ياشباب عايز اشتري سي دي بلاير يكون تمنه اقل من 600 جنيه

ياشباب عايز اشتري سي دي بلاير يكون تمنه اقل من 600 جنيه ... وياريت يكون فيه مكان usb ويكون معاه ريموت كنترول

سوني ‏cdx-GT500U

شكرا ياباشا ..لكن ده سعره في التوكيل 620 جنيه :)
وبرضه في الموقع بتاعه مش كاتبين ان معاه ريموت ..ياريت حضرتك توضحلي
شكرا تاني على اهتمامك

مبدأيا سعر التوكيل تقريبا بالتركيب.....الكاسيت ف المحلات العاديه ف التوفيقيه مثلا سعره وصل 540.....الكاسيت عندي و معاه بالفعل ريموت......تحت امرك يا باشا

تسلم ياباشا .. ربنا يخليك
بس انا سامع ان كينوود افضل من سوني ولا انت ايه رأيك

انا سمعت كاسيتات كتير و الكينوود كان سى بالمقارنه بالسوني.......الكينوود ال فيه فلاشه و 2 آر سي ايه‏(مش فاكر موديله‏( كان مع واحد صاحبي من فتره كبيره و باعه بسبب صوته السى و جاب السوني ال بقولك عليه و بعدها علي طول روحت بايع البايونيير ال كان عندي و جبت السوني و حتي ساعتها اشتريت السوني قبل ما ابيع البايونيير من شده اعجابي بصوته

مش عارف ياباشا اشكرك ازاي ..خلاص هشتري سوني على ضمانتك :)
بس تعرف بقى مكان اشتري منه ويكون سعره كويس ..وبالمناسبه معلش هو سوني ده صناعه صيني ولا ماليزي ؟

العفو يا باشا تحت أمرك.......علي ضمانتي مفيش مشكله بس لو اشتريته قولي عشان افهمك دنيته لأن فيه كميه اوبشنز تتوه فيها و بالتالي مش هتسمع صوت كويس و هتقول عليه وحش......بالمناسبه السماعات عندك نوعها ايه؟.........بالنسبه للمكان مش هقدر افيدك فيه لأني مش من كايرو و المفروض الكاسيت صناعه تايلاندي

تسلم ياكبير ..انا والله لسه ماجبتش السماعات ..تنصحني بايه

كان نفسي اجرب البايونيير ال ‏600‏ بس للأسف مجربتهاش......طب قولي عربيتك نوعها ايه و ناوي تدفع كام ف السماعات و هتجيب سماعات ابواب و بيضاوي ع الرف ولا بيضاوي بس

متابع بإهتمام و شكرا جزيلا لـ محمد أحمد و محمود
كلامكم فادني كتير
شكرا تاني

العفو يا باشا .......بالتوفيق