بصراحه الراجل عامل اللى عليه وزياده بجد كتر الف خيره
عرض للطباعة
جزاك الله خيرا يا محمد .. وفعلا انا قابلت احمد فى الحرفيين (كان مع محمد manchestrawy بيشوفله حاجات لعربيته) وبعد كده طلعنا على الجزيرة وكان مرهق وزعلان جدااااا
بس الحمد لله انها جت على قد كده .. وربنا يجازى اللى كان السبب ونازل قر علينا جميعاااا وعينه فلقت الحجر والصاج والجنوط كمان :angry35::angry35::angry35:
وفداك يا ابو حميد الجنوط وبكرة نجيبلك احلى طقم بداله كمان (عشان اللى حسدك يتقهر :tongue32:)
وبعدين عمر ما حد بيعرف ربنا وبيحب الخير لغيره وبيشتغل بضمير الا وربنا وقفله ولاد الحلال وسترها معاه
ربنا يديم علينا المحبة والود .. وجزاكم الله خيرا على سوالكم جميعا سواء بالمشاركة او بالاتصال تليفونيا
وبحبكم ده هو اللى بيهون على الواحد ضغوط الحياة والمشاكل اللى بقع فيها
العربية وانا ماشى على كوبرى اكتوبر .. فى الوصلة اللى عند رمسيس تحت منها شارع الجلاء .. فى الاتجاه اللى رايح علىا لتحرير .. الارض محفورة حفرة عميق .. نزلت فيها على سرعة 70 تقريبا ..
قطمت الجنوط اللى قدام واللى ورا .. اتعوجوا واتشرخوا .. وروحت ركبت الجنوط القديمة .. وطبعا كشفت علىا لعفشة .. جابت جلب مقصات امامية .. ولما سالت قالولى فى التوكيل مش بنجيب جلب لوحدها فبيتباع المقص كامل .. وحتى الصنى كمان .. وطبعا الجلب اللى فى السوق بره تايوانى ..
المهم وكمان زيادة مع جلب المقصات الامامية .. جلب الدونجل الخلفى كمان شمال .. ودى مش موجودة فى التوكيل .. بس بصراحة انا مش سالت الا فى مكان واحد .. ولسه حسال بكرة فى كذا مركز خدمة .. لان قالولى مش بتنزل جلب ليه لوحدها .. ومش مشكلة لو مشيت بيها عادى
الحمد لله على كل شئ .. وقدر الله ماشاء فعل
وبعتذر لكل الاخوة اللى كانوا قابلتهم يوم الجمعة .. ومشيت بدرى .. مع ان دى مش عادتى .. بحب امشى اخر واحد فى المقابلة عشان انتوا عارفين بحب اقعد معاكم .. والقعدة معاكم حقيقى مش بيتشبع منها ابداااااااااااااا
بس كنت تعبان جسمنيا وذهنيا ونفسيا
بس الحمد لله دلوقتى افضل بروحكم وبحبكم ..
تحياتى لكل اعضاء القسم
نفس الحفرة دى موجودة بكثرة فى الطرق وفواصل الكبارى بالذات لما بتقع وتسيب فراغ عرضه اكثر من 15 سم
واشهر الاماكن اللى فيها حفر زى دى كوبرى الوراق على الدائرى القوس الغربى فى الاتجاهين وموجود منها حفرتين فى كل اتجاه وحلها تتاخد فى نص العربية او تبعد عن حارتها من اصله
وفيه كمان فى نزلة الزراعى من الدائرى باتجاه قليوب بس لأنها فى ملف جامد فطبيعى العربيات بتهدى فيها بس لازم تتاخد عالاول عشان ما تبهدلش العفشة
أما بخصوص الخساير معاك يا ابو حميد .. تأكد ان ستر ربنا هو اللى نجاك وكمان النيسان عامة عربية تقيلة (اسألنى أنا اتعرضت لكذا موقف على سريع .. اقسم بالله لو راكب عربية تانية كان زمانها اتقلبت او ركبة وفردة طارت من العربية خاصة لو كانت كورى)
وكلها حاجات بسيطة .. طالما المقصات سليمة حرام عليك تتدبس فى ثمن مقصات عشان الجلب وبعدين التيدا غير الصنى بينفعلها تغيير جلب مقصات بس ومش مشكلة تايوانى ولا يابانى شغالة وارخص من المقصات بالكامل
الجنوط .. ستر ربنا برضه انك ما غيرتش المقاس وزودت عن الاستوك ال15 بوصة والا كان زمانك ما نفعش تركب الجنوط القديمة تانى وكمان تضيع عليك ثمن الكاوتشات الجديدة عشان المقاس مختلف
جلبة الدنجل .. ممكن تصبر عليها شوية طالما مفيش ضرر .. وصى عليها ولما تيجى تبقى تركبها باذن الله
والف سلامة عليك كمان مرة ..
الحمد لله انها جت على قد كده ... ربنا يبعد عنك كل سوء يا ابو حميد مقابل التضحيات اللي بتضحيها للمنتدى و اعضاؤهو الله ...
الف سلامة عليك ياعمدتنا ربنا يبارك في عمرك ويجعله فيميزان حسناتك يارب العالمين انه علي مايشاء قادر
والحمد لله انها جت علي قد كده .......فداك عربيات الدنيا المهم انك بخير
ربنا يجيرك في مصيبتك ويخلفك خيرا منها
وربنا يرحمنا ويعافينا من الشوارع والمطبات والنقر ديه ........ انه علي كل شئ قدير
اقعد بالعافية
الف سلامه والحمدلله على كل شئ