اللهـــــــــــــــو الخفي

**A7MED_PHARMA** · 08-02-2012 06:06 AM

السلام عليكم

اللهو الخفي

السؤال هنا.. هل هو صناعة محلية

أم إستيراد الخارج

؟؟؟

هقولكم على شوية حاجاة في البلد الايام دي

الأشكال إلي بدأت تظهر في التحرير وأنا شوفتهم بنفسي يوم مقابلة حبايب السيدة .. كل من كان في التحرير كان شكله شمام صرف
الأشكال دي بيندفع لها فلوس .. وأنا إتأكدت من كده بنفسي من عيل شمام من البلد هنا , كل شوية يروح التحرير ويرجع بــ100 ج في جيبه وعلبتين ميريت. وساعات ترامادول
ظهور عملات ورقية مزورة بشكل كبير جداا .. عملات لاتكاد تفرقها عن الحقيقية(أنا شوفتها بنفسي) لدرجة إنها تعدي على موظفين البنوك أنفسهم العملات دي متكلفة جداااا طالما بالكفائة دي.. يعني الي عملها مش همه الربح منها.لا همه ضرب الإقتصاد بدون مواربة أو معاني أخرى
الانفلات الأمني المتعمد.. وتعمد إبقاء الوضع غير أمن وتعمد إبقاء الفوضى والقتل والخطف والسرقة موجودة.. تعمد إيجاد الخوف عند المواطن من كل حاجة حواليه
دولة طرة .. حاجة مسخرة لما الناس تطالب بعزل المساجين عن بعضها..في إشارة صريحة إنهم متصلين بالخارج بدون القدرة على منعهم من كده.. فضيحة والله
التأخير .. والمط والتطويل في المحاكمات
إثبات وترسيخ حالة اليأس عند الناس من كل حاجة
كل حاجة بتحرق دم المصري موجودة.. غلاء .. إنعدام أمن .. ..إلخ
الخروقات المتكررة لإسرائيل عبر الحدود الفترة الي فاتت وحاليا

الحاجات دي بتقول إيه

اللهو الخفي .. صناعة محلية ؟

ولا

إستيراد الخارج؟

ولا مشترك بين الاتنين

أنا رأيي الخاص
ده صناعة مشتركة بين دولة طرة .. والكيان الصهيوني والأمريكي
علشان تحصل الفوضى الي بيسموها خلاقة
وييجي نظام زي النظام القديم
وترجع مصر وإسرائيل حبايب ونسايب

ويضيع دم الناس

**rompo10** · 08-02-2012 06:17 AM

انا خايف يطلع الشعب هو اللهو الخفي الواحد دماغه هاتتفرتك خلاص (انت سهران ليه يا دكتور لغايه دلوقتي)

**A7MED_PHARMA** · 08-02-2012 06:26 AM

بكلم اللهو الخفي بتاعي يارومبو ههههههههههههه

استنى موضوع صادم في الاجتماعي بعد شوية

**gebreel** · 08-02-2012 08:28 AM

انا والله بدأت احس بالتوهان الشديد

مش عارف مين بيعمل ايه ليه و ايه حصل ليه

اسئلة كثير بتتسأل و ملهاش اجابة و محدش بيعبر اهالينا و يدينا تصريح واحد ابن حلال مقنع و في نفس الوقت حقيقي لكن الاستخفاف بالعقول هواية لحد ما تهنا

**A7MED_PHARMA** · 08-02-2012 08:37 AM

بالظبط
محدش عارف مين مع مين؟؟ ومين بيعمل إيه فين علشان إيه ؟

حالة التوهان دي مقصودة جدااااااااااااااااااا
المجلس العسكري...حلو ؟؟ وحش ؟؟
الي في التحرير .. ثوار ؟؟ بلطجية ؟؟
قتلى الثورة .. شهداء ؟؟ موتى ؟؟
الداخلية .. مكبرة دماغها ؟؟ مش قادرة تلم الوضع فعلا ؟؟

إلي جاي أحسن ؟؟ ولا أسوأ ؟؟
المخروبة البورصة .. يوم تطلع بفرق كبيررررررر بفرح والله
تاني يوم تحصل مجزرة .. تنزززززززززل تاني ودمي يتحرق

**wassim_nasser** · 08-02-2012 09:29 AM

كل واحد يثبت مكانه و يخلي ايمانه بربنا كبير .. الثورة اتعملت عشان تستمر .. حاله البلبله و الفزع مقصودة عشان نقول "يلعن ابو الثورة .. أدي اللي خدنا من الثورة" .. لكن كل ده إن شاء الله إلي زوال .. دوله الباطل بكل بلطجيتها و اعوانها هاتزول .. واديكم شايفين الثورات بتكلف أد ايه .. كان مبارك عايز يطلع سلمي ف شهر 9 ولما الناس رفضت وماتوا 500 شهيد وصلناه للقفص .. كان المجلس العسكري بيتكلم عن استمراره ف السلطه لحد 2013 ولما مات 300 شهيد تانى بقينا بنتكلم ف يونيو 2012 .. اثبتوا وخليكوا رجالة لأن بكرة بإذن الله أحلي و ماتعملوش زي الكبار اللي خدوا ع المرمطة .. وانا مهما حصل فيا مش هقول فين ايامك يا مخلوع