صورة رائعة
نفسي اكون زيهم
و نفسي مصر تبقى زي اليابان
http://d24w6bsrhbeh9d.cloudfront.net...65565_700b.jpg
صورة رائعة
نفسي اكون زيهم
و نفسي مصر تبقى زي اليابان
http://d24w6bsrhbeh9d.cloudfront.net...65565_700b.jpg
عايز اكتب افيه قبل ما حد يكتبه ويجيلي جلطه
بيدي لا بيد عمرو
فوتوشوب
:)))))
إن شاء الله مصر هتبقى زي اليابان و احسن
بس لو الناس بقت زي الناس
احنا قدامنا 11000 سنه ضوئيه مش 11 شهر عشان نقربلهم حتى - فعلا شعب يستحق عظيم الاحترام
مش غريبة على اليابان..........
حد اتفرج على برنامج ((خواطر 5)) بتاع احمد الشقيري كان بيجي فى رمضان اللى قبل اللى فات
بصراحة الواحد كان بيتفرج وهو مش مصدق بجد حاجة عجيبة اوى
وبعد كده انتو شفتو اليابان بعد القنبلة اللى نزلت على هيروشيما ونجازاكى
بصو كام سنة ورجعوا احسن من الاول بمراحل.
تعليق بسيط اوى
اليابان بلد لو ضربتها بقنبله بتبقي احسن من الاول كل ما تحصلها حاجة وحشة ترجع اقوى من الاول
يا ترى ما هو السر
السر فى المواطن اليابانى
المواطن الذى يتبع منظومه بكل دقه
و ما تفتكروش اليابانيين ملايكة نازله من السما
كل ما هنالك انهم اى حاجه بيدخلوها و يعملوها بيعملوها بذمة منتاهيه
هناك فيديوهات كثيره لبرامج تلفزيونيه يابانيه اقل ما توصف انها فيديوهات بورنو
هل يبقى كده كل الشعب كده
او ده تفكيرهم بالكليه
بالطبع لأ و الا لما رأينا تلك المناظر
السر هو الاخلاص فى العمل و نحن اولى به منهم
بعد الزلزال و المصايب اللى كانت عندهم دورت على اى فيديوهات بها اغانى من نوعية
يابانا هاتبقى احلى
شيدى حيلك يا يابان
يابانا و غاليه علينا و هانشيلها جوه نن عيننا - مالقتش و قلت يمكن علشان نن عينهم ضيق فمش عاوزين يكدبوا و يقولوا هانشيلها فيه و هو لا يتسع
ان الله يحب اذا عمل احدكم عملا ان يتقنه (او كما قال صلى الله عيه و سلم)
بما ان الكلام عن اليابان اسمعوا الحلقة دي
‫بسمة أمل - الأمانة فى اليابان‬‎ - YouTube
اولا الصورة دي شكلها كدة جرافيك ومعمولة بفوتو شوب او ماشابه
بس مش هو دة المهم
اليابان بيشتغلوا زي المكن بالظبط
عندهم ايمان تام بأن العمل اهم شئ للرقي بالبني أدم
كنت قريت مرة لعبدالوهاب مطاوع لوحد يعرفه
ان بعد قنبلة هيروشيما ما تبقي من اليابان فقط 3 مباني فقط
معبد
مدرسة
مصنع
قالك هما دوول الي هنبني بيهم تاني اليابان واعتبروهم حجر الأساس
العلم
العمل
العبادة
يعني مثلا اليابان اتدمرت سنة 1945 وكانت بتصدر سيارات لجميع انحاء العالم سنة 1963 وبنت مصنع هوندا سنة 1948
نفس الشئ في المانيا بالظبط
بردو تقريبا برلين اتدمرت سنة 1945 ودخلت كاس العالم 1948
العيب فينا احنا
احنا الي بنستسهل وبنحب نشتري التكنولوجيا علي الجاهز بدل ما نصنع او حتي نطور في منتجات غيرنا
يعني كوريا فضلت تقلد في اليابان لحد لما صنعت بنفسها ومن تصميمها وانتاج محلي 100%
