لازم ترقص فى الفرح!!!!

**S.S.E** · 10-02-2012 01:15 AM

الموضوع هو ان الواحد علشان يعمل فرح يشترط عليه الرقص علشان الشكل العام مع أن الواحد عمره مارقص فى أفراح ولاغيره ولا بعرف أرقص ، مع ان العروسه أشترطت لازم يبقى فى فرح وديه أول فرحه والكلام ده .....طب يا بنتى ما نعمل كتب كتاب ودخله فى مشيخة الأزهر وناخد أهل العروسين ونسهر فى أفخم مكان وبعد كده نسافر تركيا أو....أو...........لازم نعمل فرح وحاول تقعد فى الكوشه ماترقص.

الحاجات اللى باتضيقنى فى الفرح عموما هى:

*الدى جى ..... أرقص ياعريس وهزى ياعروسه ، طب قولها بحبك بصوت عالى لازم تقول ،طب غنى
*المعازيم مابيعجبهمش العجب..... ولا أكل نافع ،ولا عريس عارف يرقص، طب المكان مش كد كده ،ده العريس مش عارف يسقف
*تلاقى الناس بتقولك الليله ليلتك يامعلم
*تيجى تلبسها الشبكه مش عارف ألبسها السلسله
*الواحد يخاف يتزحلق على ضهره وهو بيرقص slow
*ال5 ساعات او ال6 ساعات الواحد هيقول يارب تمر على خير

الخلاصه الواحد قلقان من هذا اليوم.

**elmkaneeki** · 10-02-2012 01:19 AM

الصراحة لو الواحد ناوى يبتدى حياته بالرقص يبقى بيهرج (الكلام عام)
لازم يحكم رأيه على فكرة

**أبو صلاح** · 10-02-2012 01:23 AM

الموضوع مش صعب قوي كده ياباشا

هو فعلا اسوأ شيء المعازيم بس نصيحة ولا تحطهم في دماغك في غيرك يهتموا بيهم اهلك واهل العروسة وخليك انت في فرحتك
على فكرة انا كنت زيك بالظبط بس وقت الفرح كنت فرحان جدا وشوية رقص وشوية قعاد اهم شيء محدش يتحكم فيك في فرحتك انت وعروستك

وربنا يتمم على خير

**أبو صلاح** · 10-02-2012 01:25 AM

المشاركة الأصلية كتبت بواسطة elmkaneeki

الصراحة لو الواحد ناوى يبتدى حياته بالرقص يبقى بيهرج (الكلام عام)
لازم يحكم رأيه على فكرة

يعني ايه ياباشا يبتدي حياته بالرقص ؟
وبرضه الكلام عام؟

**elmkaneeki** · 10-02-2012 01:28 AM

المشاركة الأصلية كتبت بواسطة أبو صلاح

يعني ايه ياباشا يبتدي حياته بالرقص ؟
وبرضه الكلام عام؟

الكلام مش موجه لحد معين يعنى
ويبتدى حياته بالرقص...الكلام شارح نفسه

**kareem_adel** · 10-02-2012 01:34 AM

يباش اعين الرأى اللى انتا كنت عايز تعمله بس مدام العروسة عايزة فرح يبقا متزعلهاش ومتقلقش هترقص يعنى هترقص هههه وغير كده انتا اهم حاجة تسعد مراتك وبعدين الناس على طول بتتكلم على الحلو والوحش متحطش فى بالك لانك عمرك مهترضى كل الناس لازم الناس تتكلم وربنا يتتملك بخير ان شاء الله

**Osama_I** · 10-02-2012 01:35 AM

المشاركة الأصلية كتبت بواسطة s.s.e

طب يا بنتى ما نعمل كتب كتاب ودخله فى مشيخة الأزهر وناخد أهل العروسين ونسهر فى أفخم مكان وبعد كده نسافر تركيا

أنا عملت كده بالظبط

**elmkaneeki** · 10-02-2012 01:43 AM

المشاركة الأصلية كتبت بواسطة أبو صلاح

مع احترامي كلام مش صح
حياة ايه اللي هيبتديها بالرقص ؟
هو العريس بياخد العروسة وبيرقصوا في كباريه ؟

ده رقص تعبير عن الفرحة ح في قاعة مع موسيقى واغاني
مش رقص ماجن وفاجر ده اللي بتكلم عليه

انا معاك ان في ناس بتعمل فرح اسلامي 100%
لكن ممكن يكونوا غير ملتزمين وده منظر

وممكن حد يعمل فرح في قاعة مع موسيقى واغاني لكنه في حدود الاخلاقيات المسموح بيها

لكن ماينفعش نقول علشان واحد عمل فرح واتنطط شوية هو وعروسته يبقى حياتهم بقت فسق وفجور

اولا دة رأيى الشخصى فمفيش صح وغلط دة مجرد رأى وكل واحد حر على فكرة
وجبت منين فسق وفجور دى يا ابو صلاح ؟!!!!!!!!!!!!!!!!

**adel1414** · 10-02-2012 02:20 AM

المشاركة الأصلية كتبت بواسطة أبو صلاح

مع احترامي كلام مش صح
حياة ايه اللي هيبتديها بالرقص ؟
هو العريس بياخد العروسة وبيرقصوا في كباريه ؟

ده رقص تعبير عن الفرحة ح في قاعة مع موسيقى واغاني
مش رقص ماجن وفاجر ده اللي بتكلم عليه

انا معاك ان في ناس بتعمل فرح اسلامي 100%
لكن ممكن يكونوا غير ملتزمين وده منظر

وممكن حد يعمل فرح في قاعة مع موسيقى واغاني لكنه في حدود الاخلاقيات المسموح بيها

لكن ماينفعش نقول علشان واحد عمل فرح واتنطط شوية هو وعروسته يبقى حياتهم بقت فسق وفجور

+1111111111111111111111111

الموضوع: لازم ترقص فى الفرح!!!!

LinkBack

أدوات الموضوع

عرض

-

-

-

-

-

المواضيع المتشابهه

لا ترقص على جروح الآخرين

الفرح الاسلامي

اعمل الفرح فين

لما البيتلز ترقص ...!!

الكلمات الدلالية لهذا الموضوع

المفضلات

المفضلات

ضوابط المشاركة