صيانة 60 الف كم خارج التوكيل Hyundai i30

السلام عليكم و رحمة الله و بركاته

يا جماعة الخير و اهل الكرم ارجو النصيحة :help1:

انا معايا Hyundai i30 موديل 2009 عامله 70000 كم
توجهت للتوكيل المحترم غبور فى الإسكندرية لعمل صيانة 60000 كم
( متأخرة شوية :11: مش محتاج حد يقول :bravo: طبعا ظروف قهرية شويتين)

المهم سألتهم أية الموضوع قال لى المهندس المحترم 1380 ج سير تقسيمة + سير مجمع +260 ج مصنعية + صيانة 60 كم + تغيير زيت + بوجيهات + ضريبة المبيعات

المهم قلت له عندك لحد كدا الموضوع كبيررررر و محتاج فحص و تمحيص شديد

قلت اروح اجيب قطع الغيار و بعد كدا اطلع على اى مركز خدمة فى البلد غير غبور و فى الأخر الموضوع حيكون حنين عنهم فى المصناعية.

اول المشاكل : كافة تجار قطع الغيار اجمعوا على ان العربية دى على كتينه معدن داخليه مش سير تقسيمة.
ثانى المشاكل : اكثر من محل قطع غيار قالوا ان سير التقسيمة المجمع و الخاص بالتكييف و الدينامو يتم تغييره على 100 الف كم مش 60 ألف كم
ثالث المشاكل : لم اجد مركز محترم و ذو سمعه جيده و اسعاره معقوله فى الإسكندرية حتى الأن

رجاء من اهل الخبره و التجربة أفادتى فيما سبق

حاجة تخبل
عمتا ممكن تشترى قطع الغيار الأصلية من عند أطلس وهوا ليه فرع فى صلاح الدين وفرع فى أول جمال عبد الناصر لأن هوا الموزع لقطع الغيار الأصلية لغبور عندنا والفرق إنه بيديهالك من غير ضريبة زى التوكيل يعنى لما تشترى ب 1380 من التوكيل هتلاقى 138 جنيه ضريبة ودول ممكن تشترى بيهم حاجة للعربية أحسن!!
وممكن تسأله بالتليفون 034947888 - 01223879571 - 033570739
وفيه مركز كويس جدا أنا رحتله كذا مرة مع إنه بعيد عنى عشان أنا فى سموحة والتوكيل جنبى ودول فى شارع العيسوى قريب من سنترال ميامى إسمه الرواد وطلع صاحبه معرفة جامدة 0127648629 - 0125333565
عندهم عدة حديثة وفاهمين وأسعارهم كويسة جدا
وممكن تروح الأول يقولولك اللى فيها
قوللهم من طرف م/ محمد اللى معاه النيو أكسنت ولو محتاج آجى معاك مفيش مشكلة

اقتباس:

---

المشاركة الأصلية كتبت بواسطة original

حاجة تخبل
عمتا ممكن تشترى قطع الغيار الأصلية من عند أطلس وهوا ليه فرع فى صلاح الدين وفرع فى أول جمال عبد الناصر لأن هوا الموزع لقطع الغيار الأصلية لغبور عندنا والفرق إنه بيديهالك من غير ضريبة زى التوكيل يعنى لما تشترى ب 1200 من التوكيل هتلاقى 120 ضريبة ودول ممكن تصين بيهم العربية فى أى ورشة محترمة!!
وممكن تسأله بالتليفون 034947888 - 01223879571 - 033570739
وفيه مركز كويس جدا أنا رحتله كذا مرة مع إنه بعيد عنى عشان أنا فى سموحة والتوكيل جنبى ودول فى شارع العيسوى قريب من سنترال ميامى إسمه الرواد وطلع صاحبه معرفة جامدة 0127648629 - 0125333565
عندهم عدة حديثة وفاهمين وأسعارهم كويسة جدا
وممكن تروح الأول يقولولك اللى فيها
قوللهم من طرف م/ محمد اللى معاه النيو أكسنت ولو محتاج آجى معاك مفيش مشكلة

---

الله يبارك لك اهتمامك و اشكرك

فعلا انا اشتريت تيل الفرامل و البوجيهات من اطلس فى اول جمال عبد الناصر و هو الى قال ليه ان العربيه مفيهاش سير و انها كاتينه معدن ،،، بس المشكلة ان التوكيل عمل ليه انعدام رؤية و صعوبة تحقق مصاحب بنوع نادر جدا من الأستغلال المباشر :fun_10_9_134[1]: مش عارف اصدق مين فيهم.

اما بالنسبة لمركز الرواد ان شاء الله تعالى ازورهم لكن المشكلة انى ساكن فى غرب الإسكندرية على العموم بسيطة يوم فى ميامى ارحم من يوم فى مجاهل خلف عزبة المطار :D

اشكرك مرة اخرى

فعلا العربيه سير الكاتينة معدني(جنزير)
سير المجموعة هو اللي مقصود
بس لسه بدي على الاتنين بكرة ان شاء الله اجيب لك موعد تغيرهم مع تفاصيل صيانة 60000 كم
تحياتى

ربنا معاك

دا جدول الصيانه ممكن تبص عليه

final

سير كتينة ايه الى يتغير فى صيانة 60 الف سير الكتينة جنزير مش كوتش وسعره يدل على كدا
صيانة 60 الف
1-تغير فلتر هواء
2-تغير سير مجموعة او عمومى
3-تغير بوجيهات
4-تربيط عفشة
5-مراجعة سوائل
6-زيت محرك و فلتر زيت
7-فلتر بنزين انا بغيره كل 40 مش 20
وطبعا الكلام ده مبنى على ان حضرتك عملت صيانة 40 كاملة

اقتباس:

---

المشاركة الأصلية كتبت بواسطة adel1212

فعلا العربيه سير الكاتينة معدني(جنزير)
سير المجموعة هو اللي مقصود
بس لسه بدي على الاتنين بكرة ان شاء الله اجيب لك موعد تغيرهم مع تفاصيل صيانة 60000 كم
تحياتى

---

اشكر لك اهتمامك

اقتباس:

---

المشاركة الأصلية كتبت بواسطة sheka

دا جدول الصيانه ممكن تبص عليه

final

---

جدول الصيانة مش موضح موضوع سير الكاتينة ولكن تم التأكد من ان السيارة بسير كاتينة مش سير كاوتش

شكر لك على الجدول

اقتباس:

---

المشاركة الأصلية كتبت بواسطة ls1090

سير كتينة ايه الى يتغير فى صيانة 60 الف سير الكتينة جنزير مش كوتش وسعره يدل على كدا
صيانة 60 الف
1-تغير فلتر هواء
2-تغير سير مجموعة او عمومى
3-تغير بوجيهات
4-تربيط عفشة
5-مراجعة سوائل
6-زيت محرك و فلتر زيت
7-فلتر بنزين انا بغيره كل 40 مش 20
وطبعا الكلام ده مبنى على ان حضرتك عملت صيانة 40 كاملة

---

انا عملت صيانة 40 الف كاملة فى التوكيل منذ فترة
و ان شاء الله تعالى فى طريقى لعمل صيانة 60 بعد تحديد ما يجب تغييره و مكان الصيانة

سؤال أخير : هل يوجد مركز صيانة و خدمة لهيونداى محترم و مجرب من الأخوة الأعضاء فى غرب الإسكندرية او الحرفيين فى القبارى ؟؟ بشرط انه يكون مجرب من قبل.

شكرا لكم جميعا