الموضوع: مجانين سرعه

المشاركة الأصلية كتبت بواسطة moha4tec

طيب حضرتك تقول اه بقى فى الموقف ده .
واحد امبارح بيعدى الدائرى فى حته بعد مطلع و مش شايف حد و الطريق ابتدى ينزل بيك .و ماشى فى حدود من 90 الى 110 كم/ساعه .و فجاة لقيت بنى ادم بيرجع من ادام جيب شيروكى على شمالى و بقى ادام الكبوت و الله العظيم .انا مش عارف ازاى الحمد لله اتصرفت بدون قصد و لفيت الطاره كلها يمين و رديتها شمال بعديه و سمعت صوت فرمله رهيبه من على يمينى و الله .زى ما بتشوف حد بيرقص حد فى البلاى ستيشن و الله .و بعد ما عديت منه و ربنا ستر لقيت واحد بنوبيرا بيضا بيقولى خلى بالك انت كسرت على جامد جدا و بيكلكسلى .اعدت اعتزرله جامد و اتاسف له و انى كنت عصب عنى و الله و حتى ملحقتش ابص فى اى مرايه و الله العظيم .و لحد دلوقتى اعصابى بيظه جدا و مش عارف انا ازاى اخدت الغرزه دى .الشاب ده كان فى نصف الاكصدام و الله العظيم .
و كان بيعدى من حته غلط خالص و العربيات كلها جايه بتجرى على الدائرى و محدش متوقع ان فى حد بيعدى الدائرى على رجليه .ده رجع و خاف من الجيب شيروكى اللى على شمالى و اتمسمر قدام عربيتى .منه لله و الله العظيم .انا بيتهيالى قطعت خلف و النعمه من كتر الخضه .
و الله العظيم فضلت اكتر من نصف ساعه قلبى وجعنى جامد و حاسس بنغزه جمده جدا و حاسس انى دايخ شويه و عينى مش مركز و اعصابى هربت .
فانا عاوز اقول مش شرط الواحد يكون بيجرى عشان يعمل حادثه او يموت حد .
فى ناس معندهاش دم و بتعدى الطرق السريعه و الدائرى و خلافه على رجلها .ووالله العظيم لو انا كنت لبسته و خبطه .عاوز اقولك انها كانت هتبقى اكبر حادثه بعد الثوره و مش اقل من 50 عربيه هيلبسوا فى بعض لان كل اللى جاى مش شايف الا بالكتير عربيه او اتنين و كل الناس محدش ماشى اقل من 90 او 100 .يعنى بسبب واحد مستهتر بيعدى طريق سريع على رجله يموت و يبهل اكتر من 100 نفر
حسبى الله و نعم الوكيل .

صح احنا كمان مش هنتحمل غباء الاخرين احنا عرفين بنعمل ايه ولما بنجرى عرفين بنجرى فين وازاى ودى مش اول مره نشد او نجرى ويعنى مش بسبب واحد غبى ادمر عربيتى وعربيات الناس الى حوليا كمان هوه يتحمل غلطو بقى مهو التساهل ده هوه الى خلا كل الناس تعمل كده لو الناس دى عرفه ان الشباب الى بيسوقو مبيرحموش حد ومبيهدوش لحد مش هيعملو كده تانى ومش هيعدو بالطريقه دى تانى والدليل على كده انك لو موت واحد مش هتاخد فيه ولا يوم هيعتبروه قتل خطا وهوه الغلطان كمان

الحقيقه يا شباب انا كنت بشد و اجري لكن بعد ما فكرت في الموضوع لقيت انه مش جايب همه و خطر جدا و الشيطان بيكون عامي الانسان و محسسن انه عنده كنترول عالي علي العربيه و الحقيقه ان الانسان ربنا هو الي بيسترها معاه و اهلو بيكونو دعيين ليه و لقيت ان المشي الهادي امتع بكتير و مريح للأعصاب جدا عن الجري و شد الاعصاب و ومجع البطن و العربيه الي بتدمر و الحقيقه معتشي لينا حاجه فيه اوتو كروس و ايجبت سبيد بيتعملو كل شويه يعني الي شايف انو شديد اوي يدخل يعرض مهاراته في حاجه رسميه و امنه اكثر بكتير من شد الشارع ده لانو فعلا خطير جدا جدا
ربنا يسترها معانا و يهدينا جميعا :)