خدو بالكو من العربيات المسروقه المعروضه للبيع

**Hacker5** · 07-02-2012 09:36 AM

انا فاكر يوم ما كنا بنشترى عربية لصاحب والدى
دخلنا المرور التابع له العربية و ادينا 20 جنيه لعامل الارشيف و قولناله عايزين نشوف ملف العربية دى و فعلا دخل جاب ملف العربية من الارشيف و فتحناه قدام عنينا و قلبنا فى ورقها كله و اتاكدنا انها فعلا باسم صاحبها و الملف كان فيه تاريخ العربية كله
متهيقلى مش صعبة
و بالظبط زى ماقال العضو الفاضل رجليك على رجل البائع هايروح المرور روح معاه هايروح الشهر العقارى روح معاه و التوكيل يتعمل قدام عينك لان التوكيلات المضروبة كتير دلوقتى و انا نفسى واجهت المشكلة دة لما كنت مأجر عربيتى و اللى اجرها خدها و عمل توكيل مزور بأسمى و باع العربية بيه بس الحمد لله قدرت اجيبها و اللى اشترها دفع فلوس على الفاضى لانه كسل يتأكد من صحة الورق
عشان كدة بنقول نبعد عن اى عربية فيها توكيل
و لو خلاص مافيش غيرها يبقى بتاخد التوكيل و تروح الشهر العقارى المذكور فى التوكيل اللى فى ايدك و تروح تسأل هناك عن صحة التوكيل

**أبومعاذ** · 07-02-2012 10:01 AM

المشاركة الأصلية كتبت بواسطة engahmedsayed

لا انا مش معاك فى الكلمة دى لانى قلى عنده مقدرة يزور رخصة يزور شهادة بيانات

انا هقولك اية قلى يحصل علشان تتاكد
لو هتشترى من مالك العربية يعنى معاه رخصة العربية هتقولو هستاذنك هصور الرخصة وسياتك تروح المرور التابع ليه العربية لو هى سليمة هيخليك تصور الرخصة وقول للموظفة او الموظف انا عاوز اشترى العربية و عاوز اتاكد من البيانات قلى عندك فى الرخصة

ما هو عشان تتأكد من البيانات بيطلعلك شهادة بيانات للعربية لكن مفيش حاجة اسمها ادخل للموظف أو الموظفة و أقوله عاوز اتاكد من البيانات هيقولك ونا مالي عموما لو قلقان من المالك ممكن تطلع انت بنفسك شهادة البيانات

**maskeen** · 07-02-2012 12:03 PM

تصدق بالله بعد كلامك ده حمدت ربنا جدا جدا لانى كنت سااااذج جدا وربنا سترها معايا ومحصلش مصايب لانى سلمت الراجل الفلوس من غير حتى ماشوف الرخصه!! صحيح ربنا كريم قوى قوى معانا واحنا اللى بننسى وننكر

**amagroup** · 07-02-2012 12:11 PM

شكرا علي النصائح وربنا يسترها ويطهر البلد من الناس الظلمة دول

**Land_Cruiser** · 07-02-2012 12:27 PM

هو لو فى امكانيه شراء المستعمل من حد معرفه على قدر المستطاع هتبقى احسن بكتير منها هى تبقى مضمونه انها بتاعته فعلا و تانى حاجه حاله العربيه كمان هتبقى معروفه و ربنا يستر ان شاء الله

**elnopy2005** · 07-02-2012 12:52 PM

ربنا يسترها معانا

**ahmedsamir5edr** · 07-02-2012 12:57 PM

المشاركة الأصلية كتبت بواسطة alzelafy

كل واحد مقدم على شراء سيارة لازم يتاكد من ورقها كويس عشان جارى اشترى عربيه افيو و قعدت معاة اسبوعين و الساعه 3 بليل فوجىء البوليس بيخبط عليه وخدوة على القسم هو و العربيه و اتهموة بسرقتها .... و كان شاريها من دكتور طبعا صاحب العربيه جه استلمها و كانت مسروقه من 4 شهور و جارى البحث عن السارق الحقيقى و اللى شرب المقلب و دفع الفلوس جارى طبعا يلا ربنا يعوض عليه و خدوا بالكو من نفسكو .......اللهم ما بلغت اللهم ما فاشهد

