عرض للطباعة
السلام عليكم ورحمة الله
انا حجزت اكسنت rb وحستلم كمان يومين ان شاء الله, وكنت عايز اجيبلها شوية حاجات بس مش عارف حالاقيها برة التوكيل ولا لأ وسعرها ايه, فا ياريت لو حد يعرف يقولي ,انا من اسكندرية بس حتى لو المحلات في القاهرة مفيش مشكلة لأني بنزل هناك كتير
1- فوانيس شبورة (اصلي او تقليد)
2-كونسول (بس يكون بنفس لون الفرش او ينفع يتعمله كسوة)
3-باركينج سنسور
4-عايز اعمل فرش جلد نضيف بس مش عارف فين هنا في اسكندرية
وشكرا
كل دة هتلاقيه فى التوفيقية فى القاهرة
بس لف كويس علشان هناك التجار جشعيين بدرجة بشعة وكل واحد بيحط سعر على مزاجه
اهم حاجة تفاصل بأستماتة
اقتباس:
المشاركة الأصلية كتبت بواسطة kareem fawzy
شكرا للرد يا أ/كريم
حشوف حد يدورلي عليهم هناك ,انا سألت على الكونسول و الفوج هنا عند سعيد نصار في اسكندرية وقاللي لسة مش حلاقيهم دلوقتي غير في التوكيل
لا هتلاقيهم ان شاء الله
واللى متلاقيهوش فى التوفيقية هتلاقيه فى شارع دمشق
وفى الاخر ممكن تعمل اوردر بيهم من على النت هيبقوا احسن وانضف من التوكيل
باشا اولا مبروك عليك وعايز اعرف انت حاجز المانيول ولا الأتو وفين وبكام وبتستني قد ايه؟
الله يبارك فيك يا كبيراقتباس:
المشاركة الأصلية كتبت بواسطة shaddadfalcon1
انا جبت اول فئة اوتوماتيك ب 102500 من اباظة سابا باشا بس هي اساسا ب 103 الناس هناك محترمين جدا وتاخد وتدي معاهم في الكلام براحتك
هو مش حجز اوي يعني بس انا دفعت 50000 لغايت ما ورق العربية ييجي من القاهرة وده بياخد يومين يعني ارخص الاثنين او الثلاثاء ان شاء الله
طب ممكن تقوللي معلومات اكتر عن موضوع الاوردر ده, وايه اخبار التكلفه و الجماركاقتباس:
المشاركة الأصلية كتبت بواسطة kareem fawzy
وشكرا لأهتمامك
انا مجربتش اعملها قبل كدة بس اللى اعرفه انك بتعمل حساب على الاى باى او الامازون
ولازم يكون عندك انترنت كارد ومنه بتعمل حساب وبريد وهمى فى امريكا وبتعمل اوردر لشركات الشحن سواء كان اراميكس او دى اتش ال ومنها بيوصلولك الحاجة وبتقدر تتابعها من حسابك على النت لحد ما توصلك لحد باب البيت
بالنسبة للجمارك اعتقد بتبقى حاجات بسيطة هى والشحن
يعنى مثلا اخويا اشترى جاكيت من برا تمنه 1200 جنيه بعد الشحن والجمارك وصل ل 1900 وشوية حاجات كدة
وهو تمنه هنا 6 وشوية لانه جايكت لموتسيكلات الريس
اتمنى اكون قدرت افيدك بالمعلومات الضعيفة دى واسف لو ردى ما اجبش على كل استفسارات حضرتك
1000 شكر لذوقك يا باشا...انا ححاول ادور في اي باي واحسب التكلفة الكليةاقتباس:
المشاركة الأصلية كتبت بواسطة kareem fawzy
ولو حد يعرف الاقي الحاجات دي فين في اسكندرية(عشان الفرش الجلد لازم يكون من هنا طبعا)ياريت يقوللي ...وشكرا