انا معايا اسبيرانزا 516 المهندس بتاع التوكيل ابن خالتى قالى الامام بيبقى 31 واللى ورا 30 ومزودتش
عرض للطباعة
انا معايا اسبيرانزا 516 المهندس بتاع التوكيل ابن خالتى قالى الامام بيبقى 31 واللى ورا 30 ومزودتش
والله يا جماعه انا معايا الاسبيرانزا 516 ونفسى اجيب الكارينز فهل الكارينز هتبقى احلى من الاسبيرانزا ولا ؟؟؟؟؟؟؟؟؟؟؟؟؟؟؟
اخى العزيز عن تجربة شخصية وطويلة مع العفشة 516 تركب مساعدين خلفى وامامى لانسر بس المقصات تكون بتاعة العربية الاصلى لانها اثقل من مقصات اللانسر وعشان كمان العربية دة وزنها اثقل من اللانسر ومقصاتها الاصلى هى اللى تستحملها مع المطبات بالنسبة للدبة عملت جلبة لقاطمة الدركسيون مع تغير بطاحات جديدة بتاعت العربية الاصلى بردة مع مراعاه تغيير كاوتش الميزان يعنى من الاخر حضرتك عشان تكون العفشة دة 10/10
1- تغيير المساعدين خلفى وامامى لانسر
2- مقصات العربية الاصلى تجبها من التوكيل مش من برة هتجبها اى كلام (عن تجربة)
3- كاوتش الميزان بردة الاصلى بتاعها مع البطاحات لانهم عدلو فيها فى الشحنة الجديدة بقت كويسة
4- عند الخراط تعمل جلب لقطمة الدركسيون عشان يمنع شخللة الدركسيون مع المطبات
....*وشئ مهم جدا محدش اتكلم علية قبل كدة ان جنوط العربية دة طرية وهى سبب من اسباب دبة العربية والمفاجأة انها راحت لما غيرت الجنوط وجبت جديد من برة بس جبتة ماليزى
واسف على الاطالة بس حبيت انقل لكم تجربتة وفرحتى بالعربية بعد ما اتعدلت جامد جداااااااااا