احنا وجهة نظرنا اننا تعبانين فيها
هما بقى لبيهم وجهة نظر تانيه خالص
ازاى احنا نركب عربيات وهما لا
ربنا يكفينا شر الحقد والحاقدين
لو يفكرو لو للحظات ان اصحاب العربيات
دى اغلبهم واخدنها بالقسط وطالع عينهم فى السداد
ربنا يهدينا جميعا
يا جماعة ده بيبقى خليط ما بين الحقد والكره و التخلف و عدم التربية و ندوس أوي على عدم التربية ... لان فعلا التربية الصحيحة الاسلامية غابت عن ذهن ناس كتير جدا وده زي التعاون مع بعض ، حب الخير لبعض ، شكر النعمة اللي معاك ، ما تبصش في اللي في ايد غيرك ...
من الأخر احنا ما عندناش مجتمع الناس فيه تعرف بعض من أصله ، ده الجار زمان كان كل يوم لازم يطمن على جاره ... دلوقتي لو قولتله صباح الخير يقول انك عايز منه حاجه ...
رأي ان الناس ما بقتش تحب بعضها زي الأول وكل واحد بيقول ارضاء نفسي أولا ثم يولع الأخرين ...
معلش هي ممكن تكون نظرة تشاؤمية و لكن على رأي بعض الشيوخ لما عملوا مقارنة ما بين مجتمعنا و المجتمع الغربي قالوا : ( رأينا في الغرب اسلام بلا مسلمين و رأينا عندنا مسلمين بلا اسلام )
بس عموما لو محصلش كده يبقى انت مش في مصر ...
هاشم باشا
ارجو انك تتقبل كلامي كأخ صغير ليك
ليا تعليق علي كلامك ( بحب الفلسفه شويه ) فأسمحلي اتفلسف
اولا تعريف الفلسفه: وجهه نظر شخصيه في امر من الامور
ثانيا:
هو يعني اللي واخدينها قسط كويسين و اللي شاري عربيته كاش يبقي ابن البطه السوده؟
ماهو الواحد لو مقسط مرسيدس مثلا فممكن يشتري فكترا كاش!!
انا فاهم قصدك من كلامك انما انا زي ما قلت باتفلسف شويه و ادينا بندردش
الموضوع مش موضوع واحد طالع عينه في اقساط او لأ
الفكره في احترام الملكيه الخاصه و في حاله بلدنا العزيز الملكيه العامه كمان
و الموضوع يمكن يكون نابع من ثقافه الشعب عموما
انما لازم يكون في قوانين بتحمي الملكيه العامه و الخاصه
و بالنسبه لثقافه الشعب عموما فأحب اوضح ان شعبنا مكون من طبقات كتير
و للاسف نسبه المتعملين و المثقفين نسبه مهمشه من نسبه الشعب المصري
الغالبيه يا سيدي الفاضل من الاميين المنقسمين ما بين عمال و فلاحين
و للاسف الطبقات دي هي اللي بتقود مصر ناحيه التخلف و الدمار
و قبل ما الوطنيين دمهم يغلي من كلامي فالكلام ده للاسف الشديد واقعي
مين السبب في ان معظم العمارات بتلاقيها بعد سنه او اتنين السباكه بتسرب ميه في الحيطان و نشع و تمليح؟
كام مره اتعاملت مع صنايعيه سواء في مجال العربيات او البناء و التشطيب و اتصدمت في مستوي الشغل و جودته؟
كام مره الكهربا تضرب في البيت نتيجه الكهربائي اللي عملك التوصيلات في الشقه جاهل و عكاك و برضو للاسف الموضوع بتكتشفه بمصيبه؟
التعليم التعليم التعليم
كنت مره في الشارع و قدامي احد بائعي العيش (المكشوف طبعا للذباب و عوادم العربيات) الراجل واقف بينقب عن بترول تقريبا في انفه!!
انا واقف بتفرج علي المنظر ده و الاقي واحد جي يشتري عيش منه
ده ببساطه قام ماسح في جلابيته و مد ايده يمسك العيش و يحطه في كيس للراجل عادي جدا ولا كأن في حاجه غلط
وده موقف تاني
واقف جنب سوق و عربيه الزباله جت
طبعا مع اسفي من مستوي الحمايه اللي بتقدمه شركات القمامه لعمالها الا ان الموقف يضاف لقوائم العيوب المصريه
الراجل بعد ما جرجر صندوق الزباله المعدن اللي عجلتين من عجله بايظين بأيده ايده اتجرحت من حرف الصندوق (اللي معمول غلط في غلط بالاصل) فكل اللي عمله هو مسح ايده بلسانه و مسحها في هدومه (اللي بلون الاسفلت) زاد و غطي لما التباع صغير السن اللي معاهم راح جاب اكياس كشري ليهم
كله بياكل و ايديهم عليها قاذورات و ميكروبات لا تتواجد جميعها الا في مراجع الطب اللي بتكون شبر و اتنين بالعرض
شعبنا جزء مني و منك و مننا كلنا
لازم ما دام هما ميعرفوش لازم نعلمهم
لازم نعتني بيهم
غير كده هنلاقي الحقد و الغل و الجهل بتاعهم بيقلق حياتنا و مصالحنا
و لنا في الجرائم البشعه بتاعت الفتره دي ابسط مثال
كان في قصه اسمها اله الزمن و اخري اسمها مزرعه الحيوانات
الاتنين اسمهم بالانجليزي time machine & animal farm
بادعو الناس تقراهم النسخ الاصليه ان امكن و بلاش الترجمات
و بالذات مزرعه الحيوانات
هتلاقو واقعنا المعاصر مسطور سطر سطر في الروايتين دول
و للاسف النهايه لكل منهم نهايه مؤسفه
نازل علي الصبح لقيت و احد حسبي الله و نعم الوكيل فية عملي خط بطول الكبوت
و شكلة باين ووحش خصوصا ان العربية سودة و هو واصل للصاج
حسبي الله و حدة نعم الوكيل
يارب يا استاذ امير ربنا يخليك
فعلا يابسكوتة حسبي الله و حدة نعم الوكيل الناس بقت مكبوتة بجد و نفسها تطلع غلها في اي حاجة و كل و احد فاكر الي اغني منة حرامي
و كمان مافيش حل الا ان الكبوت يترش و وجع دماغ و كل دة بسبب انسان حاقد
السبب هو
انجزاب النفس البشرية لفعل حاجة حرام
هههههههههههههههههههههههه انا بقى كنت ركنة عربيتى ورجعتلها لقيت واحد راسم عليها قلب كبييييييييييييييييييييييي ر وكاتب اسمة واسم حبيبتة ههههههههههههههههههه بس الحمد لله العربية لونها اسود وكانت متعفرة تراب وطلع تحت التراب نظيف انا حاليا بركن فى البارك بتاع عمارتنا