الفرق بين الستيب واى واللوجان؟؟؟
السلام عليكم ورحمه الله وبركاته
دلوقتى انا محتار بين السانديرو ستب واى ولا لوجان اوتوماتيك
طبعا دى هاتش باك ودى سيدان بس الاسلئة فالاتى واتمنى اعرف الفرق طبعا اقعد اللوجان الاوتوماتيك
الستيب واى رومانى والتانية مغربى؟؟؟
الستيب واى اعلى من اللوجان؟؟؟
الستيب واى جنوط واللوجان لا ؟؟
قطع غيار الستيب واى اغلى ولا ارخص؟؟ بالاخص الفوانيس والحاجات الى برا لان شوارعنا ما اجملها وسواقين المايكروباصات ما احلاهم
شنطة الستيب واى اكبر ولا اصغر؟؟
المطبات اية هتستحملها اكتر لانه هتكون مشاوير سفر وحتت فيها زراعه؟؟؟
الموتور اية اقوى فالاتنين والبودى برضة مين اقوى؟؟
فيتيس الاوتوماتيك هيكون اعتمادى وكويس وهيكون اوتوماتيك عادى ولا من الانواع الحديثة؟؟؟
بعتذر لو الاسئلة كتير بس الاتنين مافيش بينهم فرق فى السعر فياريت اعرف بالتفصيل وشكرا جدا ليكم