-
عملت حادثة جامدة
أخوانى الأعزاء
أنا عملت حادثة جامدة بعربيتى سوزوكى sx4 سيدان والحمد لله أنا خرجت منها سليم معاف بفضل الله لكن العربية من تحت إدمرت ومفيش خدش فى الصاج لأنى ركبت الرصيف والخبطة كلها من تحت
وأخدت عربيتى على التوكيل وبعد الكشف عليها تبين إن العربية محتاجة القنطرة و مساعديين ومقص ودنجل وبلية عجل وشمعدان و2 جنط و2 كاوتش وتيل فرامل وديسكات وفوج ورفرف أمامى وإيرباج وحزام أمان
كل حاجة موجودة فى التوكيل ما عدا المقص والجنوط والقنطرة
إتفقت مع التوكيل أشتريهم من برة و التوكيل يركبهم بشرط يكونوا أصلى سواء جديد أو إستعمال وإتفقت كمان إنهم يقطعوا الإيرباج ويلحموا التابلوه ويشغلوا الحزام بدون سنسور لأن تكلفتهم 20000 جنية فى التوكيل
سألت فى الحرفيين وعرفت اجيب المقص ودخت على الجنطيين والقنطرة مش لقيهم خالص للأسف
ارجوكم ساعدونى أى حد يعرف محل قطع غيار سوزوكى وعنوانه أو رقم تليفونه
لأنى إتبهدلت انا وزجتى وأطفالى فى المواصلات لأن العربية بقلها شهر ونصف فى التوكيل وشكرآ ليكم جدآ
-
الله يعينك والحمد لله على سلامتك
العين بقة هنعمل ايه
المهم بالنسبة للجنطين هتتعب العربية مش منتشرة اوي
حاول تجيب اربعة اسبور نفس المقاس وخلاص
والقنطرة اطلب من التوكيل يطلبها اوردر من برة
اومال هو توكيل ازاي
-
سوزوكى سنتر فى التوفيقية
18 ش التوفيقية
بس جبت من عندهم حاجة التو على انها اصلى وطلعت تايوانى
وفيه ف ش احمد حلمى فى سور السكك الحديد كذا محل للسوزوكى قرب رمسيس
بس مش عارف موديلك عندهم ولا لا
-
فين وحوش السوزكى يا رجالة صاحبكم محتاج المساعدة
ولا أنتم عمليين إعتصام مدنى
-
الف سلامة عليك يا أستاذ مجدي
انا مش هقدر افيدك في الحاجات اللي ناقصاك
لكن انا حابب اقولك نصيحة عن تجربة
بعد ان شاء الله العربية بتاعتك ما تخلص بالسلامة لو سلمت على الناس اللي في التوكيل لازم تعد صوابعك وراهم
ومتستعجلش انك تمضي على استلامك العربية الا لما تجربها وتجربها كويس قوي وتبص على كل حاجة في العربية وهل في حاجة ناقصة ولا لأ لو في عدة تبص عليها هوا هيركبك معاه في العربية اكنه بيجربهالك ويقول للصنايعية اللي معاه على شوية حاجات كده اكنه بيسلمك العربية وكل حاجة تمام وبعد ما تمشي هاتكتشف ان في حاجات لو كنت مركز مكنتش هاتعديها
وان شاء الله تلاقي قطع الغيار اللي ناقصة بسرعة وبعد ما تلاقيهم تزن عليهم بقى عشان هما في الوقت مقولكش
وحمد الله على سلامتك
-
-
فيه محل انا باتعامل معاه ديما في شارع ايران في الدقي .... اسمه ليدرز ومديره اسمه محمد رفعت ... ده بيجيب قطع غيار السوزوكي الاصلي .... 01003916952 ده رقم مهندس محمد رفعت مدير المحل ... كلمه مش هاتخسر حاجه
وسلامتك .... وبجد بجد خد بالك من التوكيل ... وما تستعجلش وتاخد عربيتك وتمشي ... راجع كل فسفوسة فيها ... انا خدت العربية من عنندهم بعد الحادثة .... خدتها علي سمكري .... ولاقيت فيها سينسورز بايظة ... وشغلهم يقرف اساسا .... ربنا يعينك و فداك مليون عربية
Content Relevant URLs by
vBSEO 3.6.0 PL2