الموضوع: سؤال عن سيفيك الجيل الرابع

المشاركة الأصلية كتبت بواسطة bakkar50

السلام عليكم يا جماعة
فالاول احب اشكر المتندى الجميل دا لاني استفدت منه كتير جدا
ثانيا انا عايز اشتري هوندا سيفيك الجيل الرابع اللي هوا 90 او 91 و كنت عايز اعرف اسعارها ايه و كمان اسعار قطع الغيار و توافرها من عفشة و موتور و خلافه و كمان انواع المواتير اللي نازلة في الموديل ده و ايه المواتير اللي ممكن تتسقطلها
و شكرا

وعليكم السلام ورحمة الله وبركاته .
اسعار الهوندا الجيل الرابع 89 -91 بتتراوح ما بين 26 الى 38 الف على حسب الحالة والكماليات ... فيه منها بدون كماليات وفيه منها الفل اوبشن .
بالنسبة لاسعار قطع الغيار وتوافرها من عفشة وماتور وخلافه ... كل حاجتها متوفرة عند بتوع قطع الغيار المتخصصين وكمان موجود كل حاجتها استيراد لاكن احيانا مبتلاقيش بعض الاكسسوارات او بعض اجزاء العربية الغير ميكانيكية الا باللف الكتير او فى بورسعيد زى مثلا الرفارف .
انواع المواتير ... هيه ماتورها الاساسى 1500 cc وفيه منه سينجل كاربراتير ودابل كربراتير وانجيكشن بـ Vtec وبتتراوح قدرتة الحصانية من 105 حصان لـ 130 حصان .
بالنسبة للمواتير اللى ممكن تتسقطلها ... أعتقد ان معظم مواتير الهوندا الـ 1500 والـ 1600 ممكن تتسقطلها عادى .