عرض للطباعة
يا جماعة انا مغرم بالأوبل لكن أول مرة اشتريها .عندى سؤالين أرجوكم ساعدونى
1- هل فرق فى الفيكترا الموديل (97-98-99) و (2000-2001-2002) وانه افضل اللى فيها ايكوتك ولا موتور أوبل . ولو هاجيبها اوتوماتيك ال1600 ولا 2000 سىسى احسن
2- فين افضل مراكز صيانة ليها فى القاهرة . ومين اخده معايا يكشف لى عليها
انا اسمى محمد وسعيد انى اكون عضو جديد معاكو
ارجو سرعة الرد للشراء
الموديل من 96 لحد 98 بيسموه فيكترا B1
من 98 لحد 2001 بيسموه B2
هو مجرد فيس ليفت FaceLift مع تغيير في بعض الأشياء البسيطة من الخارج
بالنسبة للمواتير
B1 نزل منها 1600 الموتور الأسود 1 كامة مانيوال واوتوماتيك
ونزل منها 2000 الموتور الأسود 1 كامة اوتوماتيك
B2 نزل منها 1600 موتور ايكوتيك 2 كامة مانيوال واوتوماتيك
ونزل منها 2000 موتور ايكوتيك 2 كامة اوتوماتيك
المفروض الموتور الأيكوتيك افضل لأنه اقوي من حيث عدد الأحصنة والعزم واوفر في البنزين لكن يقال ان قطع غياره غالية
وفي انتظار خبراء الأوبل للرد
وربنا يوفقك
والله المستعان
،
،
ما تسيبك من الأبيزا اللى معاك
و حط عليها علامه اوبل
انا ما باشوفك غير هنا
و بقيت خبره تحسد عليها
تسلم ايدك