الموضوع: مشكلة مع توكيل عز العرب

أيه يا عم فيليكس ....... كان الله في عونك
ده أنت يا راجل كل لما تروحلهم لازم مشكلة ........... بجد ربنا يكون في عونك .
مش عارف أقولك أيه غير أني أدعيلك ربنا يسترها عليك و يهدي بتوع التوكيل
بجد المهندس آمر راجل ربنا يباركله

بس أنا لو مكانك كنت كشفت على الزجاج في الأسماعيلية الأول و لو طلعت حاجة بسيطة كنت عملتها هناك ووفرت الوقت و المجهود و الفلوس و لو كان الصنايعي قالي حاجة تانية على ماكينة الزجاج .... طبعا كنت هاجي التوكيل علشان الضمان .
الأستاذ ساينت كلامه مظبوط

عموما ربنا يستر

حمد الله على السلامه وفعلا البشمهندس أامر ساعد ناس كتير بس مش هو ده الطبيعي ان الواحد كل حاجه يلجا للراجل

المفروض ان الحاجه المظبوطه تكون هي الاساس

ربنا يعين الجميع ويصلح الحال

تحياتي

المشاركة الأصلية كتبت بواسطة ahmed gamil

ياجماعه انا عضو جديد فى الموقع ولسه شارى عربية بروتون جين تو 2013 والتوكيل بيشترط إنه يحط زيت توتال فى صيانة الألف وانا مش عارف الزيت ده حلو ولا وحش انا كل تجربتى مع الزيت كان موبيل xh5 وشيل xh7 وكاسترول ماجينيتك وبصراحة الشل والكاسترول ممتازين أعمل إيه ياريت تفيدونى بسرعه وشكراً لجميع الأعضاء وكلمت المهندس آمر وقالى نفس الكلام مش عارف اعمل ايه انا مش مرتاح لزيت توتال ده وفى نفس الوقت هما مقيدين حرية العميل فى إختيار الزيت اللى ه عاوزه وحتى المانيوال بتاع السياره والضمان مش مكتوب فيه أى نوع زيت كاتبين بس ينصح بإستعمال زيون من نوع 20w50

للأسف ملهاش حل مع التوكيل عز العرب، هو توتال لو هتستخدمه الاغلبية قالت يبقي تستعمل ال 5 الاف
الكل تقريبا قال توتال 5 آلاف حلو ، لكن ال 10 آلاف دون المستوي

ممكن يكون فى حل تاني ، بس مش مع التوكيل ، تروح تعمل صياتنك فى عصام وصفا ودة مركز خدمة معتمد من عز العرب هتلاقي عنوانه فى القسم وممكن تتفاهم مع المهندس عصام انك تستخدم الزيت اللى انت عاوزه ، ويكون الضمان علي مركز الخدمة إذا حصل اى حاجة لا قدر الله.