الموضوع: جين 2 ومشاكل لا تنتهي

ياريت يا جماع تفيدوني في المشاكل دي لاني بجد قربت ازهق من العربية رغم حبي الشديد لها ...
مش عارف ليه على طوول كل شوية تطلع بمشكلة جديدة وتزعلني منها ...
طبعا في مشاكل كتييرة حليتها بس فضل بعض المشاكل اللي مبهدلاني ؟؟
اول حاجة لما اكون ماشي على سرعة خفيفة الاقي الار بي ام بيزيد لوحده والعربية زي ما يكون حد بيسحبها مني وخصوصا لما اوقف العربية على الp بيزيد لوحده عن العشرة وبيرجع وكان حد بيدوس بنزين .. وبعدين لمبة تشيك انجين بتظهر وتبرجل العربية... اكون ماشي على d والعربية مفيش سحب نهائي لما ارفع رجلي من عالفرامل ما تمشيش نهائي ولما ادوسلها بنزين بتمشي وهي مخنوقه ... يعني لما اللمبة تنور بتبرجل العربية كلها..

الحل وديتها لميكانيكي من كام يوم قاللي عاوزة موبينة الكهربا بتاع المكنة... ب حوالي 3000 جنيه بعديها بيومين لما كنت هشتري الموبينة دي ... قلتله اني مغير بوجيهات ... كان التوكيل عصام صفا مغير بوجيهات صيانة ال 100 الف وكان مركب ياباني وبعدين ميكانيكي تاني قاللي دول اي كلام وركبلي الماني ...
الميكانيكي الاخير قاللي ازاي لا يعلى على الياباني تقريبا نوعه ngk والالماني في السوق مغشوش والعربية دي متاقلمة على البوجيهات الياباني ورحت جبت طقم ياباني تاني وركبته على اساس ان المشكلة هتروح ولكن هبااء .. المشكلة ما زالت موجودة ؟؟

الميكانيكي قاللي افحصها عند واحد بتاع كمبيوتر وخليه يمسح الاخطاء اللي عليها ويكشف عليها وهتبقى حلوة ... رح قاللي الراجل العربية عاوزة بوابة الماكينة بحوالي 800 جنيه ؟؟طبعا انا من كتر المصاريف عليها قربت اتجنن قلتله ماشي واديته خمسين جنيه في تلات دقايق اللي كشف فيهم ومشيت ...

تاني مشكلة ان العربية بتمسك معايا حرارة على طووول ... مع اني ببص على الرادياتير على طوول وبزوده اول باول مياه خضراء ... المشكلة انها بتزيد من غير مشاوير لوحدها ... حاجة تانية الاقي المروحة تشتغل لوحدها بعد ما ابطل العربية ... ممكن بحوالي ربع ساعة من التبطيل .. واحيانا تشتغل لوحدها ... واخر حاجة لما جيت اسخن العربية الصبح اخدت مني حوالي تلت ساعة تسخين لغاية ما الحرارة ما وصلت عند قبل التسعين بشرطة ...

الحل واحد قاللي ان دورة التبريد واخدة هوا ومش عارف ايه وافلام هندي ..
طبعا من كتر المشاكل الواحد مش عارف يحل ايه ولا ايه الاول ...

تالت مشكلة ان الماكينة صوتها عالي حبتين ولما افتح الكبوت اسمع صوت تكات بتروح وتيجي واحد صحبي قاللي ده صوت تكيهات الحق وديها للميكانيكي قبل ما تزيد ... بصلي عليها قاللي غير الزيت وفلتر الزيت والصوت هيروح مع اني كنت مغيره في التوكيل من حوالي شهرين زيت كاسترول ايدج 10000 ولسة ما كملتش ال 8000 كيلو بس الزيت لما اتغير نزل اسود فحم فقاللي حرام عليك الزيت عامل ازاي ... وغير الزيت 3000 وقاللي غيره على 2500 ومع ذلك الصوت بتاع التكات لسة ما رحش ... لما قلتله قام رايح فاكك كبل من ورا الماتور الصوت قام رايح ركبه تاني الصوت قام جاي وشوية يروح وييجي ... قالي ده منظم بينظم مش عارف ايه .. سكت ما اتكلمتش ..

رابع مشكلة العربية لما اكون واقف في شارع زحمة احس ان الدركسيون بيرعش معايا رعشة خفيفة وفي صوت زن غرريب مش عارف من ايه ؟؟؟

ياريت لو تفضلتم تشيفولي حل للمشاكل دي قبل ما اجنن وافرط فيها لاني بجد دفعت عليها كتيير وعالفاضي لاني مش عارف من الصدق ومين الكذاب ولانها بجد بدات تفقعني وتزهقني مع انها غالية عليا اوي وناس كتيرة عاوزة تشتريها مني لاني مهتم فيها اوي ومخلي شكلها نضيف ؟؟

ويارب اعرف من تجاربكم السابقة حل للمشاكل دي ..

تقبلوا حياتي

المشاركة الأصلية كتبت بواسطة semsem kane

مشكلة خنقة العربية اول لما لمبة التشيك انجين تنور دة معناها وجود خلل فى حساب كمية الهواء اللى داخلة للعربية ودة واضح من اكتر من حاجة ( ارتفاع مؤشر الاربى ام لوحدة بدون تدخل ) يبقى كدة حضرتك عشان تريح دماغك لان من الواضح ان البوابة كلها محتاجة تنظيف وهية انك ( تفك الثروتل بودى وتقوم بتنظيفة مع تنظيف بلف الايدل جيدا وحساس الmaf , سيبك من الرشاشات دلوقتى ماتجيش جنبها

- بالنسبة للحرارة وارتفاعها المفاجىء وتشغيل المروحة لوحدها يبقى كدة حضرتك لازم تفك ثرموستات المروحة وتكشف عليها + اتاكد من وجود وسلامة ثرموستات الكوعة

- صوت التكتكة دة معناة حاجتين ( تاكيهات فيها بوش خفيف ولازم تتظبط - الزيت خفيف وفقد لزوجتة )

رعشة الدركسيون سببها ( عدم انتظام فى حقن وقود السيارة - قواعد ناشفة وخصوصا انك بتقول ان فية زنة بتيجى معاها )

شكرا يا باشا على النصائح ... وبالفعل تم اللي حضرتك قلت عليه وتم تنظيف الايدل ... بس في مشكلة .... اللمبة لسة بتظهر اول ما ادور العربية ... والميكانيكي عندي فصلي كبلات من ورا صندوق الماتور وقاللي جرب ... طبعا صوت التكات راح وجربت العربية العربية سحبها ماشاء الله حلو ... وجبت بيها 160 مرتاح في تغيير النقلات ... بس المشكلة ان اللمبة لسة منورة ... كلمته قاللي دي سهلة هنوديها لكهربائي يفصلها عادي ...
مش عارف ايه الحكاية ...
بس الحمد لله العربية بقت كويسة ... بس بصراحة خايف يكون الهدوء الذي يسبق العاصفة وتضيعنا ... ربنا يستر
تقبل تحياتي