هو ينفع اركب ايموبلايزر في عربية مش نازلة بيه ؟؟؟
عرض للطباعة
هو ينفع اركب ايموبلايزر في عربية مش نازلة بيه ؟؟؟
- العربية فيها انذار بس مش شغال صوت وناوى اصلحه بإذن الله
- مركب 2 كلبش من الدركسيون للفرامل والدبرياج ..... كان عندى واحد ضعيف وجيبت واحد احسن منه وقلت اركب الاتنين
- ناوى اركب زرار فصل بإذن الله
- بدور على جراج احط فيه العربية ولغاية اما ربنا يكرم والاقى بركنها قدام بتاع الجرايد شغال هو واخوه 24 ساعة وبقيت بشترى منه علشان ياخد باله من العربية :)
وربنا هو الحامى
انا بقى بسيبها في المستشفى وبروح عيادتي راكب توك توك والمستشفى 50 متر من سكني والمواصلات بالتكتك داخل البلد والمشاوير البعيده بالعربيه وبغطيها في المستشفى وباركنها في مكان فيه حركه
1- جهاز انذار (سارينه + فصل كهرباء)
2- باقفل الدركسيون
3- قفل الفتيس مع فرامل اليد
1- الحارس هو الله في الاول والاخر وربنا قال اعقلها فتوكل
2- بسوجر الدريكسون
3- عكاز دريكسون مع الفرامل
4- انذار بتاع العربيه
بالنسبه لجهاز الأنذار انا الفنى ايلى ركبه قالى يفضل معملش قطع المارش مع قفل الأنذار !!!
ليه يا سيدى ؟؟ قالى ممكن الأنذار يعلق معاك فى اى وقت او اليطاريه تفضى فمتعرفش تدورها !!!
الأفضل اعملك زرار منفصل لقطع المارش طبعا انا قولت أسأل رجاله نايل موتوز الأول وبعدين اقوله
ايه رأيكم فى الموضوع ده ؟؟