يا تري حد حول عربيته الحديثة لغاز؟

لفت نظري عروض عاملينها شركات غازتك و غيرها حول تعديل السيارات للوقود المزدوج غاز و بنزين و الموضوع يستحق الدراسة لان بالفعل بيبقي فيه وفر لا يقل عن 75% في النفقات عند تحويلك لنظام الغاز - و تقريبا تكلفة التركيب بتكون في حدود 6500 جنيه للسيارات الحديثة عشان بيركبوا وحدات خاصة خصوصا في بداية الدوارة عشان التسخين لازم يكون بالبنزين خصوصا في الشتاء حتي تصل درجة المحرك من 35 الي 45 درحة مئوية و بعدها يتم التحويل تلقائيا الي نظام الغاز ده غير ان النظام ده بيحافظ علي البيئة نظيفة .
عايزين مشاركات الناس اللي خاضت هذه التجربة و رأيهم بمنتهي الامانة كما عهدنا منتدانا المحترم طول عمرنا

اقتباس:

---

المشاركة الأصلية كتبت بواسطة moh.fahmy

لفت نظري عروض عاملينها شركات غازتك و غيرها حول تعديل السيارات للوقود المزدوج غاز و بنزين و الموضوع يستحق الدراسة لان بالفعل بيبقي فيه وفر لا يقل عن 75% في النفقات عند تحويلك لنظام الغاز - و تقريبا تكلفة التركيب بتكون في حدود 6500 جنيه للسيارات الحديثة عشان بيركبوا وحدات خاصة خصوصا في بداية الدوارة عشان التسخين لازم يكون بالبنزين خصوصا في الشتاء حتي تصل درجة المحرك من 35 الي 45 درحة مئوية و بعدها يتم التحويل تلقائيا الي نظام الغاز ده غير ان النظام ده بيحافظ علي البيئة نظيفة .
عايزين مشاركات الناس اللي خاضت هذه التجربة و رأيهم بمنتهي الامانة كما عهدنا منتدانا المحترم طول عمرنا

---

أنا بصراحة كنت بفكر جديا أني أركب جهاز الغاز خصوصا أن بروتون منزلة الجين 2 بغاز من المصنع بس مش في مصر .

و اللي خلاني أغير رأيي ........ الشنطة بتاعة العربية هايتاكل نصها بسبب أسطوانة الغاز .
حاجة تانية مخوفاني
لو حمار من الحمير اللي بتجري وراك و لاصقة فيك بمغناطيس لو حصل حادث أو خبطك ووصل الخبطة للغاز و الأسطوانة أنفجرت ..... العربية هاتبقى كرة من اللهب .

دول الحاجتين اللي منعوني أني أركب جهاز الغاز .
أنا قلت أشارك برأيي يمكن أكون غلط أو أساعد حد

موضوع مهم جدا
انا مركب غاز عندى ف اعربيه بقالى حوالى خمس سنين من ساعت ما جيبت الفيرنا زيرو و الحمد لله تمام جدا و مفيهوش اى مشاكل و ف السحب و الجرى زى البنزين حتى مع التكييف الحمد لله تمام جدا مع طبعا التوفير الفظيع انا من المحله بروح القاهره و ارجع بحوالى 10 جنيه موفر جدااااا
و اى استفسار انا تحت امرك

اقتباس:

---

المشاركة الأصلية كتبت بواسطة pedooooo

موضوع مهم جدا
انا مركب غاز عندى ف اعربيه بقالى حوالى خمس سنين من ساعت ما جيبت الفيرنا زيرو و الحمد لله تمام جدا و مفيهوش اى مشاكل و ف السحب و الجرى زى البنزين حتى مع التكييف الحمد لله تمام جدا مع طبعا التوفير الفظيع انا من المحله بروح القاهره و ارجع بحوالى 10 جنيه موفر جدااااا
و اى استفسار انا تحت امرك

---

طيب يا فندم ممكن أعرف منك الآتي :

