مشكلة في كاست الكنوود والإريال الكهرباء

**alkashab** · 08-02-2012 10:18 AM

الأخوة الأعزاء السلام عليكم ورحمة الله وبركاته
عندي مشكلة في الكاست والإريال الكهرباء بتاع الشفرولية لانوس 2009 وتتلخص في أن الإريال اتكسر فحبيت أغيرة ، جبت اريال استيراد كامل بتاع الدايو وركبته لاقيت الدنيا اتبرجلت والكاست تعطل
راجعت دائرة الأريال لاقيت اختلاف في الأطراف بتاعة فيشة الإريال وهي الطرف الأرضي الأسود مكان السلك البرتقالي في فيشة السيارة يعني الطرفين متبدلين فراجعت دائرة الكهرباء لقيت فيوز المسجل ضرب غيرته نفس المشكلة روحت مبدل الأطراف بتاعة فيشة الأريال نفس المشكلة المهم واسف علي التطويل فصلت الكاست واطراف الإريال ووصلت طرفين الأصفر والأحمر ببعض علي أن مافيش اريال راكب الكاست اشتغل ولكن بيرجع لوضع الأستندر يعني كل العمليات أكنك فصلت الكهرباء عنه ورجعتها المهم دلوقتي لما افصل الإريال وأوصل الأطراف مكانها وخصوصا الأصفر ألاقي نور الصالون يسري ويرعش روحت فاصل الفردة الصفراء تاني عن العربية نهائي ووصلتها بالطرف الأحمر علشان الكاست يشتغل ومش عارف أعمل ايه والكهربائي يقول العيب في الكاست وغير الإريال أعطوني رأيكم لو سمحتم أبتدي بالكاست تصليح أولا وبعدين أشوف الإريال اللي أنا فاصلة أصلا وشكرا لكم

**tarek_2005** · 08-02-2012 10:52 AM

راجع علي فيوزات الكاسيت الاول وشغل كاستك وبعدين شوف قصة الاريال دي بعدين

**alkashab** · 26-02-2012 11:22 PM

تم مراجعة الفيوز وتم العمل ولكن المشكلة ان نور الصالون مع تركيب الكاست بيسري وبظهر من نور اللدات اكتر ولما افصل السلك الأصفر من الكاست النور يكون طبيعي والكست لايعمل ، هل المشكلة في الكاست وخصوصا اي سي البور علي حد علمي ولا فيه حاجة ثانية في العربية ولك الشكر يأخ طارق علي الرد

**mero100** · 27-02-2012 10:21 AM

انصحك بأنك تروح توكيل الكاسيت الكينوود .....الشركه العالميه للتوكيلات 3 ش احمد عرابي المهنسين او في مصر الجديده امام عمر افندي تقريبا ميدان سانت فاتيما .