السلام عليكم اولا
انا اخويا مسافر فى الكويت ونفسه يجيب عربية محترمة
ففكرنا انه يجيب اى بيك اب دبل كابية زى الدودج رام او جى ام سى سييرا او اماروك
فكنت عايز كل التفاصيل الممكنة عن جماركها وشروط ادخالها البلد وتراخيصها من مصدر موثوق منه
وفى موضوع تانى واحد قالنا عليه اننا ممكن على اى سجل تجارى ندخل عربية 4*4 7 راكب مثلا وبتاخد اعفاء 10 سنوات وبعد كده تدفع جماركها او ترجعها بلدها
ياريت لو حد عنده اى معلومات اكيده عن اى موضوع فيهم يفيدنى
شركات السياحه ممكن تدخل عربيات من غير جمارك و ليها مده معينه علي ما اعتقد
و الشركات العاديه تقدر تدخل عربيات بس ماتاخدش نمر ملاكي حسب ما اتذكر
الافضل تسأل في الجمارك و هم يفيدوك اكتر لان ليها سكك كتير اوي
على حسب ماأنا فاكر في موضوع السجل التجاري
لازم يكون أصل راس مال الشركة اللي متسجل مليون جنيه
و بيتدفع للتسجيل ده حوالي 25000 حاجة كده
وبعدها تقدر تجيب أي عربية بس هتبقى نمر تجارية مش ملاكي
متابع بشده و نشاط.
ياباشا بغض النظر عن فظاعة المبلغ اللي هتدفعه جمارك وضرائب
العربية دي للاسف هتتعامل معاملة النص نقل يعني ليها طرق معينة ماتمشيش فيها زي صلاح ووسط البلد والمهندسين والعجوزة والمعادي (بوقت معين)
يعني تخيل انت راكب عربية الباشا مش راكبها وماتعرفش تمشي بيها
وفعلا بالنسبة لشركات السياحة تعرف تنزل عربيات لفترة معينة وترجع تطلعها تاني بره البلد
وبدون جمارك او ضرائب (تشجيع السياحة)
بس في حاجة جامدة جدا لازم يكون عندك شركة سياحة مرخصة
ولازم عند كل تنقل بالعربية تعمل ورقة مختومة بختم الشركة اسمها خط سير (شفتها بنفسي على فكرة) علشان لما بتقف في كمين بيسالوا عن الورقة دي بدون رخصة ودي لازم تتعمل بكل مشوار