جين 2 ومشاكل لا تنتهي

**a7mednour** · 10-02-2012 03:10 AM

المشاركة الأصلية كتبت بواسطة mmans

آخر مرة مونت بنزين منين

والله يا باشا انا بمون من انضف بنزينة عندنا وده من تجربة جميع البنزينات ... وعلى فكرة ساعات

بتهبل ويكون معايا كم قرشين زيادة بفول 95 بس الاغلب 92 ونضيف جدا ... بس مرة رحت لواحد

فحصها عالكمبيوتر ... بيقولي انت بتحط 80

سبحاااان الله ...

**tutankhamoun** · 10-02-2012 07:32 AM

المشاركة الأصلية كتبت بواسطة a7mednour

شكرا يا باشا على النصائح ... وبالفعل تم اللي حضرتك قلت عليه وتم تنظيف الايدل ... بس في مشكلة .... اللمبة لسة بتظهر اول ما ادور العربية ... والميكانيكي عندي فصلي كبلات من ورا صندوق الماتور وقاللي جرب ... طبعا صوت التكات راح وجربت العربية العربية سحبها ماشاء الله حلو ... وجبت بيها 160 مرتاح في تغيير النقلات ... بس المشكلة ان اللمبة لسة منورة ... كلمته قاللي دي سهلة هنوديها لكهربائي يفصلها عادي ...
مش عارف ايه الحكاية ...
بس الحمد لله العربية بقت كويسة ... بس بصراحة خايف يكون الهدوء الذي يسبق العاصفة وتضيعنا ... ربنا يستر
تقبل تحياتي

لازم تزور مركز معتمد لبروتون و تكشف عليها بالكمبيوتر

مفيش حاجة أسمها نخلي كهربائي يفصلهالك

لازم تشوف الموضوع أصله
ما تبوظش العربية

**TefaShoman** · 14-02-2012 11:36 PM

المشاركة الأصلية كتبت بواسطة tutankhamoun

لازم تزور مركز معتمد لبروتون و تكشف عليها بالكمبيوتر

مفيش حاجة أسمها نخلي كهربائي يفصلهالك

لازم تشوف الموضوع أصله
ما تبوظش العربية

100%
هو ده الكلام الخلاصة ..

**bmya** · 16-02-2012 10:46 PM

ربنا يعينك بس هو حضرتك مهمل العربيه من ناحيه الصيانه وكده يعني ؟ اصل مش معقوله كل ده يحصل في عربيه موديل 2009 ولا حضرتك شاريها مستعمله
عموما ربنا معاك وتتظبط ان شاء الله

**a7mednour** · 19-02-2012 12:12 PM

المشاركة الأصلية كتبت بواسطة tutankhamoun

لازم تزور مركز معتمد لبروتون و تكشف عليها بالكمبيوتر

مفيش حاجة أسمها نخلي كهربائي يفصلهالك

لازم تشوف الموضوع أصله
ما تبوظش العربية

بالفعل كلام سيادتك مظبوط ... لان مفيش يومين والعربية رجعت زي الاول والحرق مش مظبوط

ولما اطع بيها العربية تقيلة مووت والصوت عالي في دوسة البنزين ... رحت للميكانيكي يوصللي

الكابل اللي فصله طلع بيقوللي انه كابل البيئة ... هوة ورا صندوق الموتور على طوول ...وقاللي

كدة خلاص العربية عاوزة بوابة جديدة ب 800 جنيه ...

الغريبة ان لما وصل الكابل العلامة راحت والعربية ظبطت

المشكلة ان لما ادور العربية وامشي بيها مية مية ... بس لما اقرص عليها جامد العلامة بتظهر

وتبرجل العربية ... حاجة تانية لو اخدت نقرة او مطب غصب عني برده العلامة بتظهر وتكلبش العربية ...

بضطر اني ابطل العربية واقف حوالي عشر دقايق على ما تظبط ...