أولا أنت بتثبت الغاز على الرخصة و لا لاءة ؟
ثانيا هل حصلك أي مشاكل أو سلبيات للعربية بعد تركيب الغاز ؟
ثالثا أخبار الشنطة أيه و المساحة اللي خزان الغاز محتلها ؟

شكرا مقدما

اقتباس:

---

المشاركة الأصلية كتبت بواسطة tutankhamoun

طيب يا فندم ممكن أعرف منك الآتي :

أولا أنت بتثبت الغاز على الرخصة و لا لاءة ؟
ثانيا هل حصلك أي مشاكل أو سلبيات للعربية بعد تركيب الغاز ؟
ثالثا أخبار الشنطة أيه و المساحة اللي خزان الغاز محتلها ؟

شكرا مقدما

---

لا يا باشا الغاز مش بيتثبت على الرخصه
الحمد لله من يوم ما ركبته من خمس سنين مفيش اى مشاكل خالص فعلا كل اللى حصل حاجات طبيعيه ملهاش دعوه بالغاز
هى طبعا الشنطه صغرت بس مش للدرجه اللى حضرتك متخيلها يعنى تقريبا الاسطوانه خدت ربع الشنطه و فى من الاسطوانات احجام حسب ما حضرتك تحب

من يومين شوفت ايفو دخلت مونت غاز ودفعت تقريبا 6ج
وانا واقف امون بدفع 45 ج
ده ايه ده
بس ملحقتش اقف اتكلم معاه
وكان فى جهاز بيتباع هنا فى المنتدى ب 1500ج
بس من فتره فممكن تمنه ميكونشى غالى اوى كدا
والله اعلم

احب استفسر اذا ركبت غاز في العربية وبعد فترة حبيت ابعيها او اشيل الغاز اقدر اشيله ويبقي تكلفة شيله من العربية كام تقريبا ولو جبت عربية تانية اقدر اركب الحاجات الي انا شلتها ويشتغل عادي

متابع باهتمام

تقريبا من 100 الى 200ج

شوف كده يا باشا موضوع أستاذ محمد

http://www.nilemotors.net/Nile/268454-a.html

اقتباس:

---

المشاركة الأصلية كتبت بواسطة Osama_I

شوف كده يا باشا موضوع أستاذ محمد

http://www.nilemotors.net/Nile/268454-a.html

---

:tumb::tumb:

اقتباس:

---

المشاركة الأصلية كتبت بواسطة atala

احب استفسر اذا ركبت غاز في العربية وبعد فترة حبيت ابعيها او اشيل الغاز اقدر اشيله ويبقي تكلفة شيله من العربية كام تقريبا ولو جبت عربية تانية اقدر اركب الحاجات الي انا شلتها ويشتغل عادي

---

ايوه يا باشا تقدر تشيله و تركبه ف اى عربيه تانيه

كنت راكب مع سواق تاكسي مركب غاز في عربيتة فقال لي حاجة غريبة بيقول ان الغاز اللي موجود في مصر بيأثر علي عمر الماتور السيارة
الموضوع محتاج رأي الخبراء للشرح الوافي ومعرفة هل الغاز فعلا بيأثر علي عمر ماتور السيارة ؟؟؟
وهل التعديل المصري للسيارات اللي بدون غاز يكافي السيارات اللي بتكون جاية اصلا من الخارج مجهزة للغاز؟؟

نصيحه بلااااااااااااااااااااااا ااااااااااااااااااش غاز العربيه هاتبقي حمي هاتحس انك راكب توكتوك وغلط علي المكنه بياكل المكنه وهانبقي العربيه تقيله هاتبقي رايح ب 110 كيلو..جاي ب110 كيلو !!!! وهايتعب العفشه
انا ركبته في شاهين وندمت انه ركبته :)
و

اقتباس:

---

المشاركة الأصلية كتبت بواسطة abdo7000

كنت راكب مع سواق تاكسي مركب غاز في عربيتة فقال لي حاجة غريبة بيقول ان الغاز اللي موجود في مصر بيأثر علي عمر الماتور السيارة
الموضوع محتاج رأي الخبراء للشرح الوافي ومعرفة هل الغاز فعلا بيأثر علي عمر ماتور السيارة ؟؟؟
وهل التعديل المصري للسيارات اللي بدون غاز يكافي السيارات اللي بتكون جاية اصلا من الخارج مجهزة للغاز؟؟

