لو رجع بيك الزمن هتشتري الجين 2؟

**shaddadfalcon1** · 10-02-2012 12:45 AM

السلام عليكم

كنت عايز اعرف راي ملاك العربيه جين 2 فيها ولو رجعو لورا هيشترو العربيه تاني ولا لآ وياتري ايه اللي مضاقكم منها؟

**Al-Farooq** · 10-02-2012 03:01 AM

لو رجع بيا الزمن ، كنت استنيت موديل 2012
العربية بقالها 7 شهور تقريبا معايا ومفيش اي شكوي غير انها خلتني مدمن وقلقان عليها من البرد طول الوقت ودة مسبب ليا ارق ومش عارف انام :d

**tutankhamoun** · 10-02-2012 07:29 AM

أنا بالفعل رجع بي الزمن
بعت الجين 2 المانوال ............... و أشتريت جين 2 أوتوماتيك
الجين 2 دي أدمان زي الكوكايين كدا

هي العربية مش أحسن عربية ولكن من أحسن العربيات ثباتا و شكلا و سعرا
عربية تعشقها بقلبك قبل أي حاجة تانية مش عارف ليه .... هي لها ناسها برضه ....
و إن شاء الله لو غيرت الجين2 اللي معايا

هاجيب جين 2 برضه للمرة التالتة
يمكن بعد كام سنة (إذا ربنا أراد ان دي تقعد معايا الفترة دي ) هاجيب الجين 2 الأحدث لما أغير بإذن الله .

المشكلة بقى
أن المعوقين فكريا (السواقين المصريين ) يكرهوك في السواقة و في اليوم اللي أشتريت فيه العربية و في اللحظة اللي قررت تخرج بها من بيتكم .

**tutankhamoun** · 10-02-2012 07:30 AM

المشاركة الأصلية كتبت بواسطة mount

لو رجع بيا الزمن ، كنت استنيت موديل 2012
العربية بقالها 7 شهور تقريبا معايا ومفيش اي شكوي غير انها خلتني مدمن وقلقان عليها من البرد طول الوقت ودة مسبب ليا ارق ومش عارف انام :d

**Raul_7** · 10-02-2012 08:56 AM

كنت هشتري أبوها!

فعلا أنا بحمد ربنا اني ما اشترتش حاجة تانية لأني كنت هبقي مش مستريح نفسياَ.

**shaddadfalcon1** · 10-02-2012 11:08 AM

طيب هو فرق بين الموديلات علي مدار السنين؟ وهل شكلها هيتغير قريب او هينزلو تعديلات فيها قريب مثلا؟

**Al-Farooq** · 10-02-2012 11:45 AM

المشاركة الأصلية كتبت بواسطة tutankhamoun

المشاركة الأصلية كتبت بواسطة Raul_7

كنت هشتري أبوها!
فعلا أنا بحمد ربنا اني ما اشترتش حاجة تانية لأني كنت هبقي مش مستريح نفسياَ.

على كدة انا كنت هشتري امها

xD

**Al-Farooq** · 10-02-2012 11:56 AM

المشاركة الأصلية كتبت بواسطة shaddadfalcon1

طيب هو فرق بين الموديلات علي مدار السنين؟ وهل شكلها هيتغير قريب او هينزلو تعديلات فيها قريب مثلا؟

أكيد فى فرق ، وآخر تعديل للجين نازل فى 2012 ، وكان عبارة عن شكل الفانوس الخلفي اتغير والمرايات الجانبية ، وكذلك تقريبا (الكاسيت ب usb و aux و الجنوط والكنترول يونت بقي 32 بيت) ، يعني الكلام على تعديلات جديدة لسه بدري عليه
التغيير الجوهري على حد علمي كان فى موديلات من 2009 ، اتغير نظام دخول الهواء فى المحرك فالسحب على السرعات البسيطة اتحسن وبقي سحب الاتو مقارب لسحب المانول (طبعاً سحب المانول فى اى عربية اسرع من الاتو بتاعها )

**koheya** · 10-02-2012 11:59 AM

انا بعت عربيتى 3مرات ومقدرتش اتمم البيعة لدرجة ان واحد زميلى فى الشغل غسلتها علشان يستلمها ومهانتش عليا فاعتذرت.العربية دى فعلا اجمل عربية ممكن تركبها بالسعر دة.

**tamerosman** · 10-02-2012 12:26 PM

انا عن نفسى و بمنتهى الصراحة لو رجع بيا الزمن مش هشتريها

انا باحب العربية جدا جدا و شايفها احسن عربية ركبتها من ضمن : لانوس/ 2001 - بيجو 206/ 2004 - مازدا /3 2005 - النترا 2005، هى احسن عربية فيهم فيما عدا مازدا 3 . الجين 2 ثباتها و تسارعها قريب للمازدا 3 و ثباتها و فرملها و تسارعها اقوى من الالنترا 2005 بمراحل.

انا عملت تست درايف على سيراتو coupe و كمان أجرت سيراتو سيدان لمدة شهر علشان كنت بفكر اشتريها و شايف ان ثبات الجين 2 و اتزانها افضل من السيراتو برضه بمراحل

و انا عارف انى لو نازل و معايا 93 الف جنيه مش هلاقى اى عربية تدخل دماغى اشتريها مش هيكون قدامى غير نيسان صنى ( مش باحب شكلها)

الجين 2 فعلا لها طعم مختلف عن اى عربية تانية و متعة السواقة بتاعها افضل من عربيات كتير تمنها فوق 120 الف و ادائها محترم جدا

بس الفكرة : لما جربت اتعامل مع توكيل عز العرب فى اسكنرية لعنت اليوم الى سمعت فيه كلمة بروتون يمكن لو انا عايش فى القاهرة هيكون عندى بدائل تانية و مراكز صيانة اكتر

انا دلوقت قلقان جدا علشان لو العرية حصل فيها مشكلة هاتضطر اروح اتعامل مع توكيل عز العرب فى اسكندرية و عارف انه هيكون يوم اسود و هيطلعوا عينى

الموضوع: لو رجع بيك الزمن هتشتري الجين 2؟

LinkBack

أدوات الموضوع

عرض

-

-

-

-

-

-

المواضيع المتشابهه

لو هتشتري عربيه لأول مره خد بالك

لو معاك فلوس هتشتري من نفس الشركه ولا هتنوع؟

لو بعت الكورولا هتشتري ايه.

ياترى لو الزمن رجع للوراء كنت برضه هتشتري هيونداي(ياريت كل يقول رايه) ؟

لو انت مكاني هتشتري ايه

الكلمات الدلالية لهذا الموضوع

المفضلات

المفضلات

ضوابط المشاركة