مخالفة ميه !!!! عبيط جداااا

**A7MED_PHARMA** · 09-02-2012 05:10 AM

السلام عليكم

النهاردة الصبح ماكنتش في الصيدلية
غسلت العربية قدام الصيدلية الصبح .. ومشيت

جه عدد 3 أفراد للبنت في الصيدلية
فيما معناه يعني الحوار الي حصل بينهم

إن الميه الباقية مكان غسيلي العربية .. عليها مخالفة ومحضر بألف ونص
صاحب البيت .. زعق للبنت وقالها ماتخليش الدكتور يغسل العربية تاني ..أنا قولتله ماتغسلهاش هنا ..إلخ

ولما مشيوا..صاحب البيت قال للبنت .. معلش أنا زعقت علشان مايعملوش محضر
والفرسان التلاتة قبل مايمشوا.. دخلوا طلبوا ترامادول من البنت ..إلي قالتلهم مفيش طبعا

.
إيه التخلف ده
حد يقولي
هو أنا لما أسيب مكان غسيل عرييتي ميه .. دي فعلا فيها مخالفة من أي نوع ؟

علشان بجد طالبة معايا أروح أشرشحلهم في هيئة الطرق
أنا بكره الغباء.. وبكره إلي بيتعامل معايا على إني غبي

.
؟

**A7MED_PHARMA** · 09-02-2012 05:24 AM

المشاركة الأصلية كتبت بواسطة shooter1234567

للاسف ايوة في مخلفات علي اهدار المياة

يعني لو الواحد رش ميه قدام بيته .. ممكن تتعمل له مخالفة ؟؟

طيب مخالفة إهدار..لو أثبت إنها ميه حنفية
طيب مانا ممكن أقول إنها ميه طرمبة .......ميه جوفية يعني
أنا عارف الاشكال دي
تيجي تقولك إيه ده..إيه ده.. دي مخالفة بكام ألف.. علشان الناس الساذجة تخاف..وتطبقله 50 ج في إيده وتقوله حقك عليا ياهندزة

.
بس لا
أنا هروح أشرشحلهم برضووو
وبعدين مال بتوع الطرق..ومال إهدار الميه

**A7MED_PHARMA** · 09-02-2012 05:36 AM

غير كده

البهوات قالولها(وده إلي يضحك بغباء).. إن الميه بتزحلق العربيات

يعني محضر بألف ونص.. علشان أنا زحلقت العربيات ! ! ! ! ! ! ! ! !
هو عبيط

**wassim_nasser** · 09-02-2012 08:49 AM

المفروض رش الشارع و اهدار المية عموما له محضر بيئة بس ماعرفش غرامته كام .. وبما ان البيئة والحاجات دي للناس الرايقه زي الامريكان ف احنا بنستخدمها ف تقليب العيش .. يعنى كارت شحن 10 .. حبيتين ترامادول .. الخ .. ومادام ربنا موسعها عليك ابقى اغسلها ف البيت

**MMamdouh** · 09-02-2012 10:23 AM

فعلا اهدار مية الشرب مخالفة بس فى الحالة دى لازم يقفشك و انت بترش من خرطوم مية عشان يبقى اثبات انها مية شرب

بالنسبة لمية الغسيل انا معرفش اوى بس هما بيتكلموا صح... انا مرة زمان و انا رايح الكلية كان فية ناس بتمسح كوفى شوب بمية و صابون و راميين المية فى الشارع و انا دوست فى المية و العربية لفت منى و كنت هلبس فى كل العربيات اللى راكنة

MMamdouh

**SYD** · 09-02-2012 11:54 AM

والله يا فارما دي حقيقية

لما الحي (ايام النظام السابق) كان بيحب يرخم علي حد كان بيعمل محاضر عشان اهدار مياة الشرب

معرفش دلوقتي ايه النظام

بس انت وضحت غرضهم من الموضوع

هما جايين عشان تديهم دوا

كنت اديهم اسبرين علي انه ترامادول