السلام عليكم
هرش حتة في الرفرف عايز اعرف نوع بوية كويس ويا ريت سعر الكيلو كام واية احسن ماركة معجون
عرض للطباعة
السلام عليكم
هرش حتة في الرفرف عايز اعرف نوع بوية كويس ويا ريت سعر الكيلو كام واية احسن ماركة معجون
المعجون مش بيفرق اهم حاجة الدهان والورنيش هات الاسكنز انضف نوووع بس حاسب ليكون مضروب وهاته بالملمع بتاعه يكون اسكنز برضك
1- سبيس هيكر المانى الربع مط +الورنيش +المصلب +التنر =250
2- سكينز هولندى الربع =225
اهم حاجة تجبه من حد كويس لانه ممكن يبعه على اساس انها سكينز وتطلع اوميجا
شكرا للردود بس ايه المصلب ده
البوهيجي مجابش سيرته هو بس
طلب البوية والورنيش
بوص يا باشا كيلو البوية بيجى بلوزمة
يعنى كيلو البويه = بويه مط +مصلب + تنر =300
والورنيش =300
اهم حاجة يكون التنر من نفس نوع البويه علشان يحل البوية
وركز مع الورنيش لان كيلو الورنيش سكينز ب 300ج
والاميجا 140 ج
وعلى فكره بتاع الكبينة بيعرف البويه ولازم تقوله البويه نوعه ايه لان سكينز وسبيس هيكر ليهم طريقة مختلفة فى الرش وبالزاد الورنيش لانه ممكن يسيل
شكرا لكل الردود
هل الربع كيلو هيكفي رفرف واكصدامين
واجيب رقم البويية منين في العربية
سؤال بعد اذن صاحب الموضوع انا عندى حته من الورنيش قشرت
فهل لازم ارش المكان كله من اول وجديد ولا ممكن ارش مكان الورنيش بس اصل شكله كده الورنيش كان اى كلام
ممكن اعرف الورنيش وظيفته ايه ؟
هل هو المسؤل عن اللمعه بعد البويه
لو كان كده
فلو رش عادى مش ميتالك هل يلمزه ورنيش برضه؟
وكمان سؤال فى ناس بترش من غير فرن
وناس بترش فرن
وناس بتقول نرش عادى ونسيح اللون بالحراره فى الفرن
ممكن شرح وافى للموضوع ده بكل انواعه وعيوب كل نوع ومزايا كل نوع وكمان التكلفه التقريبيه
هو فين احسن واحد بيبع البويه فى مدينة نصر او مصر الجديده ؟
لو امكن ممكن اعرف ايه الافضل فيهم
وممكن توضيح من حضرتك هو انا لما بسمع واحد يقول كيلو الاسكنز ب 300 ج دا شامل التنر والمصلب ولا البوية سعرها لوحده وباقي الخامات لوحدها
يعني انا مثلا ناوي ارش السيارة كلها نظافة اثر بعض التجريحات والخدوش وعايز اعرف اشتري ايه بالظبط وشكرا جزيلا
احسن نوع السبيس هيكر مشكلتها عايزه صنيعى درجة اولة الصنيعى بتاع الكبينة لان رش الورنيش بتها مقرف و لو مش فاهم هيسيل منه لانه خفيف يعنى يرش وش ويستنى شوية و يرش الوش التانى
بالنسبة للسعر كيلو بويه مط 1000 جرام +تنر +مصلب = 300 ج
و الورنيش الكيلو 1000 جرام = 300 وسعات 310
يعنى الربع كامل 150 ج (بويه +تنر +مصلب+ورنيش )
تقريبا العربية خوارج بتحتاج كيلو مط+لوزمة وكيلو ورنيش
واسال البوهيجى يقولك
نفس سعر السبيس هيكر فرق 20 ج
طبعا كل العبوات مكتوب عليه سكينز (بويه - تنر -مصلب - ورنيش )
بتاع الكبينة بيعرفها لو صنيعى (من اللون - من لمعة الورنيش -بتدى اللون من اول وش )
بتتعبى فى عبوات صفيح مش بلتسك
تانى حاجة البنهاوى قديم فى المهنة اب عن جد وليهم محلات كتيرة راجل سمعته حلوة
وبيديك ضمان على البوية (تغير لون - تجير ) 5 سنوات للمتلك و10 سنوات للمط تقريبا
و فى الاخر الضامن الله
شكرا جزيلا