
على فكره الكلام ده حصل سنة 2009 و مدير فى الكهربا عمل لى طلب ان العنوان يتحط فى الوصل مضبوط عشان ده حقى و لحد النهارده مفيش حاجه اتعدلت بالرغم من انى حاولت فى الموضوع ده اكتر من مره
لو اتعممت الفكره - بتاع السجل مش هيطلب منك وصل كهرباء
وعموما
انت ممكن تروح لشركة الكهرباء فى اى وقت يعجبك وتطلب شهادة بيانات مطبوعه -
موجوده على برنامج الشركة -يعنى هتتطبع فى الحال ومش هتاخد وقت
وبيكون فى الشهادة -رقم العداد وتاريخ التركيب والنشاط منزلى او تجارى وكمان العنوان
وبتدفع 10 جنيه رسم الشهادة وبيختمها وبتمشي فى السجل والبنوك وشركة المياه وخلافه
حضرتك التطور شيئ مرغوب
وهيحقق مصلحة الشركة والمشترك و(هيفض الاشتباك بينهم )
المهم ايه احسن واسرع واسهل -
طريقه نحقق بيها ده؟
انا للاسف عشان شركة الكهرباء عندي شركة قطاع خاص طلع #$%#$% أهلي عشان اغير عنوان البطاقة
المحصل اللى فى المنطقة بتاعتنا بنتعامل معاه من زمااااااااااان
وقمة فى الذوق والإحترام ... ودائما معاه فكه
انا في ايطاليا الفاتورة بتجيلي كل شهرين والمحصل بيعدي تقريبا كل 6 شهور بس القواتير بتيجي في البوسطة وممكن تدفعها من علي النت او اي فرع من فروع البوسطة والفاتورة بيكون ليها حد اقصي للدفع بعد كدع بتزيد مع التاخير
مرة الفاتورة جاتلي غالية اتصلت بالتلفون واديتهم قراية العداد بعتلوي فاتورة تانية بنص المبلغ تقريبا
بس بصراحة في خلال سنتين مثلا النور ماقطعش غير مرتين ومزدش عن 10 دقايق ومحدش يضرب
= بالبريد فكرة ممكن تكون كويسه لو استطاع موظفو البريد تسليم الفواتير ( فى صوره خطابات ) الى المرسلة اليهم - ولكنى اشك فى ذلك لكبر العدد وتكراره
= لو لم يتم السداد -فماذا سيتم هل يتم قطع الكهرباء او يتم رفع العداد او يتم تحويله للشرطة او القضاء ؟؟؟
= قطع الكهرباء احيانا يتسبب فيه المواطنين انفسهم - مثل تشغيل ترانس لحام دون موافقه وتجهيز للوصلة !!