---

هو دة إللي كنت عاوز أقوله من أول الموضوع
وأول ما يذكر موضوع الغاز يتبادر لذهني التدمير إللي بيسببه الغاز للمكونات الداخلية للموتور حيث بيسبب تسلخات في الشمايز بشكل ملحوظ مما يسرع من عملية إنهيار الموتور وقصر الفترة التي يبدأ فيها إستهلاك الموتور للزيت ( و بداية ترشيح الموتور للزيت وظهور الدخان في الشكمان ) بمعدل أسرع عنه في مواتير البنزين ( قد يكون ذلك لأن الشركة المصنعة للسيارة لم تضع في حسبانها عند تصميم المكونات الداخلية للموتور أن يكون الوقود هو الغاز ومما يؤكد ذلك أن سيارات التاكسي التي تستخدم الغاز كوقود لها ( والتي أعتقد أنه روعي ذلك في تصنيع هذه السيارات ) لم تتعرض لمشاكل عند تحويل دورة وقودها لإستخدام الغاز ...
خذوا هذا المثال :
صديقي إشتري سيارة بيجو 504 إستيشن وكان بها دورة وقود غاز ( هذا طبعاً بجانب البنزين ) ولما أراد أن يبيعها لقريب له في الأقاليم طلب منه قريبه أن يفك دورة الغاز ( لأنه لا يوجد غاز في المحافظة التي يسكن بها قريبه وبالتالي لا يريده ) ...
وبالفعل قام صديقي بإزالة مجموعة الغاز ... والمفاجأة ( وهو ما أريد أن أوصله لحضراتكم ) :-
بمجرد إزالة مجموعة الغاز الموتور ( رزع) ورشح زيت من كل مكان والشكمان دخن بشكل غير عادي أي ظهرت عيوب الغاز ...!!!
كما إني كلما كنت أسافر في السيارات البيجو الأجرة على الخطوط الطوالي وعندما أعرف أن السيارة محولة للغاز أجلس بجوار السائق وكنت أحاورهم في هذا الموضوع والكل يؤكد على حقيقة واحدة وهي أن عمر الموتور في حالة وجود دورة وقود الغاز أقصر منه في حالة دورة البنزين ( تقريباً النصف ) ويبدو أنهم ما يوفرونه من إستهلاك الغاز يعوض لهم القصر في عمر المحرك ( بدليل أنه بالرغم من علمهم بذلك لا يزالوا يقوموا بتركيب دورة الغاز _ وكأنهم إعتادوا على عمل عمرات للمواتير وإعتادوا على بهدلة الورش والإحتكاك بالصنايعية والخراطين ( دوشة عمرة الموتور من الآخر )

بس يا جماعة فيه ناس متخصصين و اصحاب توكيلات كبيرة زي غبور مثلا لا يخرج العربية من الضمان لو عدلت لنظام الغاز با بالعكس هو يوصي بذلك
بالاضافة ان في مقالة ملحق الاهرام العدد الماضي بتاريخ 10-02-012 نفوا تماما انه ممكن ان تحدث اضرار للموتور او تسلخات للشمايز عند التحويل للغاز علي العكس من ذلك بأنهم اكدوا ان نظام الغاز يباعد بين فترات تغيير الزيت للمحرك و صديق للبيئة و يقلل تكلفة التموين بمقدار 75% و هي نسبة جبارة جدا و تستاهل التنفيذ
لكن تبقي مشكلة وزن الاسطوانة و صغر حجم الشنطة هما العائقان الوحيدان للتفكير في هذا المشروع بس متهيألي لو مثلا العربية اوكتافيا a5 مقدار التأثير علي حجم الشنطة سيكون بسيطا جدا
طيب لو عربية 4*4 او هاتش باك هل ستكون الاسطوانة مكشوفة بشكل واضح ومؤثر علي الشكل العام للسيارة ام ان هناك آلية لاخفاء شكل الاسطوانة يعني مثلا لو عربية زي التريوس او الداستر حيبقي الشكل عامل ايه

