-
البيتل بلاعة بنزين
السلام عليكم
بعد ما ظبط الكربراتير عند ابراهيم بتاع الكربراتيرات اللى فى شبرا العربيه اتظبطة بس هيا بقة سفاحة بنزين هوا مركبلى بك سرعه 130 انا حاسس انو ماسوره عايز اعرف هوا البك الاستوك بتاعها كام مع العلم انى عربيتى 1600cc 1302 مع كامل الشكر و الاحترام لكل اعضاء فولكس بيتل
-
اعلانات شركة فولكس القديمة كانوا بيتباهو ان البيتل بتعمل 9 كيلو متر لكل لتر بنزين دا والعربية جديدة
شوف بقي بعد 40 سنة الموتور يعمل كام
انتا لو حظك حلو اوى اوى تعمل 8 كيلو لكل لتر
لكن متصدقش اللى يقلك دا انا عربيتي بتعمل 12 و 15 كيلو للتر لان حبهم للعربية مخليهم ميشفوش الحقيقة
انتا ابعتلى رقم الموتور كامل مش اللى مكتوب على الرخصة لاء بيبقي فيه حروف قبل الرقم فانتا شوفه بنفسك
وهتلى كمان موديل الكاربراتير هتلاقيه مكتوب عليه على سبيل المثال pic 34 /2
وانا هجيبلك تركب مقاس ايه فى السلانسيه وفى السرعة
-
دا الاعلان
بيقولك ان استهلاك العربية 25mpg
يعنى الجالون بيعمل 25 ميل
الجالون بيساوى 4.5 لتر
و 25 ميل بيساوى 40 كيلو متر
لو قسمتهم على بعض يطلع 8.8 كيلو متر لكل لتر بنزين يعنى حوالى 9
ودا بالنسبة لزمان كان حاجة ابهة اوى علشان العربيات الامريكي ال 8 وال 12 سلندر
كانت مشكلة فى السبعينات ايام ازمة البنزين
[youtube]http://www.youtube.com/watch?v=9XUKOUbp_PA[/youtube]
-
بناء علي خبرتي زمان في البيتلز كان الميكانيكي بيفك خرطوم البنزين اللي طالع من طرمبة البنزين ويحطة في زجاجة بيبسي وبيدور العربية ويشوف الزجاجة تتملي في وقت معين اذا الازازة اتملت بسرعة بيفك الطرمبة ويزود جوانات تحتها لغاية لما يظبتها علشان ماتكولش بنزين وايضا علشان الناس اللي بتعاني ان العربية بتشرق اثناء الدوارة روح لميكانيكي كويس واسألة
-
السلام عليكم
اولا انا بشكر حضرتك جدا على اهتمامك و جزاك الله كل خير
انا جبت رقم الماتور و الكربراتير
الماتور رقم ad062216
الكربراتير موديل solex 34pict-3
وشككككككككككككككرا جدا جدا
-
بص يا ايمن باشا
الموتور بتاعك تم انتاجه بين اغسطس 1970 الى اغسطس 1971
لو جبت رقم الشاسيه هجبلك الشهر بالظبط
هو واضح طبعا انه نفس موتور العربية اللى اتجمعت بيه
الموتور 1600cc
50 حصان
دبل بورت
انسب كاربراتير ليه هو الكاربراتير اللى عندك الاقل او الاكبر مش هينفع معاك
مقاس البيكات اللى تناسب الكاربراتير ده
بيك السرعة 130 وبيك السلانسيه 55 دول بيدوا افضل اداء للعربية
فى ناس بتركب بيك سرعة 125 او 120 بس دا ضياع لقوة الموتور وميوفرش ولا حاجة
التاكيهات بتتظبط للموتور ده على 15 صيف وشتاء سواء للعادم او البنزين
وزى ما قلتلك قبل كدة المفروض استهلاك البنزين يبقي اقل من 9 كيلو لكل لتر
-
السلام عليكم
انا بشكر حضرتك جدا يا بشمهندس محمد هوا بتاع الكربراتير فعلا مركبلى بك سرعه 130 و سلنسيه 55 زى ما حضرتك بتقول باضبط بس انا حاسس انى 130 كبير اوى مقارنتا بافيات كان معايا فيات 132 1600cc وكنت مركبلها بك 115 وكانت مش مخنوقه خالص وبعدين الميكانيكى بيقلى البكات اللى عند ابراهيم الرقم اللى مكتوب عليه اقل من الفعلى حيث الفعلى اكبر حيث انا حاليا مركب بك 120 على كلام الميكانيكى انو 125 بس على فكره العربيه ما زالت مش مضبوطه حتى بعد ما غيرت البوجيهات تانى واحد صحبى قلى انو حصل معاه نفس الحكايه راح للميكانيكى ضبطله التاكيهات و العربيه اتظبطت اسف على اليطاله بس حبيت اصف مضبوط مع خالص التقدير و الاحترام لحضرتك
-
بالنسبة للبيكات ممكن تجيب بيكات جديدة من محلات قطع غيار البيتل
لان البيكات القديمة طبعا هتلاقيها اوسع من مقاسها الحقيقي
علشان موتورك يتظبط لازم تعمل الاتى بالترتيب
غير زيت الموتور اذا عدى عليه 1000 كيلو او 3 شهور او لو لسة شارى العربية
عمة الكاربراتير لو زيت اغسلها فى البنزينة وحطلها ربع كيلو زيت
ولو العمة هواء غير الفلتر مع تنظيف العمة نفسها
غير فلتر البنزين
غير البيكات او نضفهم لو حالتهم كويسة
ظبط التاكيهات على 15 عادم وبنزين من غير ما تسمع كلام وفتى الميكانيكية
غير البوجيهات لو مهببة واشترى من محل يكون عليه سحب علشان متكونش مرطبة
ظبط الكاربراتير هواء وبنزين وسرعة الموتور علشان نسبة الخليط تبقي صح والبوجيهات متهببش
ظبط توقيت الشرارة من الاسيراتير
كل دة باعتبار ان الاتى حالتهم جيدة
الابلتين والكوندنسر
و سلوك البوجيهات
و وش الاسبراتير وشاكوش الاسبراتير
لان اى مشكلة فى اى حاجة من دول هتلاقي الموتور بياكل بنزين لان الحرق مش كويس
والبوجيهات مهببة
-
الف شكر يا بشمهندس انا هودى العربيه للميكانيكى اللى عند كبرى التجنيد بكره لانى عديت عليه انهرضه بعد الشغل و كان عندو شغل كتير هيظبطلى التاكيهات هيا شغاله 4 بس البساتم الشمال شغاله ضعييف نتيجة الصبابات المحمله بتفوت كبس اما الكربراتير مضبوط تمام الحمد لله و انا فعلا اول ما جبت العربيه من حوالى شهر و نصف غيرت الزيت شيل الاحمر و طقم الكهرباء و عمة الزيت فكتها و غسلتها و حطيت ربع زيت بس انا بفكر اغيرها لهواء او اركب فلتر رياضى
-
السلام عليكم و رحمة الله و بركاته
الله ينور عليك يا محمد باشا سالم
مفيش كلام بعد كلامك
Content Relevant URLs by
vBSEO 3.6.0 PL2