ربنا قال في سورة الكهف
بسم الله الرحمن الرحيم
قَالُوا يَا ذَا الْقَرْنَيْنِ إِنَّ يَأْجُوجَ وَمَأْجُوجَ مُفْسِدُونَ فِي الْأَرْضِ فَهَلْ نَجْعَلُ لَكَ خَرْجًا عَلَىٰ أَن تَجْعَلَ بَيْنَنَا وَبَيْنَهُمْ سَدًّا ﴿٩٤﴾
وفي تفسير لهذه الأية علق احد المشايخ الذي احسبه علي خير ولا اذكي علي الله احد
من كتر الكسل والأعتماد علي الغير في ايجاد الحلول قالوا لذي القرنين
هل نجعل لك أجر اذا بنيت لنا سد بيننا وبينهم
آتُونِي زُبَرَ الْحَدِيدِ ... الي اخر الأيات
اهو احنا كدة
بفلوسنا بنشتري المستورد وعمرنا ما فكرنا نخترع ولو حد اخترع مش بيعجبنا
بدل ما نساعده ونشجعه ونطور في اختراعه
والله المستعان
،
،
عباقره
احنا الفراعنه يابااااااااا:tongue32:
الصورة بألف كلمة, الطريق دة أتصلح فى 6 ايام بس:
http://i.dailymail.co.uk/i/pix/2011/...13_634x950.jpg
معقول الكلام ده !
ما شاء الله 11 شهر !
احنا ال 11 شهر دول بالعافيه ممكن نخلص فيهم حفر وردم شارع داخله غاز
وانا فيها دلوقتى والله اخر الشارع عندى محفور فيه وباظ جدا بسبب موضوع الغاز ده بقاله بتاع 3 شهور الشارع مدغدغ ومحدش بيلسمه ولا يشتغل فيه
مش عارف معنديش اقتناع ان مصر ممكن تتقدم فى يوم فى الايام ودة بسبب اللى بشوفة كل يوم
1- عيال بتكحط العربيات بالمسامير - شوارع مكسرة ومدغدغة - مفصلات كبارى بايظة - اهمال وتسيب - عدم مراعاة الضمير فى الشغل و الاعتماد على الرشاوى عشان يتحركوا - مواصلات زحمة جدا حتى المترو بقى بيتحرك بالعافية وياخد المحطة فى 5 دقايق - القمامة فى كل مكان والناس بتاكل وبترمى فى الشارع وهية ماشية او راكبة - غلاء كل كل حاجة يوم بعد يوم والمرتبات زى ماهية - بنزين مغشوش مع ان بيقولوا 92 او 95 يعنى المفروض حاجة نظيفة وياريت بتلاقية لكن بتقف علية طوابير - عيش مايتاكلش بنسبة 75 % لو لسة شارية و100 % لو سيبتة 3 ساعات - ميكروباصات بتقف فى اى حتة وفى اى مكان ومالهاش دعوة بالطريق ولا كانهم اشتروة - اللى بيركب الاتوبيس يايتسرق لا ما يتعور ويتخانق ويتبهدل - انابيب غاز مش لاقينها - ناس مش لاقية المياة ولا الكهرباء لحد دلوقتى - عربيات غالية وجمارك اغلى واوبشن فى الضياع ومواصفات منيلة وجودة مهببة وتبقى لسة شاريها وتلاقيها عطلانة ( اعتقد ان الشعب المصرى محتاج كتييييييييييييييييييييييي ييييييييييييييييييييييييي ييييييييييييييييييييييييي يييييييييييييييييييييييير اوى عشان يتغير ولا يمكن هيكون من يوم وليلة وعلى فكرة دية ربع الحاجات لسة فية كتيييييييييييييييير بس الواحد مش فاكر ( العيب فى الشعب مش فى اى حد تانى
بلد رائعة وشعب أروع
يااااااااارب نتعلم حاجه
[img3]http://d24w6bsrhbeh9d.cloudfront.net/photo/2565565_700b.jpg[/img3]
من اكتر شعوب الدنيا حبا ولحتراما لقيمة العمل