والله انا كانت فكرتى عربية جيب ظريفة.. اركب لها الغاز .. يبقى كده حصلت عى عربية عالية .. عزم شديد... توفير بنزين
وياريت اللى ليه خبرة فى الموضوع يفيدنا اكتر

اقتباس:

---

المشاركة الأصلية كتبت بواسطة pedooooo

لا يا باشا الغاز مش بيتثبت على الرخصه
الحمد لله من يوم ما ركبته من خمس سنين مفيش اى مشاكل خالص فعلا كل اللى حصل حاجات طبيعيه ملهاش دعوه بالغاز
هى طبعا الشنطه صغرت بس مش للدرجه اللى حضرتك متخيلها يعنى تقريبا الاسطوانه خدت ربع الشنطه و فى من الاسطوانات احجام حسب ما حضرتك تحب

---

شكرا يا باشا على الرد و ربنا يباركلك في عربيتك

الغاز اكيد موفر من جميع النواحى
1- بتمشى بيه كيلومترات كتير بفلوس لا تزكر بالنسبه للبنزين
2- لوحضرتك بتسافر كتير وبتلف بالعربيه كتير اكيد حايوفر معاك كتير جدا
3- لو حضرتك مابتلفش بالعربيه وتقريبا استهلاكك ضعيف ليها فكدا موش حاتحس انك بتصرف فلوس اصلا على العربيه لان الفول تانك غاز يقعد معاك اسبوع بملاليم
4- الاستاذ اللى حكى موضوع صاحبه اللى فك الغاز والعربيه طلعت دخان موش عارف الدخان ده طلع ليه اصلا لان كدا كدا انته لما بتسخن العربيه لازم تبداء بنزين يعنى كدا كدا كانت بتطلع دخان وهى بتسخن
فى الاخر عمرة الموتور بعد 700 الف تقريبا تكلفتها حوالى 1500جنيه تغيير شنابر ووقتها ابقى اشترى موتور استيراد ساعتها حايبقى الموتور ببلاش ههههههههههههههههههههههههه ه

اقتباس:

---

المشاركة الأصلية كتبت بواسطة omaroof

الغاز اكيد موفر من جميع النواحى
1- بتمشى بيه كيلومترات كتير بفلوس لا تزكر بالنسبه للبنزين
2- لوحضرتك بتسافر كتير وبتلف بالعربيه كتير اكيد حايوفر معاك كتير جدا
3- لو حضرتك مابتلفش بالعربيه وتقريبا استهلاكك ضعيف ليها فكدا موش حاتحس انك بتصرف فلوس اصلا على العربيه لان الفول تانك غاز يقعد معاك اسبوع بملاليم
4- الاستاذ اللى حكى موضوع صاحبه اللى فك الغاز والعربيه طلعت دخان موش عارف الدخان ده طلع ليه اصلا لان كدا كدا انته لما بتسخن العربيه لازم تبداء بنزين يعنى كدا كدا كانت بتطلع دخان وهى بتسخن فى الاخر عمرة الموتور بعد 700 الف تقريبا تكلفتها حوالى 1500جنيه تغيير شنابر ووقتها ابقى اشترى موتور استيراد ساعتها حايبقى الموتور ببلاش ههههههههههههههههههههههههه ه

---

أشكرك على مرورك وعلى وردك ...
أحنا بنتناقش وإللي عنده معلومة ولو صغيرة بصدد الموضوع يتفضل بيها ...
لأننا في النهاية محتاجين نوصل لحلول
وياريت .. ياريت تطلع مخافي خطأ
لأني أفكر وجدياً في التحويل للغاز



و مع إحترامي الشديد لرأي سياتك تكلفة العمرة أو الموتور إستيراد موش في كل السيارات بيكون بالسعر دة
وتقبلوا تحياتي