ياريت تقييم للويرا ولا فيرنا

**mohamed10** · 15-06-2007 02:35 PM

السلام عليكم ورحمة الله
ارجو اعطائنا تقييم للويرا من خلال مستخدميها يوضح من خلالها مميزات وعيوب السيارة وهل هناك اختلاف فى شكل السيارة موديل 2007 عن شكل السيارات موديل 99 مثلا ولو امكن وضع صور لها او اللنك الخاص بها على النت وهل الواحد يشترى الوير ولا الفيرنا والاتوماتيك افضل ام العادى وشكرا .

**معاذ الشرباصى** · 15-06-2007 02:36 PM

حضرتك فى تقييم موجود بالفعل للويرا هنا فى رووم البروتون!

http://www.nilemotors.net/Forum/viewtopic.php?t=273

**aeltokhy** · 15-06-2007 06:42 PM

حضرتك بتقارن عربية لانسر 94 وتقفيل ماليزى بعربية مش موجودة إلا فى مصر ومعمولة مخصوص لغبور وطبعا بعد ما إتقفلت فى مصر العب كتر فيها
فارق فى كل حاجة للويرا ماعدا حاجة واحدة لصالح الفيرنا وهى سعرإعادة البيع

**memo_hefnawy** · 15-06-2007 07:23 PM

الويرا :
مساحة داخلية + أبعاد خارجية = اللانسر تقريبا
الصاج محمل جدا
التقفيل = 8/10
الماتور 1500 عفى و حلو جدا للسواقة داخل المدينة
المانيوال أفضل لأن الأوتوماتيك بتاعها مش حلو
العربية سعرها بعد ما تفاصل فيه مع الوكيل بيوصل تقريبا 68.500 لكن رسمى ب 69000 أو 69500
بينزل فيها الكاسيت كلاريون (من بره مش من هنا) صوته حلو + جنوط 15 أربع فرد + 4 زجاج + فتحة تنك و شنطة + تغيير مستوى الإضائة 3 مستويات (الكشافات يعنى)
كعربية حمارة شغل و مش بتقول لأ
الصالون واسع
قطع غيار البطة بتركب عليها
فراملها حلوة بس مفيش ولا ABS ولا غيره ده بينزل بره هنا لأ
الثبات حلو نفس ثبات اللانسر و عن تجربة
عفشة و ماتور كله البطة
------
عيوبها :
إعادة البيع مش حلوة
الشكل مش يفرق عن إللى إنت عارفه غير الإكصدامات و الأوكر و المرايات كله لون العربية نفسه الشكل القديم و الشكل ده أذواق
هاتلاقى بعض العيوب البايخة ذى الحدفة يمين (و درش الله يكرمه حلها مؤخرا)
التوكيل رخم حبه بس مؤخرا برده بيتحسن و بيعملوا ورشة جديدة و ضخمة لبروتون أعتقد هاتفرق كثير عن قبل كده
مفيش عيوب تانية أفتكرها هى معايا من شهر 10-2006
كان حصل و ده محصلش مع حد غيرى إن الطنابير عندى باظط و غيروهالى فى الضمان بس ده محصلش مع حد من إللى أعرفهم أو بشوفهم فى التوكيل
------------------------------------

خلاصة الموضوع هى عربية حلوة جدا فى الفئة السعرية بتاعتها و أقوى بكثير من اللانوس و الفيرنا بس اللانوس أفضل فى إعادة البيع من ال3 مش بتخصر أبدا و الفيرنا يعنى مش أد كده و الويرا بتخصر

لكن لو تقدر تعلى و تجيب حاجة أحسن يكون أفضل لك
و الله الموفق

**mohamed10** · 15-06-2007 09:59 PM

شكر خاص لكل من شاهد او ادلى رايه فى هذا الموضوع ولكنى لست من هواة شرلء السيارة وبيعها على طول ولكنى اريد حاجة معمرة واقدر اعمل بيها فى حدود 100 كيلومتر وتكون فى حدود 70 الف فاذا كانت الوير توفر ذلك فاعتقد انها جيدة وشكرا

**TAG_Turbo0** · 16-06-2007 07:41 AM

فى عيب واحد احب أضيفة على كلام الاستاذ ميمو العربية واطيه على الارض
وده عيب علشان لو محمل العربية هتحط فى الجبال الى عندنا (المطباط)
وميزه ثبات العربية بسم الله ما شاء الله زى الفل وغرز وكل الى البك يحبة :mrgreen:

**abo3bdolrahman** · 16-06-2007 06:58 PM

ميدو لست معك فى ذلك الويرا أعلى من الفرنا و عفشتها أفضل لأنى كانت معايا الفرنا و كانت كورى و أكبر مشاكلها إنها كانت واطية على الأرض خلوصها من الأرض 15 سم و الويرا أكبر و تملك جنوط أكبر و دى ميزة و شكل الويرا أحلى من الفرنا من وجهة نظرى و شكرا. :mrgreen: