مساعدة فى شراء رسيفر hd usb lan

**Hacker5** · 11-02-2012 12:19 PM

ان شاء الله ناوى اجيب رسيفر جديد و لفيت لفة فى المنتديات مقدرتش اوصل لحاجة
الماركات كتير و اسعار مختلفة و اوبشن مختلف و اللى قدرت اعرفه ان احسن الماركات دريم بوكس و ستار سات
كل اللى محتاجة انه يفتح القنوات الـ HD و يكون فيه فتحة usb عشان اوصله بالفلاشة و اتفرج على افلام بدل ما كل شوية احرق اسطوانة عشان اشغلها على الـ DVD ففكرة الفلاشة اسهل و ابسط بكتير
و يكون فيه lan عشان الشيرنج و يكون سعره فى المعقول
فياريت اى حد اشترى او عنده معلومة يفيدنى عشان منزلش اشترى حاجة مش مضمونة

**naser_56** · 11-02-2012 03:00 PM

افضل حاجه الدريم بوكس عن تجربه لو ميزانيتك مفتوحه خليك في الدريم ٨٠٠٠ سعره حوالي ٧٠٠٠ جنيه طبعا فيه ٣ مداخل usb ومدخل كومباكت فلاش ومدخل للميموري كارد بالاضافه الي وجود dvd وايضا امكانيه تركيب هارد داخلي 5'3 وتمت التجربه علي هاردات بمساحه ٢ تيرا وشغال عادي طبعا هينفع معاك سواء تسجيل او تايم شفت وطبعا بيدعم جميع انواع الشيرنج وايضا يحتوي علي وايرلس بالاضافه الي كرت اللان وايضا يحتوي علي ٢ توينر بالاضافه الي امكانيه تركيب ٢ توينر اخرين ولو ميزانيتك اقل تقدر تاخد الدريم ٨٠٠ وهو الموديل الاقل منه وسعره حوالي ٣٥٠٠ .

**asaber** · 11-02-2012 03:49 PM

في lyngbox من شركه connectmetv دا فيه 4 مداخل USB و مدخل lan و بيدعم sharing
و فيه هارد ديسك 160 GB
دا ثمنه 1500 جنيه

**hossam_elwani** · 11-02-2012 04:48 PM

مفيش احسن من كيوماكس hd999 v2 كل الى حضرتك طالبه فيه وسعره 540 جنيه تقريبا عن تجربه وامتلاك للجهاز

- سعة تخزينية 100 قمر - 9000 قناة - 4000 تردد
2- سرعه عالية ويحتوى على بروسيسور قوى
3- مجهز لتركيب كامه داخليه
4- امكانية تقسيم الشاشه الى 16 صوره
5- امكانية PIP صوره داخل صوره اى مشاهدة قناتين فى نفس الوقت
6- امكانية عمل زوم للقناة
7- امكانية تخزين القنوات داخل الرسيفر لاسترجاعها في اي وقت حتى بعد عمل سوفتوير
8- مدخل لان خارجى ( يركب فى الكومة ) من الخلف ومدخل يو أس بي (USB) من الأمام
9- امكانية الشيرينج بدون الحاجة الى الكمبيوتر
10- اضافة بيانات السيرفرعن طريق الكمبيوتر او يدويا عن طريق الريموت كنترول
11- الاحتفاظ ببيانات السيرفر سواء عمل اعادة ضبط المصنع او سوفتوير
12- يدعم النيو كامد (الاكثر انتشارا) و حتى 40 سيرفر
13- مشاهدة الصور و MP3 و الافلام مباشرة من (USB) عن طريق فلاش ميموري
14- التسجيل مباشرا على فلاش ميموري او هارد (USB) للقنوات المفتوحة والمشفرة
15- تحديث السوفتوير عن طريق Rs232 Port أو USB
16- عمل داونلود و ابلود لملف القنوات و المفاتيح عن طريق (USB)
17- تنزيل احدث سوفتوير بدون الكمبيوتر في اقل من دقيقة عن طريق (USB)

18- الدعم الداثم من الموقع الرسمى للجهاز
QMAX999.com | Satellite Receivers

الجديد فى الجوكر

1- FULL HD
2- تستطيع تصفح مواقع من علية زى موقع ال YOUTUBE
3- داعم للويرلس ممكن يركب لة كارت ويرلس
4- داعم لسيرفرات السسى كام
5- داعم لل MPEG 4 - DVB S2

**opelawy** · 11-02-2012 05:02 PM

المشاركة الأصلية كتبت بواسطة hossam_elwani

مفيش احسن من كيوماكس hd999 v2 كل الى حضرتك طالبه فيه وسعره 540 جنيه تقريبا عن تجربه وامتلاك للجهاز

