انا فاكر يوم ما كنا بنشترى عربية لصاحب والدى
دخلنا المرور التابع له العربية و ادينا 20 جنيه لعامل الارشيف و قولناله عايزين نشوف ملف العربية دى و فعلا دخل جاب ملف العربية من الارشيف و فتحناه قدام عنينا و قلبنا فى ورقها كله و اتاكدنا انها فعلا باسم صاحبها و الملف كان فيه تاريخ العربية كله
متهيقلى مش صعبة
و بالظبط زى ماقال العضو الفاضل رجليك على رجل البائع هايروح المرور روح معاه هايروح الشهر العقارى روح معاه و التوكيل يتعمل قدام عينك لان التوكيلات المضروبة كتير دلوقتى و انا نفسى واجهت المشكلة دة لما كنت مأجر عربيتى و اللى اجرها خدها و عمل توكيل مزور بأسمى و باع العربية بيه بس الحمد لله قدرت اجيبها و اللى اشترها دفع فلوس على الفاضى لانه كسل يتأكد من صحة الورق
عشان كدة بنقول نبعد عن اى عربية فيها توكيل
و لو خلاص مافيش غيرها يبقى بتاخد التوكيل و تروح الشهر العقارى المذكور فى التوكيل اللى فى ايدك و تروح تسأل هناك عن صحة التوكيل