استطلاع رأي : ايه اكتر إذاعة بتشغلها في عربيتك

**kar!m** · 08-02-2012 09:10 AM

أنا برضه بسمع اذاعة القران الكريم على طول 98.20 الحمد لله .. و بصراحه بستفاد منها جدا جدا جدا.. و على فكرة لها تردد تانى 99.60 بيكون أفضل أحيانا فى المحافظات.

و بسمع الأخبار من راديو مصر 88.70 و بقلب تانى بعد النشرة عشان الحمد لله مبحبش أسمع أغانى.

و بسمع bbc على ال mw .. لما بيكون فى حدث معين .. و بيجيبوا كذا مراسل من كذا منطقة.

زمان كنت مدمن راديو كايرو .. و كنت عارف كل المذيعين و كل برامجهم و مواعيدها .. و كنت بسمعه طول ما أنا بذاكر .. بس قللت منه جدا .. بقيت بفتحه بظروفها.

**أبو إياد** · 08-02-2012 10:15 AM

مش حافظ اسماء بس حافظ ترددات
قرآن 98.2
105.3
105.8
وبس

**madyyuri** · 08-02-2012 10:32 AM

ايه ده هي العربية فيها راديو ههههههه
بهظر طبعا

انا عن نفسي مبحبش اسمع غير صوت الموتور وانا سايق، الكاسيت عندي في العربية مبيشتغلش غير لو حد راكب جنبي وعايز يشغله، وهو بقي يسمع اللي نفسه فيه، مبتفرقش معايا

**Elawany13** · 08-02-2012 12:03 PM

المشاركة الأصلية كتبت بواسطة ahmed_su

القرأن الكريم 89.2 وراديو مصر 88.7

اذاعة القاهرة الكبرى 102.2

كان اغلب الوقت القرأن الكريم بس للاسف مساحة تلاوة القرأن

تراجعت وبقى ساعات كتير للبرامج الحوارية اللى فقد هذه الاذاعة رونقها

بالعكس بقت أحلى
وبقى فيها خبار وبرامج حوارية

الإذاعه الوحيدة اللى بعرف استقبلها على الراديوا بدون أريال ودائما قوية وصوتها حلو

الـfm والحاجات ديه لازم يكون الأريال راكب وبتيجى وتروح بظروفها أحيانا بتكون قوية واحيانا بتكون مشوشة عندى
مش عارف ده عيب راديوا ولا عيب اريال

**koshary** · 08-02-2012 02:05 PM

اول مابطلع بشغل القرأن الكريم وبعدين بقلب على نغم اف ام ومبسمعش اخبار خالص لانى زهقققققققققققققققت

**kshahin** · 08-02-2012 03:01 PM

انا بافتح إذاعة القرآن الكريم الأول..لو مش مشغلين قرآن باقلب على راديو مصر

**saadelden** · 08-02-2012 03:19 PM

طول ما انا قاعد بفضل اقلب بين المحطات لحد ما الاقي حاجه تتسمع
مابحبش اسمع اخبار ف العربيه ماببقاش ناقص نكد و قرف

اذاعه القرآن بسمع قرآن لكن لو لقيت برامج شغاله او اخبار بقلب

لو لقيت الراديو مفيهوش حاجه تتسمع بشغل فيروز او ام كلثوم من الموبايل

**BESO516** · 08-02-2012 03:56 PM

للأسف الراديو بقت حاجه مستفزه جدا جدا جدا ازاى :

اولا كنت بسمع وانا رايح شغلى او الكليه قبلها اذاعه القرأن الكريم وبشغلها صباحا لمده نص ساعه ربع ساعه
لكن بعد فتره لقيت ان الشيخ اللى بيقرا هو هو كل يوم ونمط واحد وبعد كده برامج وحاجات غريبه

ثانيا قلبت على نجوم اف ام ودى بقى اعلانات اكتر منها اغانى وبرامج تافهه تافهه بدرجه كبيره زى اجمد 7 الساعه 6 ده بتاع جيهان عبدالله

ثالثا حولت بعد كده لميجا اف ام كانت شغاله 3 شهور كويس وبعد كده قلبوا زى اللى قبلهم يعنى كل شويه تسمع
نداء الى المذيع محمد فهمى هنكمل ساعه الصبح مع موبينيل ( كأنه تايه وبيدوروا عليه )
وعلى المذيع مش عارف ايه التوجه الى الأستوديو هنكمل ساعه الصبح ( وكأن ساعه الصبح دى مبتخلصش )

رابعا قلبت على نغم اف ام الجديده قعدوا شهرين اغانى متواصله دون انقطاع وبعد كده .......... شكرا !!!!!!

اخير وبعد معاناه مع الردايو 3 سنين حطيت جميع مطربى مصر والخليج و حتى الأنجليزى على فلاشه وبسمع على مزاجى اللى انا عايزه وودعت الراديو للأبد .

-

مشاهدة نتائج الإستطلاع: ما هي اكتر اذاعة (اذاعات) بتحب تشغلها في عربيتك

الموضوع: استطلاع رأي : ايه اكتر إذاعة بتشغلها في عربيتك

LinkBack

أدوات الموضوع

عرض

-

-

-

-

-

-

المواضيع المتشابهه

استطلاع : معلى عربيتك الدايو ولا لا

استطلاع. ايه اكتر حاجه تميز عربيتك عن غيرها فى وجهه نظرك

حب استطلاع مش اكتر الدريفت الواهم دى بيتعمل ازى

ايه اكتر حاجة ضايقتك فى عربيتك البروتون

أى انواع السيارات بتسخن فى الصيف اكتر........ (استطلاع)

الكلمات الدلالية لهذا الموضوع

المفضلات

المفضلات

ضوابط المشاركة