أخوكم حسين من فلسطين محتاج مساعدتكم ضروري جداا يا اخواني ..ياريت يفوت أصحاب الخبرة
السلام عليكم ورحمة الله وبركاته
انا اخوكــم حسين من فلسطين من قطاع غزة وحابب تساعدوني في وتعطوني بعض المعلومات الي بحتاجها لو بتريدو ...
انا بحب الموتسيكلات كتير فأول ما فاتو الموتسيكلات غزة عن طريق الانفاق كنت من اول الناس الي ركبو الموتسيكلات الصيني بس بعد فترة وجدت ان الموتسيكلات الصيني بجد رديئة جدااا ... جربت الحلاوة تايجر والدايون واغلب المتوسيكلات الصيني بجد ما عبجبوني وطول عمري كنت بحلم اركب الياباني بس ما بقدر اشتريه لانو تمنو غالي ...
افوت في الموضوع واسف لاني طولت عليكو دخل برضو علينا موتسيكلات البجاج بجميع انواعها فانا حبيتو لهاموتسيكل لانو تمنو صح غالي بس مو متل الياباني يعني بقدر عليه نوعا ما تمنو فمن 3 ايام اشتريت بجاج 220f وهو بجد موتسيكل روعه كتير وحلو وانا مبسوط عليه كتير ...
بس المشكلة هلا انو انا فوتت ع موقع الشركة ومكتوب فيه السرعه القصوى 146 كم/س فانا بمشي عليه الموتسيكل بصراحة اكتر شي جاب معي سرعه 120 ع الغيار الرابع ولما اعطيت الموتسيكل الغيار الخامس السرعه نزلت بسرعه لحد 115 وما جاب معي الموتسيكل اكتر من هيك فانا حابب تساعدوني واعرف شو السبب في هالشي هل البنزين ام نوع الزيت ولا لانو الموتسيكل جديد .. ولا العجل محتاج يتزود هوا ولا السلسلة محتاجة تزييت هية للعلم محتاجة تزييد ناشفة شوي ... او الطريق الي انا ماشي عليه ما بيساعد ما بعرف السبب فياريت تساعدوني في هالشي ..
تاني شي انا حابب اعرف كل كام كيلو أغير زيت للماتور ...
تالت شي انا اول يوم اشتريتها جبتها عن طريق الانفاق ابن عمي في مصر قولتلو يشتريها لالي وعن طريق الانفاق ع الشريط الحدودي وصلتني فما كنت بعرف انو هيا ماتورها بيحتاج فترة تليين الي هما 2000 كيلو متر فكنت امشي عليها بسرعه وامشي بتسارع عالي بعد يومين فكرت اني اشوف الكاتلوج وجدت انو الماتو بيتلين .. هلا السؤال لو ما لينت الماتور انا شو بيحصل فيه .. وشو اعمل في هالحالة الي انا فيها ....
فياريت تساعدوني وتجاوبوني يا اخواني لانو فعلا انا محتار وما في حد بيفهم منيح ع الموتسيكلات في غزة متلكو لانكو مهتمين في هالشي وزمان بتتعاملو في هالشي مو متلنا وبالذات انو البجاج جديدة علينا نوعا ما ... وشكرااا لادراة المنتدى الرائع وشكرا للجميع