- سعة تخزينية 100 قمر - 9000 قناة - 4000 تردد
2- سرعه عالية ويحتوى على بروسيسور قوى
3- مجهز لتركيب كامه داخليه
4- امكانية تقسيم الشاشه الى 16 صوره
5- امكانية pip صوره داخل صوره اى مشاهدة قناتين فى نفس الوقت
6- امكانية عمل زوم للقناة
7- امكانية تخزين القنوات داخل الرسيفر لاسترجاعها في اي وقت حتى بعد عمل سوفتوير
8- مدخل لان خارجى ( يركب فى الكومة ) من الخلف ومدخل يو أس بي (usb) من الأمام
9- امكانية الشيرينج بدون الحاجة الى الكمبيوتر
10- اضافة بيانات السيرفرعن طريق الكمبيوتر او يدويا عن طريق الريموت كنترول
11- الاحتفاظ ببيانات السيرفر سواء عمل اعادة ضبط المصنع او سوفتوير
12- يدعم النيو كامد (الاكثر انتشارا) و حتى 40 سيرفر
13- مشاهدة الصور و mp3 و الافلام مباشرة من (usb) عن طريق فلاش ميموري
14- التسجيل مباشرا على فلاش ميموري او هارد (usb) للقنوات المفتوحة والمشفرة
15- تحديث السوفتوير عن طريق rs232 port أو usb
16- عمل داونلود و ابلود لملف القنوات و المفاتيح عن طريق (usb)
17- تنزيل احدث سوفتوير بدون الكمبيوتر في اقل من دقيقة عن طريق (usb)

18- الدعم الداثم من الموقع الرسمى للجهاز
qmax999.com | satellite receivers

الجديد فى الجوكر

1- full hd
2- تستطيع تصفح مواقع من علية زى موقع ال youtube
3- داعم للويرلس ممكن يركب لة كارت ويرلس
4- داعم لسيرفرات السسى كام
5- داعم لل mpeg 4 - dvb s2

طب اجيبو منين ؟

**Land_Cruiser** · 11-02-2012 05:06 PM

انا جربت الكيوماكس ال ٩٩٩ فيرجن ٢ و هو جهاز إمكانياته كويسه بس حصلى معاه مشاكل خلتنى ابدل الجهاز تلاته مرات و كل مره اللى اجيبه يطلع فيه مشكله بس التلات اجهزه كانوا كلهم مشتركين فى انهم بيسخنوا جامد و المشاكل اللى طلعتلى معاه ان الريموت كان بيهنج مع تقليب القنوات و لازم اعمل restart علشان يرجع يقلب تانى كل شويه واو ممكن الريسيفر نفسه يهنج كله بس هو كان استقباله للامانه كويس جدا و اخر لما زهقت من المشوار رايح جاى لراديو طلعت البياع قاللى انه مالوش توكيل و اخدت الفلوس منهم فى الاخر و جبت ترومان 9090m و ده فى يو اس بى باستخدمه على طول و كمان hd و فيه تسجيل منه و كمان نت و معاه سيرفر بيفتح ال ART و الجزيره الرياضيه و ليهم رقم مختصر و ضمان و ممكن يعملوا upgrade لل software تبعهم برضه ب ٢٠ جنيه و الريسيفر بقاله معايا كام شهر و شغال كويس و انا كنت جايبه ب ٥٥٠ ج

**samoreception** · 11-02-2012 05:18 PM

متابع

**hossam_elwani** · 11-02-2012 05:34 PM

المشاركة الأصلية كتبت بواسطة opelawy

طب اجيبو منين ؟

انا جايبه من عبد العال فى فكنوريا اسكندريه

**Hacker5** · 11-02-2012 07:04 PM

اشكركم جميعا
الكيوماكس فيه شكاوى منه فى بعض الموديلات فعلا و خصوصا السوفت بتاعه التعامل معاه مش سهل
هو الارجح هايبفى ترومان او ستار سات
طب يا جماعة حد عنده starsat 2000 ؟
الموديل جميل جدا و كل اللى جابه بيشكر فيه سعره من 475 الى 500 حسب المحل

**noorcairo** · 18-02-2012 02:10 AM

أرجو الإفادة بخصوص الآتي:
- رسيفر Star sat HD + Lan مميزاتة وعيوبة وهل بيهنج أم لا.
- رسيفر Pansat HD + Lan مميزاتة وعيوبة ... ألخ.
- رسيفر IG 320 HD+Lan Built In حيث انني قد رايته عند صديقي كان سريع في نقل القنوات
ولكم جزيل الشكر