الحمد لله العرببية اتصلحت فممركز خدمة دايهتسو الاسكندرية (رزق)
يا جماعة عاملين ايه فكرين مشكلة نقصان الميه اللي حصلت معاية وان العربية سخنت مني انا تابعت المية بعد الموضوع ده ولقتها بتنقص برضه قلت مبدهاش وطلعت على المركز في الكيلو 25 بتاع تيوتا وديهاتسو بصراحة المركز بقه تحفة انا رحته قبل كده من سنتين ايام مكان شغال تيوتا بس ولما رحت اتفجأت بالتغيرات اللي حصلت اتغير للاحسن خالص
المهم سلمتهم العربية وقعدت مستني وعمله كونسلتو من المهندسين واستغربو قوي من اللي حصل في عربية جديدة ياباني بس وبعد فحص وتمحيص ومتابعة سخونية العربية بالكمبيوتر اكتشفوا ان المية فعلا بتنقص وان المفاجئة ان في خرطوم او وصلة المية اللي بتنقل الميه من الكاربراتير للماتور كان فيه خرم صغير!!! وده اللي كان بيسرب وميه وفي نفس الوقت مخلي الماتور يسخن انا سعتها افتكرت ان مروحة الرادياتير كانت بتشتغل اكتر من اللازم المهم الناس غيروا الوصلة ديه وحطولي مية جاية من اليابان للرادياتير ؟؟؟ وطلعت معاهم جربت العربية
المهندس اللي ساق الصراحة جامد قوي فالسواقة وكان معاه صنعي وموصلين العربية بالكمبيوتر علشان يفضلوا مرقبين درجة حرارة الماتور ولفينا كتير وجربوا سرعات كتير وكانوا مشغلين التكييف والعربية كانت تمام ومسخنتش الحمد لله وقالوا اطمن والعربية باذن الله مش حتحصل فيها مشكلة (يا رب)
بعد كده رجعنا وقالولي حنغسلك الماتور والعربية علشان انا المية كانت طرطشت كتير عليها وبصراحة روقوا العربية وادوني كتيب الضمان وفي الاخر دفعت 0 جنيه فانبسط قوي ويا رب العربية متكنش فيها حاجة تانية انا بيتهئلي لأ وان ديه غلطة صغيرة
ربنا يكرم ويبعد عنا مشاكل السيارات والحمد لله اني اكتشفت الموضوع بدري وعلى فكرة انا بشكر الاستاذ معاذ الشرباصى قوي علشان كان مصر اني اروح المركز فخلاني قلقان ومتابع الحالة
وشكرا ليكم قوي