الجنوط عندي اتخربشت لما بتاع الكاوتش كان بيفك الفردة يا تري ممكن البوليش يعالجها ولا في حل تاني ؟؟ هي خدوش سطحية ومش عميقة اوي وموجودة علي شفة الجنط
عرض للطباعة
الجنوط عندي اتخربشت لما بتاع الكاوتش كان بيفك الفردة يا تري ممكن البوليش يعالجها ولا في حل تاني ؟؟ هي خدوش سطحية ومش عميقة اوي وموجودة علي شفة الجنط
الخربشة مالهاش حل للأسف
لمعها برضوو من باب تبقا عملت الي عليك..
عشان كدة متروحش عند بتاع كاوتش معندوش الجهاز اللي بيفصل الكاوتش عن الجنط عشان ميخربشش الجنط
للأسف مرة الصبح كنت مضطر والراجل بوظلي الدنيا مروحتلهوش تاني لأني اتخنقت
كل دقة كانت بتيجي في الجنط كأنها جاية فيا اساسا :(
هو عنده الجهاز بس هو دخل حتة حديد بين الجنط والكاوتش علشان يطلع الشفة السفلية للكاوتش وسندها علي شفة الجنط وفك الكاوتش انا كنت عايز بعد كده اعمل خوابير علشان الفردة ماتتفكش من مكانها بس قريت في المنتدي انه موضوع فاشل بس انا قررت بعد كده ان شاء الله حاخلي القماشة اللي بنضف بيها العربية معايا واخليه يسند الحديدة علي القماشة مش علي الجنط مباشرة حتي لو الناس قالت عليا عبيط بس ده الحل علشان احمي الجنوط بتاعتي اللي دافع فيها دم قلبي انا من يومها وانا مخنوق بس حاعمل ايه دي اول مرة افك كاوتش من جنط اسبور ومكنش في دماغي الموضوع ده اصلا
وحاجة تشل أساسا في بتوع الكاوتش
بيتعامل مع الجنط كأنه حتت حديد بسس.. يدقدق ويخربش براحته
مرة كنت بفك الفردة علشان أعملها رقعة من جوه .. فضلت أقوله حاسب .. بالراحة .. طيب خد القماشة
لحد لما رمي الحاجة إلي في إيده .. وقالي " فيه إيه يابيه ؟ "
ههههههههههههههههههه
هتخربش الجنوط ياعم الحج