النجدة يا شباب ( ارجو المساعدة)
زي ما واضح من العنوان انا حصلي مصيبة وطالب مساعدتكم يا جماعه ارجوكم
انا بشتغل it وبتعامل بالقطعه مع شركات كتيرة وفي شركة تصدير كانت طالبة مني اعملهم شغل ودفعولي نصف المبلغ اللي اتفقت عليه معاهم وبعد ما خلصت الشغل طلبت احاسبهم فؤجئت بهم معاملتهم اتغيرت تماما وكمان بيدوني 20% من باقي مستحقاتي وقالولي كدا حلو اوي
بعده كدا انا اخذت الفلوس لانها جزء من حقي ورحت البيت وقمت بتوقيع موقعهم من علي الانترنت ونزلت نشره انهم نصابيين
وبعدها بيومين لقيتهم بيتصلوا بي وبيسحبوا ناعم وقالولي تعال الشركة خد باقي فلوس وبلاش تضرنا
ويا ريتني مرحتش
رحتلهم الشركة فؤجئت بيهم محضرلي كمين 6 بلطجية داخل الشركة تعدوا عليا بالضرب والسرقة سرقوا مني كل شئ حتي مفاتيح عربيتي خدوها ونزلوا للعربية فكو الكاسيت
اخدوا الللاب توب بتاعي والموبايل وساعه يدي والمحفظة بكل ما تحتويه من اوراق ونقود واجبروني علي توقيع ايصالات امانه
شفتوا المصيبة اللي انا فيها
انا طبعا رحت عملت محضر في القسم وظباط المباحث مكنوش مصدقيين ان كل ده يحصل بسبب حاجة هيفة زي دي حتي لما صممت علي موقفي ورحت النيابة ومعايا تقرير طبي بالضرب اللي اتعرضتله وكيل النيابة مكنش مقتنع بس الحمد لله بعت يستدعيهم
المشكلة بقي دلوقتي اني لا عارف انام ولا ااكل ولا اشتغل حتي والموضوع ده مجنني ومطير النوم من عيني
مش عارف اعمل ايه ارجوكم اللي يقدر يدلني ايه اللي ممكن اعمله يرشدني وجزاكم الله كل خير