اسمها : اللهم فاشهد

كم انا حزين علي ما الت اليه لغتنا العربيه

**khalid1610** · 07-02-2012 01:45 PM

الموضوع ده فعلا تكرر كثيرا وده كلام سمعته من احد اصدقائى بالمرور

**koshary** · 07-02-2012 03:52 PM

المشاركة الأصلية كتبت بواسطة engahmedsayed

لا انا مش معاك فى الكلمة دى لانى قلى عنده مقدرة يزور رخصة يزور شهادة بيانات
انا هقولك اية قلى يحصل علشان تتاكد
لو هتشترى من مالك العربية يعنى معاه رخصة العربية هتقولو هستاذنك هصور الرخصة وسياتك تروح المرور التابع ليه العربية لو هى سليمة هيخليك تصور الرخصة وقول للموظفة او الموظف انا عاوز اشترى العربية و عاوز اتاكد من البيانات قلى عندك فى الرخصة
و بعدين تقبله فى الشهر العقارى سلمنى توكيلى اسلمك فلوسك و هناك فى الشهر العقارى مفيش للعب وله غدر متخليهوش هو يروح يعمل توكيل و يبقى يجبهولك انتا رجلك على رجلة وتيبقى الاجراءات قدامك علشان تتاكد

لو توكيل هتعمل بردك نفس القصة هتصور الرخصة و هتصور التوكيل هتروح المرور هتسال على بيانات الرخصة و هتطلع على الشهرالعقارى المستخرج منه التوكيل وتسال علية والموضوع دة بالنسبة للمرور والشهرالعقارى مفيش اى مشكلة بس بدون دخول فى تفصيل
يعنى تروح المرور
سلام عليكم انا دلوقتى هشترى عربية و عاوز اتاكد من بيانات الرخصة ممكن لانى حضرتك دلوقتى عارف الورق المضروب واقف ساكت هيرجع على الكمبيوتر هيقولك تمام يبقى سلام
مش اقعد اسال هى ساكنه فين العربية دى متجوزة و له بنت بنوت والرغى قلى احنا عارفينة

هتروح الشهر العقارى هتدخل على مدير الشهر العقارى هتقولو بردك نا دلوقتى هشترى عربية و عاوز اتاكد من بيانات التوكيل ممكن لانى حضرتك دلوقتى عارف الورق المضروب واقف ساكت هيرجع على الكمبيوتر او الدافاتر هيقولك تمام يبقى سلام

غير كدةانا متاكدش من شراءاو بيع العربية فى الوقت الحالى دة لازم الف اللفه دى وهتخدلها يوم والله لو ليةنصيب فى العربية هاخدها مليش يبقى ربنا عاوز كدة
مش اقعد اقول الراجل شكله محترم وله يمكن ينصب عليا دى ست غلبانة استحالة تضرب ورق

وعلى فكرة لوكل واحد راح يسال و يلف اللفه دى كلها مش هيبقى فى ورق مضروب و النصب هيقل

و ربك المستعان
م / احمدسيد

كلام زى الفل مشكور يامهندس احمد على الكلام التمام ده

-

الموضوع: خدو بالكو من العربيات المسروقه المعروضه للبيع

LinkBack

أدوات الموضوع

عرض

-

-

-

المواضيع المتشابهه

عودة بعض العربيات المسروقه

ايه رأيكم يا جماعه فى الياماها r6 600 المعروضه

عايز أخد رأيكم في العربيه المعروضه عليا لو سمحتم .

ملاحظة عن كميه ال 307 المعروضه للبيع

الكلمات الدلالية لهذا الموضوع

المفضلات

المفضلات

ضوابط المشاركة