الموضوع ده مش بتاعى اصلا , انا مشارك فيه فقط
بس انت عملت اقتباس من مشاركتى بدون استخدام لها فى صلب ردك مع اعلان عن موضوعك
بس دى كل الحكاية , تحياتى
يا جماعة كل ده عادي و أتعودنا عليه الجديد بقى أنه الظاهر أن القطط والكلاب أتعدوا من البني أدميين, من يومين نزلت لقين سقف العربية شوارع, كله انبعاجات, لسة بسأل نفسي أيه اللي حصل, لقيت القطة اللعينة وولادها واقفين جنب العربية وكان ناقص يطلعولي لسانهم.حسبي الله ونعم الوكيل.
:Lighten: مافيش غير حل واحد برأيي
لما تركن عربيتك قم بتوصيل بودي العربية بسلك كهرباء 240 فولت :):sifone:
ana ba3d mastalamt el-3arabya be youmeen nezelt beha el-sho3'l abl mara5asha aw a3ala2 nemar lessa togarya (we kont m2agar el-nemra b 60L.E) we less el-stickets 3ala el-shanta wel kabot wel sa2f we rakenha fee garaj, we nezelt la2et wa7ed ebn !@#! wa5ed el-bab aly gamb aly gamb el-sawa2 men awelo le a5ro be mosmar we mesh ektafa be keda...7ately el-mosmar fel farda aly wara ebnel !@#$!@#....we ba3deha be shahr la2et 5arbos bardo bemosmar beta3 7cm 3ala el-rafraf......
bardo wa7ed sa7by kan raken fee Marina ya3ny makan nedef azon LOL...we ma3ah passat we kan lessa mestelemha we mra5as we rege3 men el-ba7r la2a wa7ed wa7'edo el-gamb el-shemal kolo shorat shorat shorat beta3 6-7 shorat...we ba3daha b youm a5adlo el-gamb el-tany we bardo 6-7 shorat we katabo 3aleha "Wedeny la7ra2 damak" LOOL tab estafad a ba2a lama 7ara2 damo...ma3a en el-walad tayb we malosh fee ay 7aga !.
انا باه فى عربيتى القديمه كان كل يوم فى خربوش جديد
اما الحمد الله العربيه الجديده كل الى حصل انى ركنتها من غير الغطا ما بين صلاة المغرب والعشا تحت البيت علما انى اسكن فى شارع لا يوجد بيه حركه الا قليلا
ونزلت اصلى لقيت واحد كاتبلى حرف
(m) بس ايه كتبه بى ذمه وكذا مره فى بعض وعلى الرفرف اليمين وره ربنا يسامحه باه
بسم الله الرحمن الرحيم
خد عندك بقي وعد
طبعا انا ساكن جنب سيتي ستارز فالمنطقه مليانه شباب وعاملين زي العجول مره الاقي واحد قاعد علي شنطة العربيه ومربع فاكر نفسه قاعد علي طبليه وطبعا البناطيل الجينز ام كلبسات بتقوم بالواجب ده غير مره لقيت واحد واقف علي الشنطه حاجه موز:worried:
-والباشا ابن بواب العماره اللي جنبنا عندهم عربيه نص نقل الواد ينزل يسخنها لأبوه الصبح ويعمل فيها الفط ويروه طالع وراجه بيها وجايبلي الاكصدام الخلفي بالعرض
-ومره انزل الاقي الجنب اليمين مطبق والعربيه واخده بويه
ودا كله طبعا غير التجارح العاديه اللي هي بتعتبر اهم من الرخصه في بلدنا
-اما بقي احدث حاجه كانت في البكانتو اني روحت شبرا اوصل عمتي ركنت العربيه شويه ونزلت لقيت واحد (حسبي الله ونعم الوكيل فيه) منيملي الفردتين اليمين:036:
حسبي الله ونعم الوكيل في كل اللى بيعملوا كدة ، الحل السحري اللى وقف مستوى الخرابيش على عربيتي عند حدة هو ببساطة شديدة الغطاء اشتريت غطاء سميك وبقيت كل ما اركن عند البيت اروح مغطي العربية وبعدين الصبح اشيل الغطا واروح الشغل واقوم مغطي العربية برضة وهكذا دواليك فلاحظت ان تقريبا ما فيش اي خرابيش جديدة .
بس يا جماعة الخرابيش مش كل حاجة في برضة التطبيق تلاقي شوية عيال زراف من الاوزان التقيله قاعدين على عربيتك وهوب يروحوا مطبقين لك الشنطة او الكبوت .
وانا شخصيا لما بركن بخلي وش عربيتي في الحيطة لزق لانها هاتش باك ومع ذلك احيانا الاقي الكبوت متطبق ولازم افتحة واخبطة بايدي علشان يتعدل ....حاجة تفلق .
=========
تنبيه للعضو بعدم استخدام اللون الأحمر
حيث أنه مخصص لمداخلات الإشراف والإدارة فقط
يرجى مراجعة قواعد المنتدى
وشكرا
انا بقى حكايتى حكايه ...
اول مره اتذكرها كان فى صندوق ( زباله ) وانا بركن قبله حوالى (2) متر وكنت نازل الشغل لاقيت سقف العربيه مطبق سألت البواب قالى ان واحده رامت كيس الزباله من الخامس وعاوزه ( تـيـــــنشـن ) فى الصندوق وقع الكيس على العربيه .
ومره تانيه لقيت والله العظيم علبة صلصه ( ماليانه ) ومره اخرى بضايه :banghead:
قولت اشاله من جنب الصندوق وغيرت المكان بعدها لقيتى البواب بيخبت ويقول العربية الفانوس اتكسر
طب ايه اللى حصل جارى بيركب تكيف وفى طوبه وقت من فــــــــــــــــــــــــ ــــــــوق :011:
انا مرة كنت راكن العربية تحت عمارتي وكانت تعتبر تحت البلكونة بتاعتي كده المهم لقيت اتنين حبيبة راكنين علي العربية وتقريبا كانوا راجعين من درس خصوصي و معاهم المذكرات بتاعتهم ....... المهم لقيت البنت طلعت قلم من معاها و ابتدت تحفر علي السقف بس الحمد لله كنت مغطي العربية بس برضه ممكن ياثر علي البوية و ممكن يقطع الغطاء او حتي علي الاقل ممكن تشخبط علي الغطاء........ قلت لازم اقرفهم و اخليهم يمشوا من نفسهم بعيد عن العربية علشان الناس اصلا بقت تنحة ولو خليتهم يبعدوا عن العربية شوية حيرجعولها تاني لما يلاقوني ما بقتش ابص علي العربية ..... المهم رحت علي المطبخ علطول و مليت طبق غويط بالمياه و رحت مغرقهم هم و المذكرات بتاعتهم ........ اصل انا باحب ااخد حقي علطول بايدي :2guns:
كويس فكرتوني بموقفين في نفس الموضوع
لاقيت على عربيه شاهين زي الفل العيال ولا الـــ (تيت) لاعبين x-o وياريت مره واحد لا بطول وعرض الشنطة
واحد تاني من سنتين تقريبا وانا برش العربيه واحد جه ومعاه جولف موديل 2006 زيرو واحد جه بسمار وشخبط على الكبوت