المشاركة الأصلية كتبت بواسطة adhamhossam
موضوع الكاوتش
أولا حسب ميزانيتك انت
ثانيا حسب مشاويرك و مشيك كتير و لا قليل
ثالثا حسب توافر مراكز الخدمة في الطرق اللي بتمشي فيها من حيث لو حصل حاجة لقدر الله تقدر تلاقي اللي يساعدك
رابعا في انواع كتير كويسة و جميلة و دي بترجع للراحة النفسية للنوع اللي بتختاره
سادسا الأعمار بيدي الله - سيبها علي الله
انا لسة جايب نوع إسمه (radar) إندونسيس الصنع و مريحني اوي و الحمد لله بسافر بيه يوميا 50 كيلو متر رايح و 50 كيلو متر راجع ( من الشغل للبيت و العكس ) يعني 100 كيلو متر
ثمن الفردين كان 500 جنيه للفردتين بالتركيب من سنة تقريبا او اكثر حاجة بسيطة
الخلاصة إختار اللي يريحك و سيبك من الكلام الكتير عن دة وحش و دة حلو
ممكن تكون تجربة غيرك و ظروفه تختلف عن ظروفك و تجربتك
مش شرط ان نوع من الأنواع حد قالك انه وحش يبقي وحش
سيبها علي الله
و ربنا يوفقك