الموضوع: انا عملت حادثة وقدر الله وما شاء فعل والحمد لله

السلام عليكم ورحمة الله وبركاته

الموضوع بأختصار ____انا كنت مسافر يوم السبت اللى فات الساعة 8 صباحا اوتو ايجبت علشان اسبلهم العربية علشان يركبولى _كنترول ((abs)) _ بس قدر الله وما شاء فعل _ عملت حادثة قبل ما اوصل .

والحادثة كالتالى ____ انا طبعاً جاى من السويس فعلشان اروح لاوتو ايجبت اول حاجة هاتقابلنى وانا جاى

من السويس طلعت الدائرى وفى طلعتين انا المفروض اخش من الاولانيا علشان التانية ديه بتودى كلية

الشرطة والتجمع وكده المهم وانا على سرعة 70 وجاى اخش يمين علشان اطلع الدائرى كان فى اول

الطلعة من على الشمال رملة وزلط مفيش وانا طالع عديت عليهم لقيت العربية عملت نص امريكانى وخلاص
متجهة على السور دوست فرامل جامد علشان اوقفها ويا رتنى مدوست لقيتها بدل مكانت نص امركانى

بقى امريكانى كامل ( بس كل اللى بحكيه ده يا جماعة حصل فى ثانية ) ورحت داخل فى السور بوش

العربية والحمد لله على كل شئ __ انا سليم والعربية كمان شغالة وبتمشى .
ولكن الاكصدام متدمر والكبوت بقى مفلق من اليمين ومتطبق من النص حاجات بسيطة والشبكة بعلامة نيسان اتنحلو خالص يعنى لون النيكل راح من عليهم بس الحمد لله على كل شئ .... وبالنسبة للصور هبقى اصورها بكره واضيفها على الموضوع
فدلوقتى الاكصدام اجيبو من التوكيل ولا + السمكره اعملها فى التوكيل ولا اروح الحرفين مثلا .وشكرا.