عندي مشكله في اللغه انا اليومين دول باخد كورس لغه بس مشكلتي اني مثلا لو سمعت فيلم او اغنيه ماعرفش اترجم مع اني عارف الكلمات بس مابقدرش الحق اسمع الكلمه واترجمها عاوز انمي مهاره السمع ممكن حد مر بالتجربه دي يقولي عمل ايه
عرض للطباعة
عندي مشكله في اللغه انا اليومين دول باخد كورس لغه بس مشكلتي اني مثلا لو سمعت فيلم او اغنيه ماعرفش اترجم مع اني عارف الكلمات بس مابقدرش الحق اسمع الكلمه واترجمها عاوز انمي مهاره السمع ممكن حد مر بالتجربه دي يقولي عمل ايه
اسمع كتير و مع التجربه هتلاقيها بتيجى معاك
بس حاول تسمع كتير و الحته التفوتك رجعها تانى
و هات افلام مترجمه و اسمع و اقرى
و مع التجربهو الممارسه هتلاقى نفسك بربنت
أي لغة في العالم بيتم أستيعابها عن الطريق الممارسة و السمع الكتير .
الكورسات علشان تعملك الأساسيات و بعدين الباقي بيكون على الممارسة .
لو بتسمع اغانى اجنبى هات اسم الاغنية واعمل عليها بحث فى جوجل مع كلمة lyrics
حيجيبلك كلمات الاغنية .. ابدأ غنى الاغنية وانت بتقرا و مع الوقت حتلاقى نفسك زى الفل
نصيحة و من غير ضحك....نزل مسلسل Lost و prison Break الأجزاء كلها مترجمة و خد كل سلسلة ورا بعض مثلا اتفرج على حلقة كل يوم و ابقى ادعيلى
شكرا ياجماعه وهاعمل الكلام دا وربنا يسهل
زي ما الاخوة قالولك الممارسة و كتر السمع هتتعود لكن متتوقعش دلوقتي ان شخص بيتكلم بسرعة جدااا و تقدر تترجم
لكن مع الوقت و كتر السمع هتبتدي تتعود و تقدر تترجم بسرعة بل هتتعلم اكتر من الكورس نفسه و هتتعلم حاجات مش هتاخدها في الكورس في خصوص النطق و العامية
يعني مثلا لو بتاخد لغة انجلش اللي بتاخده زي اللغة العربية الفصحي
لما تيجي تتفرج ع فيلم مثلا في كلمة زي نعم او اه او ايوة فالمفروض يقولوا yes لأ هتلاقيهم بيقولوا yup او بمعني ايوة بالعامية عندنا او no = nope او you = ya و غيره
اخدت بالك من قصدي ؟؟
بالممارسه يامعلم
اكتر حاجه هتنفعك هي انك تتفرج علي فيلم اجنبي مترجم اجنبي برده عشان تربط بين النطق والحروف وبعد كده هتبقي ولا اجدعها اجنبي
برنامج توب جير مكنتش بعرف اتفرج عليه من غير ترجمه عربي وبعد كده بقيت اتفرج عليه بترجمه اجنبي ودلوقتي من غير ترجمه خالص بالرغم من ان لغتهم بايخه وبيتكملو بسرعه وبيعذبو الحروف وهما بينطقوها