الموضوع: حد يعرف مكان ترصيص كويس

المشاركة الأصلية كتبت بواسطة y2y1500

زى ما قال بيشوى فعلا انا اتعاملت مع مكانين فقط لا غير ..
الاول: بريدجستون بنزينة كالتكس عباس العقاد مع مصطفى النحاس .. وتقريبا عادى زى اى مكان بمعنى مش بالدقة المتناهية اللى ترضى عضو موسوس زيك يا احمد بيك
الثانى: سيفتى سنتر فى الحرفيين (استااااااااذ) .. وده جربته بعد صيانة ال50 الف كم وتغيير الكاوتشات .. ورغم ان اللى ركبت عنده الكاوتش رصص وملأ نيتروجين الا ان الضغط ماكانش مظبوط ولا الترصيص كمان وتحديدا فى جنط خلفى يمين (وهو جنط الاستبن وكنت ركبته مكان واحد حافته اتعوجت فى مطب عالسريع عند 8 الاف كم وتم استعداله) واعراضه كانت رفة واضحة بعد 110 كم/س .. هو استاذ لأنه بعد ترصيص ال4 عجلات قالى الجنط ده كان بيرف معاك فوق ال110 وفيه وزن ناقص وانا ظبطهولك .. طبعا اكدتله المعلومة وشكرته ولما طلعت ع الدائرى والزراعى جربته والرفة انتهت تماما لحد دلوقت حتى بعد ما عملت تدوير للعجلات فى صيانة ال60.000 كم وبقت امامى شمال

سيبك بقى من ترصيص موتوسيكل وعربية نقل والكلام ده !!! .. انت كل اللى محتاجه جهاز كويس وصنايعى بيفهم وبس
ما انا ظبطت زوايا فى التوكيل ب75ج والعربية ما كانتش موزونة وروحت برة عملتها ب25ج

هو مش موضوع وسوسه فد ما هو الرعشه دي بتأثر على العفشه على المدى الطويل و هحاول اروحله بكره ان شاء الله و هو فعلا كان فيه جنط شفته اتنت و اتعدل قبل ما ارصص بس ما بئيتش عارف هو انهي واحد بعد التدوير و برضه انا عندي الرعشه من اول 110 لحد 130