عندى عيب فى عربيتى الانوس 2 موديل 2002

السلام عليكم ورحمة الله ...

عندى عيب فى عربيتى الانوس 2 موديل 2002 وهى مش بتسحب خالص على الغيار الاول . يعنى اول لما

بتاخد الاول وتيجى تطلع بيها بتطلع ومفهاش مشاكل بس لو دوست بنزين زيادة تلاقيها ماشية بنفس

السرعة هى هى مش بتزيد بسرعة والمشكلة دى خطر جدا على الطريق فى حالة الخروج على طريق به

عربيات ماشية بسرعة مش بتاخد سرعة الطريق بسرعة وممكن يحصل لا قدر الله .....

ملحوظة . انا لسة مغير (طلمبة بنزين كاملة . فلتر بنزين . بوجيهات . سلك بوجيهات . وطقم سيور كامل )

والحمد لله الميكانيكى خيطنى فى المصنعية ..

ارجو المساعدة ومعلش طولت عليكم

هو الكلام ده فالغيار الأول بس ولا في كله؟
إنت آخر سرعة جبتها بالاول كام؟

أظن يا باشا ان ده عيب في الاسطوانة .. بس فيه علامات كتير للاسطوانة وانا باكرر السؤال اللي تفضل الزميل صاحب التعليق اللي قبلي وسأله هل العيب ده في الغيار الاول بس ولا في كله .. وهل العربية عموما مش بتسحب بشكل مرضي وهل بتسمع صوت كركرة للموتور في المطالع مثلا !!

المصنعيه كام ؟

جرب اسطوانتك كويس

اقتباس:

---

المشاركة الأصلية كتبت بواسطة mailo

هو الكلام ده فالغيار الأول بس ولا في كله؟
إنت آخر سرعة جبتها بالاول كام؟

---

ايوة فى الغيار الاول بس ... وقبل ماغير الحاجات الى سبق قلتها كانت فى كل الغيارات ..
اخر سرعة جبتها بعد التغير الحاجات الى سبق ذكرتها 160 ك/س

اقتباس:

---

المشاركة الأصلية كتبت بواسطة magdyabulela

أظن يا باشا ان ده عيب في الاسطوانة .. بس فيه علامات كتير للاسطوانة وانا باكرر السؤال اللي تفضل الزميل صاحب التعليق اللي قبلي وسأله هل العيب ده في الغيار الاول بس ولا في كله .. وهل العربية عموما مش بتسحب بشكل مرضي وهل بتسمع صوت كركرة للموتور في المطالع مثلا !!

---

انا معنديش مشاكل فى الاسطوانة لانى لو حبيت افرك بالعربية هفرك بيها ومافيش مشكلة
العيب دة فى الغيار الاول بس انا حاسس ان الغيار الاول دة كسلان مثلا هههههههه مش عارف والله ماله
والسحب يعنى بس بيقولولى ان سحب الدايو كدة وعلى العموم انا جربت عربية 2007 كان فرق السحب بسيط
وبالنسبة للصوت لا يوجد صوت او كركرة فى المطالع ....

اقتباس:

---

المشاركة الأصلية كتبت بواسطة هيثم

المصنعيه كام ؟

---

150 جنية:angry35:

اقتباس:

---

المشاركة الأصلية كتبت بواسطة tarek_2005

جرب اسطوانتك كويس

---

حضرتك الاسطوانة مافيهاش مشاكل خالص !!!!!!!!!!!

اقتباس:

---

المشاركة الأصلية كتبت بواسطة hessenp

حضرتك الاسطوانة مافيهاش مشاكل خالص !!!!!!!!!!!

---

حكمت عليها ازاي

هي ممكن الإسطوانة تبوظ في غيار واحد بس يا طارق؟

اقتباس:

---

المشاركة الأصلية كتبت بواسطة tarek_2005

حكمت عليها ازاي

---

عشان وقت ماحب ادوس بنزين بلاقى العربية بتجرى ومافيش صوت ماتور على الفاضى ولوحبيت اطلع طلعة سريعة بتطلع عادى وممكن تفرك كمان الاسطوانة سليمة والتعشيق كويس وبدال الديبرياج مش عالى ...


مشكووووووور على المتابعة !!!!!!!!!:inlove:

اقتباس:

---

المشاركة الأصلية كتبت بواسطة hessenp

السلام عليكم ورحمة الله ...



ملحوظة . انا لسة مغير (طلمبة بنزين كاملة . فلتر بنزين . بوجيهات . سلك بوجيهات . وطقم سيور كامل )

والحمد لله الميكانيكى خيطنى فى المصنعية ..

---

اقتباس:

---

المشاركة الأصلية كتبت بواسطة hessenp

150 جنية:angry35:

---

مفتكرش ان المصنعيه مبالغ فيها
و لو فى زياده هتبقى فى حدود 20 جنيه بحد اقصى

اقتباس:

---

المشاركة الأصلية كتبت بواسطة هيثم

مفتكرش ان المصنعيه مبالغ فيها
و لو فى زياده هتبقى فى حدود 20 جنيه بحد اقصى

---

زى الفل الحمد لله ........... انا كنت خايف ليكون لسعنى فى السعر

استفسار سريع كدة هو سعر الاسكترا بتاعة اللانوس البور تعمل كام استيراد طبعا

شكرا على الاهتمام

متااااااااااااااااااابع !!!!!!!!!!

اية ياجماعة الموضوع كبير صعب اوى كدة ولا اية

فى خبراء المنتدى ؟؟؟؟؟؟؟؟:inlove:

اية ياجماعة الموضوع ماااااااااااااات ولا اية ......... :inlove:

خلى المكانيكى يربط على الارضى كويس

شوف الشكمان وخصوصا علبه البيئه ممكن تكون مسدوده
روح عند اى بتاع شكمان وخليه يكشفلك على الشكمان وقوله العيب
عربيتى كانت مكتومه برضو ودوخت بيها وصرفت فلوس كتير جدااا
واخيرا طلعت علبه البيئه كانت مسدوده وخانقه العربيه
غيرتها وبقت صاروخ

انا برضو عندى مشكله وياريت حد يفيدنى
عربيتى لانوس 2007 عامله 80 الف كيلو وعامل كل صيانتها وكله تمام
بس فيه مشكله صغيره انى ساعات بلاقى الار بى ام بيعلى ويوطى لواحده يعنى يطلع من 800 الى 1000 على طول
عشان يتظبط لازم تبطل العربيه وتدور تانى ساعتها يثبت وبعد مشوار طويل يعمل تانى
مع العلم انى نضفت الايدل كنترول كذا مره لما زهقت