-
مشكلة فى سير الكاتينة
عندى مشكلة ظهرت حديثآ --كنت عاوز اغير سير الكاتينة لأنى باغيرة كل 40 الف -رحت اشتريت سير جى ام اصلى ب 145 جنية ---وورحت للميكانيكى بتاعى يركبة --كل دة كويس
بعد ما فك وركب السير الجديد بيحدف لجوة وبيعمل حكة مش عارف فين --الميكانيكى قاللى السير دة مضروب --هات واحد غيرة --جيبت واحد تانى كورى ب 70 جنية وركبة مبقاش فية حكة بس فية صوت سكسكة الصبح بيروح بعد العربية ما تسخن --
دلوقتى انا قلقان جدآ لأنى عارف ان السير اللى راكب مش اصلى وفى نفس الوقت مش عارف اعمل اية
الحقونى يا اساتذة الدايووو--انا مشوارى طويل من العبور للزمالك كل يوم
-
ازاي السير يزحف لجوه لوحده كده..
ممكن تكون عندك مشكلة في بلية الشداد
-
الميكانيكي فك اي من التروس الي سير بيمر عليها
صوت السكسكه دا اعتقد من التاكيهات علشان الجو برد اوي اليومين دول والزيت تقيل اوي
السير الي مش اصلي طالما شغال ماتخفش منه بس غيره علي 25000او 30000 كم بالكتير اوي للامان
-
السير بيمر من ترس طرمبة المياه وهو ترس له حدود من الجنبين يعنى استحاله السير يحدف سواء الى الداخل ولا الى الخارج الا اذا كانت طرمبة المياه الى بتركب كبس راكبه بميل وخد بالك لو الميكانيكى فك اى ترس اخر وركبه غلط ذى الاستاذ tarek_2005 قال وانا مركب السير ده من 35000 كيلو ولسا مغيره من اسبوع ...انت غيره على 25 -30 الف كيلو .. بس الاول اتاكد من السير ليس به رفه ..بيحدف للداخل او الخارج
-
اشكركم جميعآ جزيل الشكر وشكر خاص للأستاذ طارق
انا احترت مع المشكلة دى وهضطر اودى العربية التوكيل --
انا روحت ارجع السير للراجل بتاع محل الرياض اللى فى الحرفيين --وقاللى ان السير اصلى ومفهوش مشكلة اكيد المشكلة عندك فى العربية واتصل بميكانيكى هو يعرفة وقاللى روح لة --وهو الحكم بيننا
روحت لة وفك وركب بردو السير بيحدف لجوة -- ويخبط--ركب السير القديم اشتغل كويس --راح قايللى ان المشكلة فى السير بس ممكن امنع لك الصوت انةيعمل حاجة كدة فى الطرمبة -هى انة يفك مسامير الانكية عند طرمبة المية وكان بيدوس على بنز سوستة كدة عند الطرمبة الصوت بيمنع --قولت لة طيب اوك --وساب الصبى يفك وراح يصلى --لقيت المية الخضراء بتنزل من تحت بصيت فى القربة لقيت نصها فضى --رحت مزعق للصبى وقولت لة اربط الألانكيهات تانى لما ييجى الأسطى --ولما رجع الأسطى - زعقت معاة لأنة ما قاليش انة هينزل المية كدة --وكدة اهمال وبصراحة قلقت منة وطلبت منة يقفل العربية ويركب السير القديم اللى بيسكسك --ورحت رجعت السير الأصلى وأخذت فلوسى --وقلت استشيركم اوديها التوكيل ولا أعمل اية --
آسف انى طولت عليكم لكن سامحونى
-
شوف ورشة أو مركز صيانة معروفة للأخوة اللي من القاهرة أضمن حاجة.......التوكيل ميكانيكية عاديين . و مش هم اللي اخترعوا العربية لكن لو اخترعوا فيها هتسمع كلامهم و هتدفع دم قلبك
-
هوا محل الرياض وداك عند الاسطي محمد الي جنب بتوع الفولكس واجن
-
أيوه تمام إسمه محمد فعلآ وكان جنبه ورشه فولكس -!! هم بيشتغلونا ولا إيه؟
Content Relevant URLs by
vBSEO 3.6.0 PL2