انا معروض عليا عربية جولف موديل 2001 والعربية ماشية 130.000 كيلو وبيها جنوط وكوتش عريض العربية شكلها نظيف من برا ومن جوة بس انا سألت عن العربية علشان انا اعرف واحد يعرف صاحب هذه العربية قالى انه بيبعها علشان تكاليفها عالية علية وهوا لسة مغيرها طقم دبرياج وتقريباً كمان كان عايز يغير علبة البيئة ولقها غالية فكبر دماغة وبيقولى مرة وهوا بيفتح الباب الطبلة وقعت وراح صلحها ومرة تانية العربية كانت بتقطع منه ياعنى بتفصل لوحدها كل مايشيل رجلة من على البنزين ويرجع يدورها تانى تشتغل وبرضوا صلح العيب دة والعربية ماشية معاه كويس الان الميزة ان كل حاجة كانت بتحصل فى العربية غالباً كنت بعرفها
المهم انا موش حطول عليكم حبيت بس افضفض معاكم واقولكم اللى سمعتة بس بيقولى انه استخدامة نظيف قوى للعربية دى لوقت العربية معروضة عليا للبيع احب اعرف منكم اية المهم اللى اخلى بالى منه عند شراء السيارة وكمان لو تفيدونى اية اللى حغيرة اول مجيب العربية وياريت اعرف حتتكلف كام ولو حد عندة فكرة لو كشفت عليها فى التوكيل حيفصصولى العربية ولاا اية وبيتكلف كام الفحص وشكرا لاصدقاء المنتدى وعشاق الجولف