الموضوع: نفسى أخرج مع مراتى !!!!

بجد ألف شكر ليكم ,أفكاركم كله حلوه
أنا الحمد لله خرجت يوم الخميس الى فات و كان كالتالى

روحت سيتى ستارز حوالى الساعه 10:30 الصبح
و فطرت فى مطعم أسمه PAUL فى Phase 1
و تقييمى ليه أنه مطعم شيك جدا بس غالى جدا جدا و كمان أكله حلو بس طبعا ميشبعش زى الفول و الطعميه
دفعت 110 جندى فى كلام فارغ

بعد كده أتمشيت فى سبينيس شويه لحد معاد السينما
دخلت فيلم بنات العم فى السينما ألى فى Phase 2
طلع فى تخفيض فى حفله 10و1:30 التذكره بعد التخفيض ب 20 جندى

الفيلم كويس و يضحك جداجدا جدا بس هايف أوىىىى

بعد كده روحت أخدت أبنى من الحضانه وأكلنا تونه فى البيت (كفايه مصاريف بقى)

الحمد لله أنبسطنا أوى و اليوم كان حلو أوى
و نفسى أكرره تانى
أجمل حاجه أن الواحد يتخلص من الهموم الى حواليه ,و لو ليوم واحد بس ,صدقونى بتفرق

أخر حاجه , بجد مش عارف أشكركم أزاى على مشاركتكم معايا, حسيت أنى فى وسط أخواتى