الى السادة ملاك السيفيك

**abf-nassar** · 03-06-2008 04:02 AM

الهوندا الموجودة فعلا موديل واحد فقط اتوماتيك
ولكن التوكيل بيعرض عليك تركيب كماليات اضافية هي الجنوط والفوج والسماعات
عند استلام السيارة وبيحسبهم بنفس اسعار بيعهم لو طلبت تركبهم في اى وقت
الجنوط 8500 جنيه
الفوج 2200 جنيه
السماعات 540 جنيه
الدواسات 600 جنيه

**qwertyqwerty** · 03-06-2008 07:52 PM

:skeptical:هى السيارة مش بتنزل بدواسات.................

**qwertyqwerty** · 03-06-2008 07:55 PM

انا مش ممكن اشترى دواسات غالية كدة
لا احب ان يضحك عليا.
لذا نرجو من ملاك السيارة يقولوا لنا من اين اشترى دوسات كويسة صالحة للسيارة...

**Hondawy_2008** · 08-06-2008 11:14 AM

في دواسات في التوكيل جلد ب 90 جنيه ممتازه

**qwertyqwerty** · 14-06-2008 12:02 AM

شكرا يا هنداوى باشا

**islamnasser10** · 30-07-2008 11:52 AM

ممكن حد يقولى سعر السيفيك 160 سي سي مانيوال بكام

**islamnasser10** · 30-07-2008 11:53 AM

ممكن حد يقولى سعر السيفيك 1600 سي سي مانيوال بكام

**CosmicOne** · 30-07-2008 06:20 PM

المشاركة الأصلية كتبت بواسطة islamnasser10

ممكن حد يقولى سعر السيفيك 1600 سي سي مانيوال بكام

No manual civic in egypt

**احمد عزت** · 01-08-2008 03:33 AM

انا معايا السيفيك اولا العربية نازلة بموديل واحد فقط زى ما الناس الكرام قالولك بس الكماليات الاضافية دة انت ومزاجك بس انا مش شايف اى لازمة ليهم ......وانا الصراحة لما جبت العربية فرشتها جلد وفرشت كمان الارضية جلد فمحتجتش لدواسات
اما عن تقيمى للعربية بحياد شديد
العربية فوق الممتازة شكل وتسارع واداء وجودة وفخامة وراحة ومش هتلاقى حد يقولك اصل التقفيل مش عارف برة بلادة ولا هتلاقى مشاكل فى كاوتش ولا فتيس ولا اى حاجة ......هية يمكن المشاكل اللى قابلتنى وخلتنى كنت عايز ابيعها فى يوم من الايام بس تراجعت عن كدة علشان الصراحة ملقتش اى حاجة تتقارن بيها غير الاوكتافيا a5 بس كان سعرها غالى علية غير انى كنت ناوى اشترى عربية تانية وهية يارس :
اولا الفرامل فى الاول كانت ضعيفة بس دلوقتى ما شاء الله
ثانيا اسعار قطع الغيار انا عملت حادثة جابت الاكصدام والفانوس والرفرف لامامى ومقص يمين الحاجة دة اتغيرت ب 6800 تقريبا
ثالثا انا ساكن فى الشيخ زايد وبعض المطبات عاملة زى الجبال لازم العربية هتحك هتحك .....بس مش ملاحظ اى تأثير على العفشة ....وبينى وبينك العربيات التانية مش فارقة كتير عنها يعنى الكورولا ولا التريوس ولا الانسر الجديدة كلة قريب بس انا واحد الشكل مهم اوى عندى يمكن عند غيرى ما يفرقش............................بس الخلاصة لو عجباك اتكل على الله