-
اختيار صعب
يا جماعة أنا محتار ين عدد من السيارات و محتاج اخد قرار سريع قبل أوتوميك(الخميس الجاى) انشاء الله ،نا محتار بين(بالترتيب):
1-ميجان SPD
2-فوكاس GIA
3-سيفيك
4-لانسر
5-كورولا
انا دلوقتى عايز عربية Automatic 1600 -Reliable توكيل محترم و قيمتها فيها (نوعا ما).أنا كان اكتر حاجة عجبانى الكورولا بس بعد مشاكل الفتيس و السحب قلقت منها.والسيفيك برده كويسه بس الرفاهيات فيها مش كتير.
مستنى ردودكم و يا ريت اللى يرشح عربية يقولى مميزاتها عن الباقي اية.
شكرا مقدما
أسامه
-
سيفيك طبعا هيا احسنهم
بعدها اللانسر
بعدها الكورولا
-
شاكلك غاوى يابانى يا أحمد
-
فوكاس GIA
عشان Reliable وتوكيل بقى محترم و قيمتها فيها
بس خد بالك من قطع الغيار واعادة البيع
-
i vote for the honda civic
-
فوكاس Gia
ميجان Spd
الكورولا
سيفيك
لانسر
-
لو عاوز عربيه تركبها جيب فوكاس
فرق في الفخامه كبير جدا بينها وبين اي عربيه تانيه من دول
بس موتورها مش أحسن واحد في العربيات دية، سحبها مش اللي هو يعني عشان 1600 يادوب ممشيها كويس
-
الهوندا السيفيك رغم غلو قطع غيارها و هبوط سعر اعاده البيع لها .
-
عيب الميجان الوحيد سعر أعادة البيع
توكل على الله وجيب فوكاس أو سيفيك
لو مش فارق معاك سعر أعادة البيع أوى ( يعنى لو العربية هتفضل معاك 5 سنين أو أكتر ) جيب ميجان
-
الفوكاس لو عايز رقاهيات ومش بتاع شد وكلام من دا (انا ركبتها قبل كدا انبهرت)
السيفيك لو عايز موتور وثبات(بس مفيش اى كماليات)
الميجان لو عايز تجمع بين النعومة والثبات والاوبشنز(بس سعر اعادة البيع ضايع)
الانسر تحفة فنية موتور جامد واوبشنز عالية وشكل جامد (مش لاقى عيوب الصراحة ..لو حد عندوو عيوب يفكرنى):D
الكورولا تنفع لراجل فوق ال50 نعومة وهدوء (دى اليابانى ..الجنوب افريقى ابعد)
if i were u i would buy... LANCER
-
شكرا يا شباب على الردود .
أنا بصراحة الميجان طالعة من عينى بس موش عايز اتحسر لما ألاقى ناس بتبيعها بخسارة 15 و 20 الف بعد كام شهر.
اللانسر يا سعداوى حاسس انها مغالى فى سعرها و انها محشورة فى فئة أعلى منها عشان تتنافس معاهم( استغلالا لنجاح الشكل القديم).
أنا إن شاء الله ناوى على السيفيك او الفوكاس .وربنا يوفق إن شاء الله
-
-
شوف يا باشا..
كل العربيات اللي ذكرتها سعر اعادة بيعها واقع..
مش كويس بعنب..
الا اللانسر و الكورولا..
ليه. متسألش.. الشعب المصري كده ليه عادات غير مفهومة.. زي الموبايلات النوكيا كده..
انضف العربيات دي الاوروبي.. الفوكاس و الميجان--- و السيففيك,, و برضه لا تقل كفاءة عنهم..
كلهم قطع غيارهم غالية قوي.. و توكيلاتهم تقريبا في نفس المستوي..
الكورولا بيتهيألي ابعد عنها شوية دلوقتي..
و اللانسر لو ناوي استغل فرصة السعر الجديد اللي نزلوه النهاردة.. وهو تخفيض 7 الاف جنيه علي ال1300 و 1600 اللي هي مش سبورت ولا سام..
راجع منتدي ميتسوبيشي وشوف السعر الجديد..
بالسعر ده هي بدأت تنزل شوية و باقول بدأت ولو انها محتاجة نزول اكتر من كده..
عشان تبقي في حدود الفئة السعريه بتاعتها.. عشان استغلال الوكيل زاد قوي..
-
احمد باشا
انا بتهيألى السعر نزل على الشكل القديم بس و ال Ex لسة زى ما هيه
-
هو معلش الظاهر انه سوء فهم مني انا..
انا كنت فاكر حضرتك بتتكلم علي الشكل القديم اصلا..
عموما حصل خير..
بس بصراحة.. انا شايف سعرها برضه مبالغ فيه قوي..
بس ميوتها الوحيدة عن التانيين السيفيك و الاوروبي يعني..
سعر اعادة البيع.. مش اكتر من كده.. و الكورولارلاضه نفس النظام..
-
من الاخر لو عايز اوبشن بسعر معقول جدا و مش فارق معاك سعر إعدة البيع و نزول الشكل الجديد فى صيف 2009 يبقى هات طبعا ميجان
غير كده يبقى سيفيك
Content Relevant URLs by
vBSEO 3.6.0 PL2