المشكلة ان واحد صحبي شاف الحالة دي قاللي مستحيل تغير بوابة دلوقتي وقاللي عاوزة نضافة بس ...
ولما شاف الاسبراي اللي نضف بيه الميكانيكي قاللي ده حمااااااااار المفروض ينضفلك بمنضف رشاشات انجكشن وتقريبا الميكانيكي جابلي منضف كابريتير

طيب بالله عليكم اعمل ايه ... ولما قلتله حرام اغير بوابة ... قاللي بتاع الكمبيوتر قاللي انه الجهاز

قرا بوابة ... قلتله انا مش واثق فيه ... قاللي شوف واحد بتاع كمبيوتر تاني ممكن يكون مش مشكلة بوابة ...

يعني كل ده ومعرفش يشخص الحالة ... حاجة تقرف والله ... المشكلة ان اصلا المشكلة مفيش

مشكلة وممكن اروح عند اي حد او حتى التوكيل ادفع فلوس عالفاضي وتبقى المشكلة ما زالت موجوده وما عملناش الا اننا غرمنا وخلاص ...

واحد صحبي تاني بيقوللي ممكن تكون من كراسي الموتور ...

انا محتار وقرفان وان شاء الله هروح التوكيل وربنا ييسر وتطلع المشكلة خفيفة ويكونوا عندهم ضمير وما ياخدوش اكتر من حقهم

وجزاكم الله كل الخير على حسن نصائحكم واهتمامكم وربنا يحفظكم من شر الطريق

**adel418** · 24-02-2012 01:36 AM

عزيزى - المشكلة الأولى فى غاية البساطة وهى ان حساس السلانسية عندك مش مضبوط ويحتاج الى تنظيف او الى تغيير - وسأحكى لك عن اعراضة حتى تتأكد من المشكلة ببساطة
اولا يعلو صوت السيارة فجأة وبدون مقدمات وتحس بالعجز عن السيطرة عليها ولو لم تقم بالضغط على الفرامل ستجدها تسير وبسرعة
ثانيا ممكن هذة المشكلة تظل اياما ولا تحس بها وعندما تحدث تتكرر على مدار ايام متتالية
ثالثا احيانا عند الضغط على الدبرياج تجد ان الصوت ارتفع وال ار بى ام ارتفع لوحدة
رابعا اثناء التسخين صباحا يرتفع ال ار بى ام وينخفض بمجرد بدء الحركة
الموضوع ببساطة يحتاج الى تغيير حساس السلانسية

**a7mednour** · 26-02-2012 03:43 AM

المشاركة الأصلية كتبت بواسطة adel418

عزيزى - المشكلة الأولى فى غاية البساطة وهى ان حساس السلانسية عندك مش مضبوط ويحتاج الى تنظيف او الى تغيير - وسأحكى لك عن اعراضة حتى تتأكد من المشكلة ببساطة
اولا يعلو صوت السيارة فجأة وبدون مقدمات وتحس بالعجز عن السيطرة عليها ولو لم تقم بالضغط على الفرامل ستجدها تسير وبسرعة
ثانيا ممكن هذة المشكلة تظل اياما ولا تحس بها وعندما تحدث تتكرر على مدار ايام متتالية
ثالثا احيانا عند الضغط على الدبرياج تجد ان الصوت ارتفع وال ار بى ام ارتفع لوحدة
رابعا اثناء التسخين صباحا يرتفع ال ار بى ام وينخفض بمجرد بدء الحركة
الموضوع ببساطة يحتاج الى تغيير حساس السلانسية

هيروغليفي ده ولا ايه ؟؟؟

صراحة كان نفسي استفيد بس ما عرفتش اترجم ...

**wesam_m_l** · 02-03-2012 09:31 PM

طيب سؤال العربيات دي سعرها ايه ؟

**K3A** · 11-03-2012 06:06 PM

بصراحة انا مش عارف اذا كان البروتون فيها حساس شكمان ولا لآه بس خلي حد يكشفلك عليه لآني اعرف حد كان عنده لانوس و كان لما يجيب التالت اوالرابع يحس ان العربية كأنها ماقفة على التاني وصوت الموتور يعلى اوي ومش راضية تسحب ... لما فصل حساس الشكمان العربيةمشيت تمام
ممكن تكون عند حضرتك نفس المشكلة و الحل اما بتنضيف الحساس لو ينفع .. أو تغييره .. أو فصله